قصتنا ونهايتها

البارت ٥

جلوى : بنات مين فيكم جوعانة ؟
العنود : والله انا
ديم وهي تناظر كميرتها : بنات شرايكم نروح البوليفارد ؟ شكلة حلو ! ومن هناك ناخذ صور بعد ويي تحمست !!
ميار وهي تاكل كيك : اي شكلة حلوو
هنوف : ايي ومن هناك اخذلي فستان
رغد : البنت سالتكم جوعانين وانتوا تخططون ايش رح تاخذون بالبوليفارد ؟ صدق انكم فاهينن
العنود : معلينا يوعانه شتاكلون؟
رغد : اي شي اطلبي على ذوقك
العنود : تم
ديم : خلي طلبي فيه اكسترا چيز
العنود : تمام
دق جوال جلوى الي كانت تاكل من الكيك وراحت عشان تشوف مين 
العنود : جوال مين يدق
جلوى : انا
جلوى ردت : هلاا
ام جلوى : هلا يمه
ام جلوى : شوفي مريلي باجر المغرب
جلوى : ليش يماه ؟
ام جلوى : بعدين اقولك موضوع ضروري وحيل حلو
جلوى : طيب اجيب البنات ؟
ام جلوى : اي عادي جيبيهم عشان يعرفون ويتجهزون
جلوى : طيب بسكر مع السلامة
سكرت جلوى الجوال وتمت تناظر الجوال وتفكر شسالفه ؟
التفتت جلوى للعنود وقالت لها : العنود عادي توصليني بكرا لبيت اهلي ؟
العنود : تم
جلوى : بنات بكرا تجهزوا تجون معاي
ديم : ليش
جلوى : والله مادري امي قالت تعالي وجيبي البنات معاك
هنوف وهي منسدحة وتاكل كيك وحاطة جوالها قدامها : جلوى عادي يوم نرجع من بيت اهلج نروح المول ؟ صديقتي عازمتني حق فطور ومحلفتني اروح وماعندي شي البسه
جلوى : ايوا عادي
تسريع احداث بكرا الصباح صحوا البنات يتفطرون لين ماصار المغرب ويتجهزون عشان يروحون بيت اهل جلوى
هنوف وهي ماسكة فستانين واحد وردي واحد اصفر : بنات الاصفر ولا الوردي
العنود : اصفر لان وردي لبستية كثيير
هنوف : تمام
رغد وهي تدور جوالها الي على الفراش وبيدها شنطتها الصغيرة : ها بنات تجهزتوا ؟
ميار : اي بس اعبي جنطتي ( شنطتي )
العنود : يلا
تقدموا البنات يطلعون وبعد مدة وصلوا للسيارة
هنوف بدلع وهي حاطة يدها على شعرها وهي تمشي  : شذاا الهوى يخلي شعري يطيير اووف
ركبت الهنوف السيارة وكانت جنبها رغد و ورا البنات
جلوى : ميار زيحي لي شوي
ميار : يمعودة بالقوة اني قاعدة هنوف حاشرتني
تسريع احداث وصلوا البنات البيت وتقدموا يدخلون الحديقة عشان يدخلون البيت
دخلوا البنات البيت وكانت ام جلوى قدامهم
البنات : السلا..
تقدمت ام جلوى وهي تيبب قدامهم
جلوى : يمه شسالفه احد من جيراننا تزوج ولا ايش ؟ شسالفه تيببين
ام جلوى : تفضلوا المجلس وبقول لكم
دخلوا البنات المجلس وينتظرون ام جلوى تنطق
ام جلوى : الله يسلمكم جلوى انخطبت
صرخوا البنات بفرحة وهم يناظرون جلوى ويحضنونها ام عند جلوى فما كانت تبادلهم الاحضان كانت ساكتة ومتجمدة جى عليها هالخبر مثل الصاعقة خافت وماعرفت تتصرف وماكنت تبي تبكي قدامهم توجهت بسرعه للحمام وهي تسمح وجهها وبعض من دموعها قد انهمرت على وجهها وهي تسال نفسها : جلوى ! ليش تبكين ؟مفروض تفرحين ! انخطبتي !
والجانب الاخر ( الخواف )  من جلوى يرد : بس اذا خطبني شخص مو زين ؟ كيف اتصرف بهالحظه ! واذا رفضت الشخص هل اهلي بيوافقون رفضي ؟ انزين اذا رفضته وطلع سايكو ويلحقني ؟
استغربوا البنات من ردة فعل جلوى على خبر كهذا ! خصوصاً انه خطبتها مو شي عادي او خطبة وحدة من البنات
تقدمت جلوى للمجلس وهي ترجع قدام البنات وتمسح دموعها الي تنزل بدون سبب ! وكانه تدور شي علشان تبكي عليه
ام جلوى بخوف على بنتها : يماه صارلك شي اذاك شي ؟ شفيك نقزتي وطلعتي ؟
جلوى : لا يمه ما صار شي بس فرحت
ام جلوى الله يديملك الفرحة يابنتي
جلوى : امين
توجهت ام جلوى تدير الحلى عشان يضيفوة الخدم للضيوف واثناء هذا كلة
كانوا البنات يسألون جلوى اذا فيها شي  وكلعادة جلوى تجاوبهم بنفس الجواب ( لا بنات مافيني شي بس من الخرشة ) وصدقوها البنات
بعد مدة  لمحت الهنوف شخص في المجلس الثاني بحكم ان الباب مفتوح حق المجالس
الهنوف وهي تناظرة : ميار ميار چوفي
ميار : شكو
هنوف : هذا مو كانه اخو جلوى ؟ ياحسرتي مضيع المكان كويس اننا لابسين عبايتنا لايجي يدرعم عندنا
ميار : معلينا اجه الحلى
هنوف : هذا الي همك ؟ كلي يام بطن
تقدمت ام جلوى تسال جلوى : ها يمه بتوافقين ؟
جلوى : يمه وشولة بوافق وانتِ ماقلتيلي اسمه حتى ماعرف عنه شي
ام جلوى : يمه شوفي اسمه سعود و....
بدت ام جلوى تشرح لجلوى اخبار الولد الخاطب علشان تقتنع جلوى وتاخذه
جلوى : طيب يمه يومين وبكلمك اذا وافقت او لا
ام جلوى : براحتك جلوي
تقدموا البنات يطلعون بعد ما سلموا على ام جلوى وتوجهوا للسيارة
العنود : شوفي هنوف بنزلك انتِ وميار المول وانا والبنات بنرجع للسكن يوم تكلمون قولوا لنا طيب ؟
أومئت الهنوف بالايجاب وتوجهوا للمول.........

بارت قصير ادري بس بعدين بكمل باي