قصتنا ونهايتها

بارت ١٢

" وصلوا البنات "
العنود فتحت الباب من نسخة مفتاحها : هلا ميور
ميار لفت راسها وتقدمت تطلع من الغُرفة وتوجهت للعنود : هلا كيفك
العنود : واي شفيج قاطعتينا جذي
العنود : عطول طلعتي من الصف جذي بدون حس ولا خبر ؟
ميار وهي تذكرت الموقف وشتت انظارها ونطقت بكذب : راسي وجعني واخذت أذن من المديرة ورحت اطلع
ديم : بس كذا ؟؟ خوفتينا عليك
جلوى : ايوة منجد
ميار : اسفة
رغد : يلا عادي ماصار شي
ميار أبتسمت : تاكلون ؟
البنات : اي
رغد : اي يلا مره جوعانة
تقدموا البنات الي يحضر اكل والي يجهز السفرة
جلوى : بنات بقولكم شي يوم ناكل تمام ؟
البنات كلهم بصوت واحد : تمام
عند ميار الي راحت تنسدح على فراشها في غرفتها
انسدحت ومدت يدينها براحة وقعدت تهوجس : اقول للبنات عالي صار ؟  ( سالفه التحرش)  بس لا احس فشلة عيب .. انزين شلون ابضل كاتمة هالموضوع طول عمري؟ اكتمة احسن من ما اني اتفشل واقول للبنات
" جتها رسالة "
ميار قامت وتعدلت بجلستها وتوجهت للطاولة الصغيرة الي على يمينها وكانت الغرفة مُضلمة قعدت تناظر وتشوف الرسالة من ( عزيز ) فتحت جوالها وفتحت المحادثة وكان محتوى الرسالة قصير وجداً بسيط ( تخطيتي الي صار ؟ )
ميار كتبت : عزيز سوي نفسك ماشفت شي ماسمعت شي
عزيز : كيف ؟ بتسكتين عن حقك ؟
ميار : ايوة
عزيز : اذا انتِ بتسكتين كيفك بس عن نفسي والمنظر الي شفتة فيك بهالحالة مارح اسكت
ميار انصَدمت من الرسالة وشهقت وخافت شيصير اذا بلغ وقال وعالسريع رسالت ڤويز بصوت باكي وتشهق وبالقوة تتكلم وحاطة كفوف يدينها على فمها وقالت : عزيز تكفى لا مابي مشاكل الله يخليك فكنا من شره مابي مابي اروح السجن كذا انا الي بتحاسب مو هو " شهقت " حسبالكم حياة البنات سهلة زي حياتكم ؟ ورسلتها
وصلت الرسالة لعزيز وانصدم لمن شافها تبكي وتحسف عليها وقال بصوت هادي : لاتبكين هلاص انسي الموضوع انسيه بس لاتبكين
ميار شافت الرسالة وتطمنت رسلت : بروح اكل
عزيز : بالعافية
راحت ميار تاكل مع البنات الي كانوا جالسين على السفرة الي دايم تجمعهم لانهم اغلبهم فغرفهم وعالجوالات فالسفرة هي الشي الوحيد الي يجمعهم ويملي صوت ضحكاتهم وسوالفهم
رغد : اي قولي الموضوع جلوى ؟
جلوى : بنات تذكرون سالفة خطبتي؟
العنود : ايوة شفيها ؟
جلوى : مر عليها كثييير وبعدني مترددة اوافق ولا لا تكفون بنات عطوني رايكم
هنوف : شوفي هو يعني حلو مزيون والصراحة عن شخصيتة مادري عنها
جلوى : ياخي انا شايفة شكله وشخصيتة دونتها بملاحظتي بس مادريي مترددة
العنود بغمزة : انزين انتِ ؟
جلوى : مافهمت كيف ؟
العنود : يبة الهنوف تقول مزيون وحليو انتي شتقولين ؟
جلوى استحت وبدتت تشتت نظراتها : هوَ شوفي ااا شسمة يعني عادي شكلة مو مرة تقريباً عادي
جلوى وهي بداخلها : انا كذابة بس اقول كذا عشان لايشكون يارب مايقفطوني
ديم : تقولك مدون شخصيتة بالملاحظات وانتِ تسالينها شلونه ؟
العنود : مادري عنها
العنود : يبة جلوى باليل قبل لاتنامين راجعي شخصيتة وشكله واخر موقف بينكم وحللية على كذا وقيمية وبعد عندچ يوم ثاني الي اهوه يوم الشوفة تتعرفين عليه وعلى شخصيتة اكثر من الي انتِ متعرفة علية باليل هوجسي وفكري انثبرنا ب سوسو حقج
جلوى رفعت حاجبها : مين سوسو ؟
البنات بدوا يضحكون بقوة
جلوى وهي تضرب عالطاولة: بنات بلا استهبال قولولي مين سوسو
ميار وهي تضحك بقوة وموقادرة تتكلم : الله يسلمج سوسو اهوه سعود خطيبج بس نحنا البنات كل ليل نجامع سوى ونقعد نقيمة ونشوفة مناسب الج ولا لا من ناحية الشخصية والعمر والشكل ودايم نحرص على ان مايكون في اختلافات كبيرة بينكم علشان مايصير مشاكل والبارحة باليل قررنا انه مناسب لك
جلوى : لا والله ؟ ومقررين بعدي بعد ؟ متى سويتوا كل هذا شلون انا مو حاسة !!؟
هنوف : باليل يوم تنامين حنا نقعد ونسوي هذا واتفقنا انا والبنات ان كل مافينا وحدة تحب احد او احد يخطبها نخليها تنام قبلنا ونقعد نقرر
العنود وهي تضحك : ماشاءالله الهنوف وميار ماينحفظ يمهم سر
جلوى : وانا متعبة روحي ونفسي وكل ليل اهوجس الين مانام وانتوا مقررين وتقيمون ومدري ايش وانا مخنوقة بالهوجسة ويم اجي اسالكم تقولون والله ماندري نخاف نقول شي ويصير العكس وان ترى هو خاطبك الك !!!!!!!
رغد : خلاص اسفين يلا بنات اعتذروا لها
باقي البنات : اسفين جلوى
جلوى : خلاص سامحتكم
ديم ضربتها بكتفها : احبك يالحنونة
جلوى ابتسمت : وانا بعد

