﴿الذَئب الحُر﴾

﴿الذَئبه الثامنه عشر﴾

ياهو انتَ جيب الروح يمك واذلهه عيوني من تطيح مادنگ اله...

الكاتبه:﴿ نـبـأ الشـمــريـﮯ﴾
...⁦☆⁩
__________________
رَي: كعدت من النوم طلعت من الغرفه البيت فارغ فتحت باب غرفه رذاذ لكيتها نايمه طلعت طبيت الغرفتي بدلت اخذت المسدس والسويج وطلعت انتبهت موجود سياره وراي دتراقبني عبالك مهتميت الها طبيت للسوبر ماركت انداريت لكيت كدام المحل شاب لابس اسود باسود وملثم ويباوع عليه شكيت رأسن طلعت صعدت بالسياره ورحت للبيت شفت الباب مفتوحه..
رَي: لا ياربي كون مو صدك الي بالي.
طبيت ركض البيت مكلوب طبيت الغرفه رذاذ رذاذ ماكو وموجوده ورقه على جربايتها فتحتها مكتوب
"لعبتي وياي ومتعرفين ويامن لعبتي شوفي شراح اسوي بأختج الا اخليج تبجين دم"
"صكارج"
عقجت الورقه بيدي ودكيت الحُر كال هسه يجي كعدت بالكاع وايدي على رأسي.
رَي: ياربي لتختبرني باختي بس هاي البقتلي والله تعبت أريد اخذ ثار اهلي صارت اختي وياهم مادري اخذ ثار منو هسه بقيلي رذاذ ياربي.
شفت حُر طب ركض عليه.
حُر: وججج فهمينيي شبيججج شنووو خطفوهااا منووو؟
انطيته الورقه قراها انكلب وجها حجه.
حُر: خرببببب بريانننننن وابووووو ابنننن الكلبببب.
رَي: مادري شسوي تعبت.
حُر: لا لاا ماكو شى اسمه تعبت انتِ قويه رح تاخذين ثار اهلج وترجعين اختج وآني متاكد منج.
نزلت راسي جريت حسره حسيتها شكت صدري.
رَي: خايفه على اختي اخاف يسولها شى مو كدهم هي.
حُر: عفواً دتحجين على رذاذ الي صاكرتج تريديها متصكر ريان الخيخه.
بنص ضوجتي ضحكني.
رَي: هههه لا والله انت تشوفها وكحه ولسانها طويل بس اكثر وحده حساسه وتبجي بسرعه.
حُر: اي ملاحظ عليها بس المهم تطلع منها.
اجتي ابالي فكره ولازم اسويها كمت رأسن.
رَي: تجي وياي لو لا؟
حُر: وين؟
رَي: تجي لو لا؟
حُر: جاي جاي الله يصبرني عليج.
صعدنه بالسيارة وبديت اشرحله الخطه.
ضل صافن بوجهي.
رَي: هيي حُر انتَ وياي يبو الغيره؟
حُر: ولج مو عقل طرگاعه شني شايله من ذكاء.
رَي: تف تف الله يبعدنه من عيون الحساد عود بيها.
حُر: هاي شبيج محاسن انفجعتي عليه طلعتي روحج انشتاين وآني ام عباس.
رَي: هههههه دشاقه وياك اويلي متتحمل شقه.
حُر: لا عيني لو هيج الشقه لو مينراد.
كملنه طريقنه ساكتين وصلنا للمكان المطلوب نزلنه...
________∆∆∆
حُر: لمن دكتلي مشفت گبالي رأسن طلعت وصلتلها انصدمت بالبيت صاير هوسه كله وهي كاعده بالكاع تبجي قهرتني حرفياً حجيها يبجي هوايه تعبت حقها بس لازم اواسيها واوگف وياها مو اعوفها واكلها صح عوفيي لتاخذين ثارج جنه نحجي اشو هاي كمزت صرعتني بافكارها. حرفيا لمن تجيها فكره لازم تسويها لو يوكف گبالها ألف واحد عنوديه لدرجه بس صبرك ربي وصلنا للمكان المجهول الي مادري رَي ليش جابتنه أهنا.
