﴿الذَئب الحُر﴾

﴿الذَئبه الاولى﴾

الكاتبه:﴿ نـبـأ الشـمــريـﮯ﴾
...⁦☆⁩

__________________
بغداد | الساعة 7:00 صباحـاً...

رَي:ريا رذاذ يله كوموا بدلوا علمود اوديكم للمدرسة.

ريا:كايمين...رذاذذذ يله كومي رح تأخرينه.

رذاذ:ايي ايي كايمه هو انتوو بسس علييه كادريين.

رَي: ولج كومي من صباحيات الله السانج هادته علينه بس اريد افتهم شلون بيج حيل تعيطين من الصبح.

اجت ريا للمطبخ تنقل الاكل..
ريا:صباح الخير رَيه

رَي:صباح النور كامت رذاذ لو بعدها

رأسن عاطت رذاذ
رذاذ: جيتتت اشتاقيتولييي...الله شنو هاي الريحه التفتح النفس اممممم
كعدت تاكل واحنا كملنه وكعدنه..
رَي: اني اعرف الواحد لمن يكعد يكول صباح الخير بس انتي رأسن على الاكل...وثانيا انتي شوكت نفسيتج ممفتوحه على الاكل؟!

تحجي هي والأكل بحلكها
رذاذ: يعني الواحد جوعان الا تسدون نفسه من الصبح اوييي
وضلت تاكل..
ريا: اصلا كلش مبين عليج انسدت نفسج
اني و ريا كمنه نضحك وهي مكشره وجها.
رَي: يله كومي بدلوا كافي سوالف بسرعة بسرعة اني انتظركم بره

كاموا واني جنت مبدله فرأسن غسلت المواعين ورجعت الأجبان بالثلاجه وطلعت صعدت بالسيارة انتظرهم...اعرفكم عليه بين ميجون اني رَي عمري ٢٤ سنة ضابطة احب شغلي من جنت صغيره جنت اتمنى اصير ظابطه مثل ابوي الشهيد اهلي ماتوا من جان عمري ١٦ اني ربيت خواتي ومجنت اعرف شنو اربي جهال كبرت وتعلمت وربيتهم وقويت نفسي وصرت ظابطه علمود اخذ ثار امي وابويه الشهداء احترق البيت بيهم من ورى عمامي لأن جانوا يريدون بيت جدي والبيت مكتوب باسم ابوي حرقوا البيت واحنا جنه بالمدرسة رجعنا ولكينه البيت مشتعل نار اول مشفته حسيت كلبي الاشتعل نار مو البيت ردت ادخل مقبلوا الإطفاء والشرطه محاوطه البيت والناس التحجي تكول.... صاروا يتيمات خطيه.... الجبيره شلون رح تربي خواتها الصغار....اني اسمعهم وأشوف البيت شلون يحترك ودموعي تنزل شفت جثث امي وابويه طلعوهن وعمامي واكفين فوك راسي يضحكون من جوه الجوه ويحركون بروحي عرفت من وراهم هيج صار بس ماكدر اسوي شى لأن ماعندي دليل ومنا بديت اقوي نفسي ومن ذاك اليوم بعد دمعه منزلت من عيني وصار كلشي ميهمني بس اريد اخذ ثار اهلي ومادخل خواتي بالموضوع...

صعدوا البنات بالسياره وصلتهم للمدرسة انطيتهم مصروفهم ورحت الشغلي...
دخلت للمركز شفت الظابط ايمن اجه بتجاهي...
ايمن:صباح الخير رَي شلونج
باوعتله بطرف عيني واني امشي
رَي: صباح النور..ثانيا اني الضابطة رَي مو رَي فقط... إن شاء الله افتهمت ضابط ايمن... عفته ومشيت اني ماحب احد ياخذ ميانه وياي خاصه اذا ولد احب احط حدود ويا الكل...
دخلت المكتبي كعدت واجه الظابط حارث...
حارث: صباح الخير ضابطه رَي شلونج
رَي:صباح النور ، بخير
حارث:ضابطه رَي ممكن اسالج سؤال؟
رَي: تفضل!
حارث: انتي ليش هلكد معقده؟
رَي: ماحب اختلط ويا الناس وياخذون ميانه وياي
حارث:امم زين بس ليش ماتحاولين تختلطين وتتعرفين عليهم؟
حجيت ببرود
رَي: ضابط حارث اعتقد احنا أهنا علمود الشغل مو علمود تستجوبني؟!
حارث:اسف بس
حجيت ببرود
رَي: مايحتاج تتأسف تكدر تتفضل.
كام وطلع من المكتب
رَي: مشكلتي ماعرف اختلط ويا احد ولا اعرف اعبر عن مشاعري وماكدر افضفض الاحد ماعرف اخذ ميانه بسرعه
_________∆∆∆
بغداد | الساعة 8:00 صباحــاً

كعدت الصبح شفت الساعه بالثمانيه
حُر: خرب تأخرت
اعرفكم على نفسي اني حُر عمري ٢٦ سنة ضابط اليوم اول يوم نقل الي ابغداد جنت بكركوك ونقلوني أهنا المهم اني عايش ابيتي واخواني وياي ثنين فريد عمره ٢١ مهندس معماري مشكلجي شوي المهم اخوي الصغير اسمه واثق  عمره ١٩  محامي مرحله اولى اهلي ميتين...
حُر: دكيت الباب على فريد كتله يله كوم وكعد اخوك وياك
فريد: الواحد من صباحيات الله يكول صباح الخير يا قوممم
حُر: انجب ولتعيط اذني اريدها
عفته ونزلت صعدت بالسياره ورحت للشغل...
وصلت للمركز طبيت كلهم ضلوا صافنين شبيهم ذوله شايفين جني رحت الواحد جان واكف سألته؟
حُر: شنو اسمك انتَ؟
-ايمن ، ليش؟
حُر: حلو، زين وين مكتب المدير؟
ايمن: اهناك
اشرلي على الباب رحت دكيته سمعت المدير كال تفضل فتحت الباب وطبيت ضربت تحيه
المدير: اهلا بيك حَر اليوم انت اول يوم الك أهنا أن شاء الله تتأقلم وياهم
حُر: أن شاء الله استاذ
المدير: مكتبك هم رح يدلوك عليه
حَر: حاظر
المدير: تكدر تتفضل
حُر: من رخصتك استاذ
ضربتله تحيه وطلعت سديت الباب دادور على هذا الاسمه ايمن وينه مشفته رحت على واحد ثاني
حُر: سلام وعليكم شنو اسمك؟
-وعليكم السلام حارث تفضل رايد شى؟
حُر: اريد تدليني على مكتبي الجديد
حارث: انت الضابط الجاينه نقل من كركوك؟
حُر: اي بالضبط
حارث: اهلا بيك، تفضل وياي
حُر: وبيك اكثر، تمام
مشينه رحنا طبينه بممر دك الباب وسمعت صوت بنيه تكول تفضل فتح الباب وشفت....
______∆∆∆
يتبع....
-شنو تتوقعون شاف؟

شلونكم حبايب اعرفكم على نفسي اسمي نبأ كتبت هاي الروايه شوي من خيالي وشوي من الروايات الحقيقه الشخصيات مو حقيقه...
إتمنى تعجبكم
كلولي اذا حلوه علمود استمر لو لا؟