قصتنا ونهايتها

البارت٣

في الصباح صحت العنود قبل البنات كلهم وبدت تصحيهم كلهم وبعد ماصحوا البنات نطقت العنود : يلا بنات نتجهز لزواج
بدوا البنات يتجهزون كلهم ونطقت رغد : بنات البس الابيض ولا الوردي ؟ احس فشلة البس الابيض عيب
ديم وهي تكوي الفستان  : اساسا الوردي احلى مو سالفة فشلة بس الوردي احلى
ميار وهي تحط المسكرا : الوردي احلى
جلوى وهي تمشط شعرها : انا بلبس فستان سماوي كذا على ازرق
العنود وهي تحط الايلاينر : احس فستان جلوى يشبهه شخصيتها
ديم وهي تدور القلوس : حتى انتي لابسة فستان تايقر على احمر زي شخصيتك
رغد وهي تضحك : هههه منجد
ديم وهي تلتفت تشوفهم شكلها : كيفني ؟
البنات وهم يناظروها ويناظرون شامتها الي اسفل عينها وهي وفستانها البنفسجي الفاتح ومسوية شعرها ويڤي ومشطته شوي وميكبها الناعم الحلو
البنات كلهم بنفس الوقت : تجنننينننن
ديم تضحك بخفه وهي مستحية : شكرا
كانت الهنوف لابسة فستان بيج و وفاتحه شعرها البني المتموج وكعبها البيج هو وفيه لمعه وحتى ميكبها فيه لمعه ولابسه اسوارات تلمع  : شوفوا كشختي
ديم : تجنن بس شسالفة انعميت كلها تلمع
ضحكوا البنات عليها
بعد مدة نطقت رغد  وهي تحضر شنطتها الصغيرة الي بالون البينك : ها بنات تجهزتوا ؟
العنود وهي تنفض فستانها  : يلا بحضر السيارة
ميار : جيبوا بطايقكم مال طلعة
توجهوا البنات يطلعون وكل وحده احلى من الثانية واصوات كعبهم ملت الطابق
توجهت العنود وهي محضرة  بطاقتها وراحت على  الخروجه الا ويوقفها
الحراس : على خير ؟
رغد تقدمت وهي مطلعه بطاقتها ورافعتها على وجهه : عندنا زواج ومستعجلين
الحراس : تفضلوا
تقدموا البنات يطلعون وفتحت العنود سيارتها بواسطة المفتاح  ونطقت : يلا بنات
تقدموا البنات يدخلون السيارة كانت العنود تسوق وراد جمبها وفي الورا جلوى وهنوف وديم وميار ونطقت هنوف بدلع : بنات شوي شوي ماني قادرة اتنفس
نطقت ديم :  عأساس نحنا قادرين

بعد مدة قدروا البنات انهم يوصلون للقاعة
جلوى وهي تناظر من القاعة من السيارة : والله كبيرة !!
العنود  وهي تصفط سيارتها : ايوة يلا تجهزوا عشان ننزل وعبايتكم مو تنسوها
البنات  وهم يجهزون : تمام

