﴿الذَئب الحُر﴾

﴿الذَئبه السادسة عشر﴾

-عباس عجيد-
انا المكسور گلـبـه وحيـل مابـي..
أنا الرايـدله واحـد حيـل ينطيـه..

أنـا البـس انتَ تستاهـل بواجـي..
انـا البـس انتَ تستاهـل بواجـي..

الكاتبه:﴿ نـبـأ الشـمــريـﮯ﴾
...⁦☆⁩
__________________
حُر:طلعت للشغل اتفقت ويا اصدقائي نسوي مفاجئه الرَي بناسبه رجوعها للشغل علمود تطلع من مود الكئابه دزيت على الكيكه والنشرات والنفاخات وحضرتهم ويا أمين وحارث ورهف رتبنه كلشي جان نشوفها واكفه وفاتحه حلكها مبينه الفرحه على وجها..
حُر: هلاااااا بيجججج.
كلنا عطنه سوى ابتسمت طبت شافت الاجواء كامت تتشكر منه هوايه.
رَي: كلش شكرا والله فرحتوني ليش تعبتوا نفسكم.
ويا حجيها جان يكول امين.
امين: ترى هذا حُر كله مسوي احنا بس ساعدنا.
صفنت عليه وبتسمت رديتلها الابتسامه ردت اكل امين بس خلي نكمل الا ما كتله لسانه فالت.
________∆∆∆
رَي: طبيت لكيتهم مسوويلي مفاجئه تجنن كيك ونفاخات وحركات بركات كلش حلو ايمن كالي حُر سوو هذا كله حسيته أكثر واحد يريد يطلعني من الكئابه الاني بيها مادري شلون اتشكره على وكفته وياي كصينه الكيك فتحت تلفوني دزيت الحُر.
رَي:"اريد احجي وياك على انفراد بله زحمه".
رأسن شافها شفته ابتسم باوعلي ودز.
حُر:"تدللين انتظرج برى".
حطيت لايك على المسج وسديت التلفون طلعت برى لكيته واكف ديجكر رحت يمه حجيت.
رَي: شكرا على المفاجئه كلش فرحتني.
حُر: تدللين هذا شئ بسيط.
رَي: مادري شلون اجازيك على تعبك وياي.
حُر: عزميني على غده انساج حتى انتِ.
رَي:هههههههههه من عيني انت واخوتك الباجر على الغده بالـ1 ابيتي.
اندار عليه مصدوم.
حُر: صدك تحجين داشاقه جنت.
رَي: اني مداشاقه الباجر انتو ابيتي انتظرك حرحر.
غمزتله ورحت.

كملت شغلي ورجعت طبيت للبيت لكيت البيت هادئ صحت.
رَي: رذاذذذ وينججج.
رذاذ:أهنا أهنا تعاي بغرفتي.
رحت فتحت الباب لكيت الغرفه مكلوبه وهي كاعده بنص الهدوم دتصفطهم.
رَي: هاي شدتسووين؟
رذاذ: داصفط الهدوم مانطي ولا شغله من هدوم اختي اني البسهن كلهن.
سكتت صافنه عليها حجيت.
رَي: باجر حُر واخوانه معزومين يمنه على الغده.
رذاذ: ليش؟
رَي: تعبوا ويانه كلش هوايه لازم نجازيهم شويه.
رذاذ: تمام شنسوي غده؟
رَي: نسوي دولمه وبرياني.
رذاذ: تمام يرادلنه مسواك.
رَي: خوش هسه اخابر فهد يجيبلنه.
عفتها وطلعت طبيت الغرفتي سبحت طلعت صليت كعدت ادعي وابجي من كل گلبي احس شئ على گلبي ثكيل موجود.
_________∆∆∆
حُر: حجيت وياها بجاه الشقه اشو هاي اخذتها صدك وكالت الباجر غده يمهم صح استحيت بس ارتاحيت لمن شفتها ضحكت وياي عادي.

رجعت للبيت لكيت فريد وواثق كاعدين ياكلون كعدت وياهم اكل حجه واثق.
واثق: شني شبيك اليوم وجهك منور.
حُر: طفي هههههههههه.
فريد: لا لا الشغله داجه ينكت هم.
واثق: شكلها الحب مشت ويا.
غمزلي حجيت.
حُر: الباجر معزومين يم رَي غده آني وياكم.
فريد: حلووووو مو داكول ليش منور طلعت الحب عازمته.
واثق: اي أي عيني لعد شلون هسه تلكاه رح يروح للحلاق هم.
كاموا يضحكون عطت.
حُر: انجبوا البنيه اعتبرها مثل صديقتي لا اكثر كافي حجي وايد.
فريد: احم احم اي أي صديقته اويلي.
واثق: اويلييي يابهههه صديقتههههه.
عفتهم وصعدت ضحكت عليهم والله مخابيل إذا لزموا عليه شى ميعوفوني ابد.

_________∆∆∆
رَي: دكيت على فهد ميجاوب دكيتله مره ثانيه جاوب.
فهد: سلام وعليكم حضره الضابطه تفضلي.
رَي: وعليكم السلام هلا فهد اكلك أريد مسواك للبيت ماعدنه.
فهد: والله حضره الضابطه اعذريني امي بالمستشفى.
رَي: معذور الله يكومها بسلامه.
فهد: الله يسلمج شكرا.
رَي: يله مع السلامه.
بعد: الله وياج.
سديته منه واخذت السويج وطلعت اجيب مسواك آني طبيت للمخضر جبت علاكه وبديت اخذ بتيته وخيار وبيذنجان  وصلت للطماطه واجه واحد يمضرط فوك راسي.
- عيني شنو هاي لتطلعين بعد تغطين على البنات...جمالك يحلو..
متحملت ونداريت عليه حجيت ببرود.
رَي: حضرتك تحجي وياي؟
- لعد منو هنا حلو غيرك.
جبت طماطه وشمرتها على وجها كمزت عليه وكعته بلكاع ونمت فوكاه ضربته بوكس على وجه وهو يعيط جنه مره.
رَي: الله دزك عليه علمود اربيك يا كلب شوف وحق داحي باب خيبر إذا ماجزت من التحرش بالبنات انهي عليك هذي مقبلات بالنسبة الي.
- حاظر حاظر والله بعد ماتحرش توبه.
رَي: مسويتها من البداية....تعبتني.
عفته وكمت دفعت الفلوس وحجيت.
رَي: انت ادفع فلوس الطماطه الطشرت وجهك بيها... والله هي ارجل منك ههههههههه.
عفته ورحت صعدت بالسيارة رجعت للبيت لكيت رذاذ تبجي.....
________∆∆∆
يتبع....
-شنو تتوقعون ليش تبجي رذاذ؟
اشتركوا وياي⁦☆⁩