﴿الذَئب الحُر﴾

﴿الذَئبه الثانيه عشر﴾

كَال الشاعر كرار:
ترا الفاكَد ربع..

ياكل جبس بالدين..

الكاتبه:﴿ نـبـأ الشـمــريـﮯ﴾
...⁦☆⁩
__________________
حُر: وصلنا للمكان مهجور ماكو اي شخص وبيوت مهدومه كلها شفنه بيت شبه جوه الكاع نزلنا شوي لكينا جامه صغيره باوعت منها لكيت رَي مربوطه أيدها ورجلها وتحاول تفك روحها متكدر
حُر: كلاب شوفوا شسوي بيكم.
كمت لكيت موجود مجموعه ولد ملثمين عرفتهم منهم ضربت طلق على واحد اجت بصدره كلهم انداروا وكمنا واحد يطلق على الثاني ماحسيت على شى حار ينزل من جتفي "تصاوبت" كلهم وكعوا واني دفرت الباب ولكيتها كاعده بلكاع فتحت عينها لمن شافتني رأسن رحتلها...
__________∆∆∆
رَي: اندفرت الباب ودخل حُر انصدمت لمن شفته اكيد خواتي دكوله شفت ايده متصاوبه اجه ركض عليه حجه...
حُر: سوولج شى؟؟
رَي: لا بس..
حُر: بس شنوو؟؟
رَي: جتفك.
حُر: مالج شغل بي عود بعدين اعقمه كومي هسه وياي.
كمنه طلعنا شفتهم كلهم بلكاع عفناهم ومشينه المكان مهجور ماكو اي شخص وصلنا للسياره حجيت.
رَي: اني اسوق انت متكدر.
حُر: لا عادي انتِ ارتاحي.
رَي: مابي شى بدون مجامله.
حُر: ماكدرلج صعدي.
صعدت بالسياره وبديت اسوق حجيت.
رَي: شمدريك اني هنا؟
حُر: كامرات بيتكم جابت رقم السياره وجيت.
رَي: امم
حُر: تتوقعين منو الهيج سوى بيج؟
رَي: يعني منو هههههه غير ابن العم.
انداريت عليه لكيته مصدوم بوجهي سألته.
رَي: شبيك مصدوم ؟
حُر: معقوله ريان؟
رَي: اي معقوله...ها اسفه انت بعدك متدري ريان منو.
حُر: شلون ماعرفه غير اني ويا صارلنا سنتين نعرف بعض.
رَي: عادي تمثيل.
حُر: شلون عنده هيج قابليه؟
رَي: عادي مثلك هسه انت شلون دتمثل عليه.
حُر: ها
رَي: ترى ماكلت لحم زمال؟
حُر: سكتي رَي احسن.
سكتنه شوي وحسيته يون انداريت عليه لكيت قميصه كله دم وهو عركان حطيت ايدي على كصته ناررر جنت لابسه بدي كات وقميص فوكاه نزعت القميص وحطيته على جتفه ضغطت عليه شديته بي وسقت بكل سرعتي.
رَي: حُر اصحى لتغمض اصحى وياي احجي لتغمضض.
هو يون واني اعيط علمود يصحى اخر شى غمض وصلت للمستشفى طببوا للطوارئ اجو انطوني مالته المحفظه والتليفون فتحت التلفون وطبيت على المكالمات شفت رقم فريد دكيت عليه شوي وشاله.
فريد: هلا بأخوي الزود وحزام الظهر.
رَي: حزام ظهرك بالمستشفى الحك.
فريد: شنوووو ليشششش؟؟؟
رَي: اني رَي اجه عليه ديطلعني اتصاوب بطلقه تايهه.
فريد: هسههه انتتتتتِ وينننن؟؟
رَي: لتعيط طبله اذني اريدها...بمستشفى(.....)
فريد: جاييي.
سديته انتظرت نص ساعه واجه يركض هو وواثق حجه.
فريد: وينهه هسههه؟
رَي: هاي شبيك يعني وين غير بالعمليه.
واثق: وانتِ ليش هيج دمج بارد؟
رَي: حاطه سبلت.
واثق: بلا تفاهه واحجي ليش هيج دمج بارد ومخايفه على اخوي؟
