ترياق الرُوح

الترياق السابـع ⚜️.

بسمـهِ تعالى ..

البارحه استغربت دمه اعله شباچي
وبمنطقتنه خفت يكرهني حتى الشجر بالمنطقه شحاچي
وحروره بيه صفت تحس بيها تدري شوكت ؟ من تحضن الباچي
چا توصل لمرحله ما تحمل عتابي
ومن گتلك ابقى قوي
ولا تهتم لأي بشر هاي النصيحه ولك چانت على حسابي
انا وگلبي ترا بس انتَ قصتنا
تزعل تمل تختلف نبقى على حطتنا ..

" تريــاق الـرُوح "

  _______________ .⚜️⚜️⚜️⚜️. _______________

دُليار :

ـ ابتسم تليد أشر النـا نجي يمـه گمنـا كعدنـا گال
::ـ ليش ما مداومات اليوم استاذ علاء منطيكم مُحاظرة وعدكم باچر امتحان مُراجعة

جاوبتـة لياندرا
::ـ والله استاذ علاء هم بطران هو منو اله خلگ يداوم وهو اساساً المواد وخلصناهن نروح نراوي طولنـا اله ولأم العربي والك ونرجع كلشي ماكو

ـ ضحك ضحكة خفيفة وگال
::ـ هاي قبل چنت انتقم منكم والله من حرصي عليكم ما اكرهكم وبعد ما تراوني طولجن وهسه گومن انسحبن جيبن كتبجن وروحن لإكرام كلش شاطر بالأنكليزي خلي يقريجن

ـ رديت عليَّ 
::ـ يا حرص غير حاقدة عليك الى يوم القيامة وبعدين والله اني نعسانة رايحة انام وعود استاذ علاء احجي ويا گلة نسيت اگلهـن ع الأمتحان

ـ ضحك بصوت وجاوبني
::ـ اي مو هيَ لعبة واكلـه نسيت لج غير على مودكم گومن مدام بعدهم كاعدين و ناسيين النوم حتى تقرن والصبح تراجعن

::ـ ترى والله علمودك بس باچر اداوم بعد لو يكلولي باچر الوزاري هم ما اروح وراح اشوف واحد من الولد يطلعنا بنص الدوام

::ـ اي خوش بس روحن ادرسن بطلن لعب وترى الامتحان اخر موضوع ماخذينـا وأدب

ـ گمت همزين جايبة جنطتي هنـا عود وقت ما يروح الخطار نسوي جدول للوزاري ونقـرة بس خلصناها نفتر بالعزيمة  وكلشي ما فهمنـا رحت لغرفة بيبي سحبت الجنطـة ورحت لبابا

ـ شافني لازمة الجنطة ابتسم وگال
::ـ تعالي باباتي گولي شنو تردين

::ـ تليد گال باچر لازم نداوم عدنا امتحان انگليزي

::ـ اي بابا داومن اخلي اديم يوصلج للبيت تقرين ؟

::ـ لا بابا هذا إكرام يدرسنـا تليد گال شاطر بالأنكليزي خلي هو يدرسنـا

::ـ زين حبيبتي روحن للأستقبال وهسـة يجي وراكم

ـ أشرت للياندرا الي جانت تسولف ويه تليد وهو يباوع الها بضوجة گامت وياي رحنـا للأستقبال صاير ملحمة رتبنـا مكان وگعدنـا فتحت الكتب وانطيت اوراق لـ لياندرا وكعدنا نشخبط لمن يجي إكرام