ترياق الرُوح

الترياق السادس ⚜️.

بسمـهِ تعالى :

ولتهدد بروحتك كدها انتَ ومجرب
تحس بالحچيتهَ صعب ؟ هاك اسمع الاصعب
ماخذني انگط ضوه ، وهديتني مترب
من شفتك تغيرت حسيتني تناقضت
بردان بس اهذي ، ومن ودعتني ونمت
فزة النايم غلط فزيت متأذي
ما شفت بيدك ورد من عدها وتأكدت ما ضامني لباجر
ومن صيحتلك شكو من گتلي لا ماكو شي حسيت شي صاير !

" تريــاق الـرُوح "

________________ .⚜️⚜️⚜️⚜️. _______________

دليـار :

ـ بلشت اني اجلف وبنين تغسل انهد حيلي خلصت ووگفت گدامهن ايدي على ضهري وحجابي شامرته ع الكاونتر وصحت :

::ـ تَعبت تعب مِن هذا اليحتاجله " أحن حضن بالدنيا " حتى ارجع لطاقتي وو

ـ اريد اكمل واشوف البنات يضحكن باوعت للباب لگيت اديم شايل اكواب الچاي ويضحك خلاهن ع الكاونتر وأشرلي تعالي رحت يمه سحبني لحضنة وباسني براسي وگال

::ـ اعرف مو حنين بس المهم حضن يزيل التعب ويرجعج الطاقتج دلياري

ـ طوقت ايدي على ظهرة وضميت راسي بصدرة وبستـة وگلتلـة
::ـ والله انتَ احن بشر بالدنيـا الله يحفظك الي حبيبي

ـ باسني على راسي مبتسم
::ـ يلا وخري ترى ذني غارن لا يطگنا بعين

ـ ضحكن البنات يعرفنـا يتشاقة دخل سائد شافني بدون حجاب دنگ شمرتلي لياندرا حجابي من يمها لبستة حجة سائد

::ـ ها حلال

ـ جاوبتة بضحكة
::ـ اي يلا غرد

::ـ شنو نازل عليكم الحنان لو راح تموتون وواحد يودع الثاني

ـ ضربة اديم على راسة وگلة
::ـ اسم الله ان اشاء باليكرهونا

ـ رفع راسـة لـ لياندرا گلـها
::ـ بس لا غرتي من ذولة ومن نروح تخبصيني شفت اديم شسوة وشفت شلون يحب اختة وانتَ ما تحبني وتسويلي سالفه حتى اشتريلج تعالي احظنج حتى اخلص

ـ اجت لياندرا تتمايل گلتلة
::ـ يلا

ـ صاح اديم
::ـ الأهتمام ما ينطلب لياندرا :

ـ اجانة صوت إكرام
::ـ يلا مو نزلت عليكم المحبة راح يصير العصر عود بعدين اظهروا حبكم الأخوي

ـ ردت عليَّ لياندرا بضوجة
::ـ شو اسكت إكرام صاير مُزعج مثل اخوك بس وصل الي السرة اتذكرتو العَزيمة