ترياق الرُوح

الترياق الحَادِي عَشَر ⚜️

بِسمـهِ تَعَالـى ..

حَبيتَك شِجاني
وماحِسَبت احِساب
خَيعونَك علي مو انا خَيعونَي
مَتحبِني واحِبك
والمِصيبه النوب ارِيدك
وانهِزم مِن اليرِيدوني
مِن دونَك صِرت
ماعيش ويَ الناس
وانتَ بكِل سَعاده
تعيِش مِن دونّي ...

"تريــاق الـرُوح "

________________ .⚜️⚜️⚜️⚜️. _______________

لـيـَاندرا :

ـ رفعت راسي باوعتلهـم تليـد دار عيونـة لـ إكرام گلـة
::ـ ما تطلـع وغفت على گلبي

ـ ضحك أكرام غمز لتليد وطلع بقيت اني وحدي گمت اريد اطلـع ما اريد ابقى وحدي ويـه احد

اجانـي صوتـة گال
::ـ أبقي يمـي

درت وجهي مستغـربة
::ـ يمك ؟ ليـش

ـ غمض عيونـة بتعـب وگال
::ـ تعبان خاف احتـاج شي ؟

ـ رديت عليَّ بتفهـم
::ـ هسـه اصيح إكرام او واحد من الولد عليش طلعت إكرام شوف هسه تحتـاجـة

ـ جر نفس ضايج وگال
::ـ ما اريد راح انـام اخذي راحتج

ـ عفتـة وطلعـت بعد احسن

ـ مر اليوم ويـه خبالي لمن ردت ابطل وسويتهـا هوسـة بعدين الحمدلله صحيـت ورجعت بقراري

ـ ثانـي يوم داومـت وهاي ثاني مرة أداوم بدون دُليار بالعادة حتى غياباتنـا سويـة محد تحس بغياب الثانيـة بس هَسـة راحت غصب لخوالهـا والله دُليار اعرفهـا اذا ما رادت شي وكرهتهة مُستحيل بدون سبب اكيد مسويلهـا شي

ـ كعدت الصبـح اخذت الجنطة هيج فارغة بس خاف ما تطلعني وياهم المُديرة عاد اسمي جايبة جنطة حتى لو فارغة جهزت ملابسي ورحت غَسلت ورجعت بدلت وطلعت يم امي

ـ كعد شهم ابتسم بوجهي وحچة صوتة بي بحة أثر النوم شعرة نازل على عيونة رفعة وگال

::ـ صباح الخيـر

رديت عليَّ وراح يغسل گعد ورا سائد نفس الحالـة گال شهم

::ـ تريگي ترى ما اخذج بدون ريوگ خليها ببالج

ـ ضحكت لمن سائد گال وهو ينشف وجهه بالمنشفة
::ـ ما عليج اني اخذج

وشهم يرد عليَّ
::ـ انجب خليها تتريگ مو زين عليها بدون ريوگ تتخربط

ـ باوعلـة سائد تك عين وگلة
::ـ على بختك عيني هيَ نص ساعة وترجع