قصتنا ونهايتها

البارت ٧

اليوم المنتظر ( روحه الهنوف وميار للعزيمة )
صحت الهنوف متأخر بحكم ان اليوم جمعة ومافي دوام والعزيمة المغرب
ولقت البنات صاحيين ماعدى هي توجهت الهنوف للمطبخ
الهنوف وهي تجمع شعرها بربطة شعر وتنطق : خير ماتصحوني
رغد وهي جالسة على الكرسي : صحيناك بس ماقمتي
الهنوف : مو عذر
العنود وهي تقلي البيض : بسكم انتِ وياها ويلا تعالوا قوموا ساعدوني
تقدموا هم الثلاثة يساعدون العنود اما الثلاثة بنات البقية كانوا بالغرفة ماعدى جلوى الي بالحمام جامعة شعرها كله وهي تفرش سنونها وتفكر : اقبلة او لا ؟ طيب ماشفته كيف اقبله عطول كذا بكون خفيفة خلاص جلوى بعدين فكري لك الوقت كلللله
تنهدت براحة وتقدمت تنشف وجهها بالمنشفة ونطقت : ها بنات  سويتوا الاكل تراني مره جوعانة
ردت عليها ديم وهي متربعة وتلعب كود بال بي سي وحاطة سماعات على اذنها : روحي ساعديهم عشان يخلصوا بسرعة "وردت للشخص الي في العبة " شدعوة ماتعرف تلعب ؟ شكلك مبتدئ
الشخص : مالك دخل بنت وتسولف
ديم بعصبية وهي تضغط بأصبعها بقوة : اوووه منجد ؟ هين الحين بشوفك مين اليقتلك يامتخلف
الشخص : يلا نشوف يامتخلفة
ديم عصبت وبدت تضغط بقوة على اصابعها وهي تلعب وتلفزيون قدامها وفايرة من العصبية
ميار وهي تقلب صفحات الكتاب : ديم
ديم بعصبية : هاا
ميار وهي منسدحة على السرير : مها تقول بتجي في قيم قوي تبي تلعبة وياج
ديم : طيب
* ملاحظة مها بيكون لها دور كبير انتبهوا لها وهي بعد صديقتهم من السكن وتحب ديم اكثر وحدة لانها نفس جوها ( 17 ) *
ديم نطت بقوة وهي تلعب
ميار : بشويش بشويش
ديم وهي ترمي نفسها على السرير لانها خسرت وبدت تصارخ بقهر
الشخص : تشوفيني مو ؟ يلا انا شوفتك القهر
ديم تقدمت بقوة : هي اقول انت مدري انتِ مو عشانك فزت مره وحده تحسب نفسك لعيب وترمي كلام ترى سكوري اعلى من سكورك والحين بتجي صديقتي وتوريك الويل
العنود وهي بالمطبخ تحط الاطباق : بناات يلا تعالوا اكلوا
ديم وهي تتوجة عشان تطفي التلفزيون : بوريك بعدين انا ومها يالي مدري شسمك "طفته" ونزعت سماعاتها بقوة وكانها مقهورة
بدوا البنات يسموا وياكلوا بروقات شديد ماعدى ديم المعصبة من هذاك الشخص الي قتلها بالعبه مع ان الموضوع مو مهم بس ديم حساسة بأتجاة هالاشياء ومن طبعها شخصية تحب التحدي بس ماتوقعت انها بتخسر زي كذا
العنود : اي مادامه ويكند وين مجدولين ؟
الهنوف : بنروح انا وميار للعزيمة ومتحمسيين ميار كفك " ضربت كف الهنوف ب كف ميار "
ديم : انا وجلوى ومها بنتم جالسين في البيت ونلعب ولا لنا خلق نطلع خلونا على شوشتنا احسن
ضحكوا البنات على ديم
رغد : اجل نروح حق الاسطبل يوم الاحد مشتاقة للخيول
العنود : تمام مادام يوم الاحد ماعندي شي
جلوى : امانة العنود تكفين خلي اليوم المغرب بعد ماتوصلين البنات للعزيمة خلي نبتدي نتعلم سواقة صارلنا نمطل كثيير تعبت ونحنا نمطل لين متى
العنود : تم اي آوامر ثانية ؟
جلوى ضحكت وضحكوا البنات نطقت جلوى : لا مشكورة