" في بيت سعود "
كان سعود منسدح على سريرة ويفكر معقولة لهدرجة انا شخص سيء لدرجة انها تضل تفكر توافق او لا لمدة طويلة !
سعود بنفسة : استغفر ربك وروح صلي ركعتين لعلها تصير من نصيبك
تقدم سعود يتوجة للحمام وراح يتوضي وبدء يصلي الصلاة ووصل للدعاء سعود : يارب انها تقبلني يارب انها تكون من نصيبي يارب فوضت آمري لك " تذكر شكلها وأبتسم "
سعود بنفسة : بروح عند امي واسألها ردوا ولا لا
سعود تقدم يطلع من غرفته وتوجة للصالة كانت امه متكية على الكنب وتناظر جوالها
سعود : هلا يمه
ام سعود : هلا
سعود جلس جمبها : يمه بسألك
ام سعود وهي انظارها لازالت على الجوال : هلا
سعود بدئ بفرك أصابعة ويفكر وهو ينطق : يمه البنت بعدها ماردت خبر ؟
ام سعود  وانظارها على الجوال : لا يمه يقولون بتفكر بالاسبوع الجاي
سعود رفع حاجبة : يمه شسالفة ترى مو خاطب كيندال جينر علشان تطول هل قد طولت مره
ام سعود بعدم اهتمام : وانا شعلي انا هي البنت وبكيفها
سعود عصب وتنرفز : يمه مو حاله هذي طولت مره صارلنا شهر ننتظر ردها
سعود بصراخ : مايصير !!
تقدم سعود يصعد الدرج وتوجة لغرفتة وسكر الباب بقوة وعصبية
نطقت امه : الله يسخر لها آمرها اذا بتاخذ هالعصبي
عند سعود بغرفتة حط كفوف يدينه على جبهتة ويفكر ويهوجس سعود بنفسة : مو حالة هذي طولت كثير الحل الوحيد ادق عليها اليوم المغرب ونشوف ردها مو تبقينا تايهين

" عند البنات تحديدًا العنود "
كانت قاعد ترتب ملابسها وتطلع بجامة لها عشان تاخذ شور
" دق جوال العنود "
العنود تركت البجامة الي بيدها وتوجهت للجوال الي كان فية السرير : هلا
صقر : اهلين
العنود : مين معاي
صقر : شدعوة نسيتي ؟
العنود : لا .. تَكلم مين ؟
صقر : صقر انا صقر
العنود : ها اهلين بس شكو محتفظ برقمي ؟
صقر : بس كذا
العنود : شلون يعني تحجى ولا شلون ؟
صقر : خلاص بقولك
صقر بهدوء وبدئ يبتسم وهو يتكلم : شوفي يالعنود والله انك اخذتي قلبي من يوم ما كانت سيارتك مبنجرة والصراحة واجد عجبتني وانا ابيك وشاريك بالحلال على سنة الله ورسولة
العنود انصدمت : مافهمت كيف يعني ؟
العنود انصدمت بحكم انه كان اول اعتراف شخص لها وتوترت واجد وماعرفت تتكلم
صقر : شلون يعني ؟ احبك وحبيتك
العنود : صقر مو معقولة تحب شخص بنص ساعة ! اكيد حُب مؤقت
صقر : انتِ كنتي شايفة نفسك انتِ وشعرك الذهبي الي يلمع وكلة ويڤي وجاية لابسة احمر باسود والروج الاحمر قسمً بالله صاروخ بس تعالي انتِ شلون تطلعين كذا بالروج الاحمر والشعر المفكوك ! مايصير
العنود : حسستني ملكة جمال العالم ! اقول بس لاتبالغ كيف توصف الاشياء بشكل مبالغ وانا حتى شوشتي مامشطتها تقولي ويفي ؟ وبعدين تعالي من الحين تقولي مابي روج احمر ومدري شنو هذا انت بعدك ماخاطبني ! اجل لو تزوجتني شلون ؟
صقر: ابركها من ساعة اذا اتزوجك وتصيرين حلالي
العنود : بس انا ماعرفك ! والصراحة مابي زواج تقليدي ابي اتعرف عليك اشوف اخلاقك وكلشي فيك ابي اعرف الصغيرة والكبيرة فيك
صقر : طيب . متى تبين واي مكان
العنود : شوف بالساعة ست المغرب ابيك موجود بالحديقه *** بالشارع *** بس مو اليوم !! بُكرا
صقر : ابشري وسمي
العنود ابتسمت من اسلوبة الراقي واليً بدئ يُعجبها : طيب باي
العنود سكرت المُكالمة وقعدت تتبوسم وقالت بنفسها : وي كفاية يالخفيفة ثقلي اما عند صقر الي قعد يتذكر شكلها الجميل الي اخذ عقلها وطيب خاطره نطق بنفسة : يلبية جمالك

( بارت يفشل ادري ادري وخليتهم كلهم معصبين ماعدى العنود وصقر بس اتمنى يُعجبكم لان ادري قطعت ووواااججدد   حطو نجمة لان تعبت وانا ادور احداث بس باي احبكم 💙💗🌀❤️‍🔥🤍⭐️💋)