تقدموا البنات واصوات كعبهم تملي القاعة
العنود: بنات تعالو هذا مصعد بس اهم شي حطيتوا عبايتكم ؟
البنات كلهم بصوت واحد : ايوة !!
توجهوا البنات للمصعد وصعدوا الطابق الثاني
تقدمت رغد ودخلت هي والبنات بالقاعة وشافوا قد ايش هي كبيرة ومنظمة
تنظيم رهيب اندهشت رغد وفتحت عيونها بصدمة وقاطعتها ديم : اجل وين بنقعد يارغد ؟
التفتت اليها رغد ونطقت بفهاوه : هاه ؟ ايش ؟
استوعبت رغد الي قالتة ديم ونطقت : هاه اي اي نحنا نقعد هناك
واشرت بسبابتها على مكان من احدى اماكن الطاولات ونطقت : بس روحوا سلموا على امي اول
جلوى : ليه مارح نقعد مع امك وخالاتك ؟
نطقت رغد : لا امي تقول اقعدوا وحدكم عشان ناخذ راحتنا
العنود وهي تناظرالمكان : انزين اهوه حريم وعيال ؟
رغد : لا فالبداية نرقص نحنا وحدنا البنات بعدين وقت الزفه يجون العيال والعريس ، الحين يلا خلونا نروح نقعد !
توجهوا البنات للمكان الي قالته لهم رغد عليه وبدأ وقت الرقص !
هنوف وهي تناظر البنات يلي يرقصون : الله بنات ابي اروح ارقص مين تجي معي ؟؟ ناظرتها جلوى وبحماس : اناا
ديم : وانا بعد
توجهوا الهنوف و ديم وجلوى قدام الكوشه عشان يتعرفون على اابنات ويرقصون معاهم
هنوف : مشالله مين انتِ ؟
حلا : اهليين انا حلا
وبدا يتعرفون على البنات ويرقصون
في جهة ثانية
ام رغد : اي والله شالاخبار شالاحوال يا ام فهد وام سعود ؟
ام فهد وام سعود صديقاتها بس مايبي لهم تعريف
ام فهد : والله الحمدلله مافي شي
ام سعود : الحمد لله ، بس اقولك يا ام رغد
ام رغد : هلا ؟
ام سعود : شوفيلي مين ذي الحلوة الي لابسها فستان ازرق متموج على سماوي مشالله تهبل يازينها ! اباها لولدي سعود
ام رغد : هذي ؟ اوهه هذي صديقة بنتي رغد اسمها جلوى بنت تركي هذي
ام سعود وهي تناظر جلوى وهي ترقص : والنعم والله
بجهة هنوف وجلوى وديم كانوا حرفياً فالينها هنوف وهي ترقص بفستان البيج وشعرها الويڤي وهو يتحرك ويميل يمين يسار ولا ديم وهي ترقص مع حلا وفاله ام امها ولا جلوى الي تهز بخصرها مع هنوف
بعد مدة تعبوا البنات وكل وحدة راحت لطاولتها الهنوف وهي تلهث هي وجلوى وراحو بطاولتهم
العنود وهي تناظرهم : ها رقصتوا ؟
جلوى وهي تلهث : ايوة
العنود : كيف ديم بكامل نشاطاها ؟
ديم وهي تقعد على الكرسي : ديم بعد !
رغد : يلا بنات خلصت الزفه بيدخلون الرجال البسوا عباياتكم
جلوى : عبايتي علقتها هناك يروح اجيبها واجي
تقدمت جلوى تجيب عبايتها والبنات لبسوا عباياتهم
جلوى بصدمة : متى لحقوا يدخلون !!
جلوى وهي تناظر يمين يسار : الحين اروح ؟! غبية جلوى غبية حرتي بالرقص ونسيتي العباية ، خلاص بلا عتاب ياجلوى خل اختبى بالحمام
راحت جلوى الحمام وهي تنتظرهم يطلعون
جلوى : يلا عاد بطيئين
دخل شخص طويل وجلوى قعدت تشوف ظله وهي مو منتبهة
جلوى بنفسها : الحين راح يلا اطلع
تقدمت جلوى عشان تطلع الا وتشوفه قدامها نطقت : صد صد !
سعود بتلعثم وهو يصد : ا .. ا . اسف ماكنت منتبة ان في بنا
دخلوا رجال بعد وجلوى توهقت وعينها دمعت تقدم سعود وخباها بالحمام
ووقف على الباب عشان ماحد يشوفها
رجال : هاا ياسعود ؟ شفيك واقف على الباب ؟
سعود بتوتر : انطر خويي
رجال : اجل ناطرينكم
سعود بتوتر : لا اسبقونا انتم
هز راسه الرجال بالايجاب وتقدم يطلع
بعد ماطلع الرجال كانت جلوى تبكي بصمت ماتعرف شتسوي
سعود بعد عن الباب : انتِ بخير ؟
جلوى بصوت خافت : ايوة
فتح سعود الباب ويشوفها قاعد تبكي : ليه تبكين ؟ خلص راح الرجال
كان سعود يتامل ملامحها الجميلة بدون وعي عيونها الدامعة الي تناظر بخوف وشعرها الحريري وبياضها الجميل وشفايفها الكبيرة
جلوى بخوف : صد !
سعود : ا اسف
تقدمت تطلع بسرعة وتوجهت تركض وهي تمسح دموعها وراحت بسرعه
عشان تاخذ عباتها ورجعت للبنات وهي تبكي بصمت

في مكان ثاني
تقدم سعود بعد ماعرف انها راحت وطول ما هو يدور طاولة اهله كان يهوجس فيها
سعود بهوجس : انزين شسمها ؟ بنت مين ؟ خلاص ياسعود لاتفكر بس ترجع للبيت قول لامك
ام سعود : هلا سعود شبالك يابني طولت
سعود بكذب : سلام يمه لا بس كنت عند الرجال
وجلسوا يسولفون

في مكان ثاني
العنود : بنات مو كأن جلوى تاخرت ؟
ديم : ايي خايفة صاير لها شي
ميار : لا ان شاء لله جاية
رغد : لا الحين وتجي هي قالت بتجيب عبايتها وتجي
هنوف : بنات هذي هي جت
تقدمت جلوى بوجة شاحب وازرق جداً ولا تزال دموعها على خدها وجلست على الكرسي ونطقت بتوتر : ه هلا بنات
العنود وهي تناظرها بأستغراب : صاير شي ؟
جلوى وهي تهز راسها ب لا
ديم : طيب شفيك كنك مصفوقه
جلوى وهي تناظر الارض ويدينها ببعض : مافي شي
ميار : خذي مي ( موية )
جلوى تشرب الماء

بعد مدة انتهى الحفل وبدوا المعازيم يرجعون لبيوتهم
وتقدموا البنات يلموا اغراضهم علشان يطلعون
رغد : بنات مو تنسون شي !
هنوف : طيب
شالوا البنات اغراضهم وتقدموا يطلعون
العنود وخي تتقدم للسيارة يلا اركبوا
ركبوا البنات ورجعوا السكن دون احداث تذكر

شرايكمممم بارت جديد وهالمرة حده طويل عجبني واجدد مع البارتات الجاية بتصير احداث كثيرة مع جلوى وسعود وباقي البنات اصلاً كيف بتعترف لهم جلوى وهي كتومه ؟ ماعرف كيف لا تسالوني ليش ماحطيت سعود بالتعريفات لانه صح شخصيه مهمه بس ماكنت مفكرة انه بيجي
فهمتوا علي ؟ 1076 كلمة مكافأتكم حطولي نجمة ⭐️وتعليق باي