﴿الذَئب الحُر﴾

﴿الذَئبه الحاديه عشر ﴾

تدري البارحه شكد افتقدناك...
من كلنه انجمعنا ومالكَيناك...

الكاتبه:﴿ نـبـأ الشـمــريـﮯ﴾
...⁦☆⁩
__________________
3:30 | ظهراً
رَي: كعدت مانمت هوايه بس احس روحي مكسره وراسي أحسه طبل كمت طبيت للحمام دخلت حوه الدوش والمي بارد عيوني أحسها تطلع نار كملت وطلعت بدلت طلعت شفت خواتي كاعدات...
رَي: بنات تطلعن؟
ريا: رَي شبيج ليش عيونج حمر؟
رذاذ: شنو مصخنه؟
رَي: مابي شى بس اريد اشم هوى شوي تجون وياي؟
ريا: براحتج.
رَي: لعد كوموا بدلو انتظركم.
طلعت صعدت بالسياره شغلتها خليتها شوي تحمه بين ميجون داكلب بالتلفون  سمعت احد دك الجامه مالتي شفت رجال جبير عبالي فقير فتحت الجامه وانتطيته ربع ماخذها.
-ماريد الربع اريد احجي وياج شوي ممكن تنزلين؟
رَي: اني؟ انت وين تعرفني علمود تحجي وياي؟
-اعرفج بس اريد احجي وياج شوي.
اجو البنات صعدوا.
ريا: رَي هذا منو؟
رذاذ: شني فقير؟
رَي: اسكتن شوي،اريد اعرف انت منو؟
-مالج شغل بس نزلي عندي حجي وياج على انفراد.
اتأفأفت ونزلت قفلت الباب على البنات. شوي ابتعدنه عن السياره.
رَي: كول شتريد مني؟
ماحس غير ضربه قويه من ورى راسي وغواش نزل على عيوني وماحسيت بشئ بعد...
_________∆∆∆
ريا: نزلت رَي واني كَلبي ممطمئن قفلت السياره علينه وعافت تلفونها يمنه اندارت رذاذ على الجهه الثانيه تريد تشوفهم مسمعت بس عيطه رذاذ.
رذاذ: ولجججججج رياااااااا خطفوااااااا رَييييييييي افتحييييي الباببببببب بسرعهههههه.
انخبصت ماشفت بس التلفون ماحطه رمز فتحته وأيدي ترجف طبيت على المكالمات اخر مكالمه من "حُر" دكيت عليه بسرعه شويه وجاوبني.
حُر: شنو اشتاقيتيلي هستوج طلعتي من يمي.
ابجي واحجي
ريا: عموو الحكك انخطفت رَي.
حُر: شنوووو منوووو خطفهاااا تعرفيييي؟؟؟
ريا: لـلا لا ما اعرفهه.
حُر: تمام تمام لتتوترين بس كولي انتو وين هسه؟
ريا: بعدنه اباب ابيتنه.
حُر: تمام جايكم جايكم.
ريا: فدوههه بسرعهه استعجلل اختيي رحح تروحح منيي.
حُر: متروح متروحححح اجيبهااااا واجييي طبو للبيتتت.
ريا: مقفولهه السياره علينه ويمها السويججج.
حجيت هيج وكمت اشهك.
حُر: تمام تمام رح اجي وافتحها بس لتبجون.
سديته منه وكمنه وحده تواسي الاخ...
_________∆∆∆
حُر: تخبلت لمن كالت رَي انخطفت سديت الخط منها ردت اروح أبدل لزمني فريد ورى واثق حجه.
فريد: شبيك هيج مستعجل؟
حُر: ولكك عوفنييي رَيييي انخطفتتت اروححح الحك عليهااا خواتهااا بالسياره مقفوله السيارههه عليهممم.
انصدموا ورأسن عاط فريد.
فريد: شنوووو شوكتتت هستوهااا طلعتت مننن يمنهههه ولككك شلوننن كدرولهاااا؟؟
واثق: اهدئوا بسس على كيفكممم.
حُر: ولككك شهدى رح تروححح منيييي.
انصدموا وحجو ثنينهم
فريد+واثق: تروح مني؟؟
عفتهم وركضت جبت مسدسي والسويج وطلعت صعدت للسياره ورحت البيتهم شفت السياره مالتها بالباب مال بيتهم بعدها نزلت ركض رحت للسياره لكيت رذاذ وريا يبجون دكيت الباب فزوا شفت موجود حديده طويله جبتها حاولت افتحها ضليت لحد مافتحت نزلوا حجيت..
حُر: تعرفون شكل الي حجه وياها؟
ريا: اي أي اعرف شكله.
حُر: تمام عدكم كامرات؟
رذاذ: اي طبعا عدنه.
حُر: كلش حلو امشوا خلي ندخل نشوف الكامرات.
طبينه رجعت الكامرات شفتهم اخذت رقم السيارة...
حُر: ريا قفلوا الباب عليكم رح يجوكم فريد وواثق تمام؟
ريا: تمام تمام.
عفتهم وطلعت رحت للمركز دخلت انطيت رقم السيارة الغيث وكتله يشوف مال منوو وجيبلي المكان مالته.
_________∆∆∆
رَي: وجع براسي وجسمي مكسر فتحت عيوني شوي شوي اشوف المكان ضلمه موجود ضوه خفيف حركت ايدي مشدوده بحبل ورجلي هم عدلت كعدتي شوي اجه واحد فتح الباب شكله ايعع جسمه ضخم ولابس لثام وتيشيرت اسود وبنطرون اسود حجه...
- كعدت الحلوه.
رَي: انجب شتريدون مني؟
- تؤ تؤ بعدين تعرفين لازم سبرايز.
رَي: لا تكون من جماعه ريون؟
-شمدريج؟
رَي: ههههههههههههه يمهه خرب ولك ماكلك غير آني ذكيه،خاب ماتطير انت ورئيسك العفطي ولك هذاك لو انفخله يطير ههههههه والله ضحكتني يكلي شمدريج ولك هذا الروح بالروح ابن العم الخسيس الورد.
- هسه انتِ داتذمي لو داتمدحي؟
رَي: افهمها شلون ماتفهمها المهم كله الهذا رئيسك العفطي صير ذكي شوي وكلي مره لخ تعاي للفرع علمود الكامرات لا تجيبك ههههههههه.
عافني وركع الباب لليل انجطلت وسمعت صوت سيارات على فجئه انفتحت الباب وشفت.....
________∆∆∆
يتبع....
-شنو تتوقعون شافت؟
اشتركوا وياي⁦☆⁩