ترياق الرُوح

الترياق الرَابِع عَشر ⚜️.

بسمـهِ تَعالـى ..

چِنت أَخاف تِروح مِني
و الخِفت مِن عِندة صار
آني تانيتَك لَحد ما
زِهگ مِني الإِنتظار
آني قَررت الرَحيل
و انتَ لِسة بِلا قَرار
انتَ عِشت بِكل خَسارة
و آني عِشت الإِنتصار
انتَ مِن شاماتي أَسوَد
و آني أَضوة مِن النَهار

" تريــاق الـرُوح "

  ________________ .⚜️⚜️⚜️⚜️. _______________

ليـاندرا :

ـ اختلفت ردات الفعل على رجعت أدهم و عَلي الدُر  ابن خالو مُنتظر  بيـن المصدومين وبين الفرحانين مرت خالو مُنتظر فرحتهـا مُختلفـة برجعـة علي الدُر  لأن صار كُلش هواي مجاي فَـ خلصتها گاعدة يمـة وتسولف ويا

::ـ محتاج شي يُمة ؟ مرتاح هناك ؟ يبعد امك متغير

وإكرام يرد عليها

::ـ يُمـة والحُسيـن درينـا هو الچبيـر بس ما يصير بالله ترى احنـا هم ولدج

ـ ردت عليَّ بـ إبتسامة
::ـ چا انتَ مثل چبيـري يُمـة ؟

ـ وهو مقهور ويصيح
::ـ يلا يابـه قابل جديدة غير انـا الوسطاني لا بالجنة ولا بالنار هيج محيـر ضال ع السراط

ـ ضحكنـا على كلامـة رد عليَّ علي الدُر
::ـ يابـة تتدلل هسـه ارجع ويرجعلك الحنان شنو تريد بعد ؟

ـ إكرام أشر على تليد وصاح
::ـ وهذا تگول فرخ نفاس

ـ فحطنـا ضحك وهوَ مستمر يحجي بحرگة گلب
::ـ والله انـا  ما محصـل حنان لا من مَريم ولا من رجل مريم بس افيض حنان ع الوادم وكلشي ما محصل

ـ رد عليَّ تليد وهو يضحك
::ـ دسكت يلا لا تبچي راح نزوجك

ـ تغيرت ملامح إكرام وعبس بالزايـد گالـه
::ـ چفينـه شرك وخلينـا بدون حنان مرتاحين

ـ وهذا يرد عليَّ
::ـ ليش حتى اجيبها الك أسمها حنان حتى خاف ما تحصل حنان منها من تصيح اسمهـا تتذكر الحنان وتنقهر بالزايد

ـ وإكرام لعبانـة روحـه عبالك صدگ ح يتزوج ومستمرين على نفس المناگر

::ـ گتلك چفينـا شَرك لا حنان ولا جنان شحلاتها الحياة وانتَ مگابل هاي الوجوه التسد النفس ، اقصد التفتح النفس

...

ـ من جِهة أُخرى أُمي برجعة أدهم نست الدنيـا والبيـها وبس أدهم موجود بنظرهـا ،، حسب كلام مرت خالو ، الأبن الأكبر تكون معزتة أكثر و أهتمامة أكبر لأن هوَ اول فرحة