رَي: واثق احترم روحك واحجي عدل وياي واولا هي طلقه واني متاكده رح تكون شخط يعني ممخترقه كل الشرايين.
عفته ومشيت طلع الدكتور ركضت عليه..
رَي: بشر دكتور شلونه؟
الدكتور: الحمدالله مابي شى مجرد شخط أن شاء الله ربع ساعه ويصحى من رخصتكم.
عافنه ومشى واني باوعت على واثق نزل رأسه عفته وطلعت للكافتريا طلبت كَهوه وكعدت ضليت صافنه واشرب بالكَهوه شوي وشفت واثق اجه كعد يمي باوعت بعيونه بنظرات بارده حجه.
واثق: احم اعذريني من خوفي على اخوي هيج حجيت مجان قصدي.
رَي: عود تمام.
واثق: والله مجان قصدي اني اسف.
رَي: كلت تمام يعني تريدني احضنك واضحك؟؟
واثق: لا مجان هيج قصدي بس طريقه حجيج بارده.
رَي: داشري كَهوه علمود ادفيها.
واثق: ههههههههه دمج خفيف.
رَي: حطله طحين.
عفته وكمت رحت للغرفه شفت فريد كاعد رفع رأسه شافني كام.
فريد: ها؟
رَي: ها؟
فريد: احم وين واثق؟
رَي: بالكافتريا جان.
فريد: تمام
شفت حُر فتح عينه رحت يمه حجيت.
رَي: حمدالله على سلامتك..
_________∆∆∆
حُر: فتحت عيني وجع بجتفي قليل سمعت رَي تكلي حمدالله على السلامه عرفتها من صوتها رفعت عيوني عليها جانت تباوعلي بفرح ابتسمت الها طلعت من الغرفه اجه فريد حجه.
فريد: حمدالله على سلامتك خويه خوفتنه عليك.
حجيت بهدوء.
حُر: الله يسلمك رَي كلتلك؟
فريد: طبعا منو غيرها.
حُر: اي وشسوت؟
فريد: اخوك الغثيث طول السانه وياها.
حُر: ليشش؟
فريد: اهدئ واحجيلك.
حُر: تمام هدئت احجي؟
فريد: شوف هي جانت ترد علينه ببرود فهو من خوفه عليك كاللها انتِ ليش تحجين ببرود شنو مخايفه على اخوي كللتله اني متاكده على يطلع لأن الطلقه سطحي مو داخل الشرايين هي عافته ومشت وهو راح ديراضيها اجتي كالبه وجها عرفت مكدرلها.
حُر: خلي يصطبرلي ولكم هذا طبعها متغيره شوكت تعرفون.
فريد: اي ادري بس مادري لاحظت فد شى.
حُر: شنو؟
فريد: شوي خوف مبين على وجها.
حُر: ها؟
فريد: شبيك اكلت لحم زمال داكلك مبين خوف على وجهااا.
حُر: تمام تمام امشي اطلع.
ديريد يطلع واجه واثق حجه.
واثق: اخويه الزود شلونك؟
حُر: انجب زين تعال اريدك بشغله.
واثق: شغلاتك تخوف.
اجه تقدم يمي لزمته من أذنه وحجيت
حُر: شوكت تلزم السانك يا حيوان شلون تحجي هيج وياها؟
واثق: ايييي اذني كامت توجعني فريد كلك مو؟؟
حُر: أيي
واثق: خلي يصطبرلي.
حُر: انجب داحجي وياك ليش هيج حجيت وياها؟
واثق: والله مو قصدي والله من ورى قهري هيج حجيت.
حُر: مره الجايه الزم قهرك لا اطلع قهري بيك.
واثق: حاظر حاظر بس عوف إذني.
عفتها وحجه.
واثق: اويي عنيف.
حُر: انجب لتكول اوي.
انفتحت الباب اجه فريد يركض حجه.
فريد: الحككوواا خواتتت رَييي تصاووبوواا.
_________∆∆∆
يتبع....
- منو تتوقعون صوبهم؟
اشتركوا وياي⁦☆⁩