رَي: اخخخ لو بس اعرف شسويتو بحياتكم ومتو هيج موته.
عرفتها دتحجي على اهلها طبينه البيت مهجور عبالك من شي سنين مهدوم مفلش تفليش شفتها كعدت على ركب وحده وتلمست الكاع حجت.
رَي: أهنا نمتوا بحضني وانتو ميتين اهنا اخذتوا روحي وياكم اهنا شفت الويل اهنا ماتوا اعزازي ومابعدكم اعزازي كسرتوا ظهري انطيتوني امانتين محافظت على امانتكم يابه ماحافظت ريا ماتت ورذاذ خطفوها الكلاب بس والله الا اخذ ثاركم وثار اختي واجيب رذاذ اعذروني ياي يمه بس والله الليل مدانامه من ورى تانيب الضمير احس روحي آني الچتاله اختي.
نزلت دموعها تتسابق كومتها.
حُر: كافي رَي صيري قويه تكدرين تاخذين ثارهم لا شى واحد يكسرج لتخلين احد يكسرج اياج.
هزت راسها وديتها للسيارة وصلنا للمركز نزلنا طبينه.
________∆∆∆
رَي: اجه ابالي بيت اهلي أريد اروح اشوفه نفس حطته لو لا رحت وشفته نفس الشى ماموخرين شى ولا شايلين شى تعبت أول مالزمت الكاع ترجعت ذاكرتي الذاك اليوم الاخذ بي اهلي بس حلفت الا اخذ ثارهم بابشع صوره من اعمامي وريان الخسيس الا اجلده بيدي اخلي يتمنه الموت..
وصلنا للمركز أريد اجيب نقطه داله الهم اجاني أشعار على تلفوني فتحته حساب وهمي مكتوب"إذا تريدين اختج تعالي على هذا المكان(....)"
شفت المسج رفعت راسي رأسن على حُر صفن بوجهي وحسيته عرف انطيته التلفون حجيت.
رَي: طبعا انطوني المكان عبالهم آني غبيه مثلهم ميدرون آني حاطه احتياطاتي.
حُر: شراح تسوين رح تروحين؟
رَي: طبعا لا شبيك حُر ذوله دزولي المكان حاطيلي فخ الي ريان وسوالفه وعمي وخياسه اعرفهم بس عندي فكره الا تطشرهم هم ميدرون بيه بالستخبارات فاليوم اسويلهم سبرايز شنو رأيك حرحر؟
حُر: انتِ أكبر طرگاعه بس اريد اعرف ليش اهناا يخافون منج من ورى ذكائج؟
رَي: طبعا لا بس جامعه خياساتهم وانت ادرى.
حُر: اوفف يربي مره وحده هيج يخافون منج.
كمت وكفت.
رَي: دكافي يخافون ويخافون بتفله اطيرهم مو نفخه خليها سكته حرحر اكلك حُر هو انت منو سماك؟
حُر: أمي ليش؟
رَي: اكلك خاله جانت بغداد وصامطتها الشمس وسمتك هيج لو من جابتك جنت عركان؟
حُر: تنكتين حضرتج ترى اسمي حلو وانتِ رَي شنو يعني عبالك رنه.
رَي: امي الله يرحمها سمتني هيج.
حُر: احم آسف يله اسمج حلو امشي عاد.
عفته ومشيت اندليت المكان ورجعنا الباجر انتمم كلشي واجيب اختي.
_________∆∆∆
-ها سويت الكتلك عليه؟
-اي وكلشي تحت السيطرة.
-كفو أن شاء الله متفشلني.
-افا عليج آني فد يوم مفشلج؟
-هههه لا يله الباجر تجيك الفلوس.
-تمام مع السلامه.
-الله وياك.
....
-الو "ذيبه"،تمام وانتِ؟
-تمام، كلشي جاهز؟
-كلشي جاهز ذيبه بس تنفذين الخطه.
-تمام.
انسد التلفون "بدأ اخذ الثار والي تاخذه ذيبه"
________∆∆∆
يتبع...
-ذيبه؟
-شنو تتوقعون البارت الجاي؟
اشتركوا وياي⁦☆⁩