﴿الذَئب الحُر﴾

﴿الذَئبه الرابعه عشر﴾

احذر من الشخص الذي لا ينتقم منك...
فهو لم يُسامحك...
ولم يسمح لك ان تُسامح نفسك...

الكاتبه:﴿ نـبـأ الشـمــريـﮯ﴾
...⁦☆⁩
__________________
حُر: رحنه دفنها وحاله رَي لا يرثى لها حرفيا تبجي الصخر احسها مهدوده أول مره اشوفها تبجي هيج تعيط وتبجي وتملخ بروحها كلش جانت متعلقه بيها عبالك بناتها مو خواتها.

رجعنا للبيت دخلت واحنا ميتين تعب صعدنه طبيت للغرفه سبحت طلعت صليت وكعد على السجاده ادعي من كل گلبي الله يبرد گلبها.
كمت من السجاده لميتها ونجطلت على الفراش افكر بيها شلون حالها هسه أكيد منهاره واختها الصغيره بعدها ماتعرف بالسالفه يا الله ماكول شئ بس الله يساعدها...

ماحسيت على روحي وآني نايم...
_________∆∆∆
رَي: كمت من الفراش وطلعت صعدت بالسيارة بالكوه اسوق رحت للمستشفى لكيت الدكتور ديفحصها طبيت ابتسمت بوجها ماريدها تشك وكفت يمها لزمت ايدها وحجيت..
رَي: شلون الحلو صار؟
رذاذ: زينه ريا شلونها؟
سكتت ماعرف شجاوبها والدمعه بعيني.
حجيت
رَي: ها لتخافين مابيها شئ زينه.
رذاذ: أريد اشوفها لان اتأذت اكثر مني آني دافعتلها بس اتصاوبت.
طلعت الشهكه مني وآني مادري شحجي شكوللها اكلها اختج راحت وعافتج.
رذاذ: رَيي ليشش تبجينن شصايرر؟
رَي: ماكو شئ بس انقهرت عليكم.
رذاذ: تعاي يعمري لتبجين مابينه شئ احنا زينين.
حجيت بقلبي ياريت زينين مثل ماتكولين ياريت حضنتها من كل گلبي وبجيت.
رذاذ: شني هاي أول مره اسمع بجيج ولج ضحكي ضحكتج احلى.
هي ضحكت وآني ابتسمت بس.

طلعت للدكتور حجيت ويا؟
رَي: دكتور عادي اطلعها؟
الدكتور: اي تكدرين عادي هسه اكتبلج ورقه خروج.
رحت ويا كتبلي ورقه خروج رحت جبت كرسي متحرك وطبيت الغرفتها ابتسمت بوجها رجعتلي الابتسامة.
رذاذ: شني رح تطلعيني؟
رَي: اي الدكتور كال عادي طلعيها.
رذاذ: اي احسن اريد اشوف ريا.
سمعت اسمها مادري شرد عليها ضليت ابلعم ضليت ساكته كعدتها بالكرسي وطلعتها.
رذاذ: رَي اريد اشوف ريا ليش طلعتيني؟
رَي: ها...نايمه هسه الدكتور كال بعدين تعالولها الباجر نرجعلها.
ضلت ساكته حسيتها شكت بس سكتت وصلنا للبيت دخلتها للغرفه نومتها وطلعت سبحت وصليت وضليت ابجي وادعي شفتها بالباب مال غرفه كمت دخلت يمي سألتها.
رَي: ها تريدين شئ حبيبي؟
رذاذ: لا بس ليش تبجين؟
رَي: دعيت وبجيت تذكرت اهلنا.
اجتي حضنتني حضنتها وبجيت بالزايد أول مره احس روحي مهدوده ماعندي مكان اروح اله.
رذاذ: رَي وضعج مو طبيعي شاكه بيج.
انصدمت ماعرف شحجي ضليت ابلعم حجيت.
رَي: لا مابيه شئ لتخافين كتلج اتذكرت اهلنا.
رذاذ: عود خوش...زين الباجر شوكت نروح الريا؟
كل ماتسألني احس روحي تطلع مني ماعرف شجاوبها واكلها اختج ماكو بعد.
ابتعدت منها وحجيت بالكوه.
رَي: رذاذ أريد احجيلج شئ بس قوي روحج واسمعيني للاخير.
رذاذ: تمام خوفتيني شكو؟
رَي: الموت قضاء وقدر وهذي امانه الله انطانياها وهو الياخذها وانتِ ايمانج بألله قو...
بعدني ممكمله وعاطت.
رذاذ: رَييي ريااا بيهااا شىئ؟
رَي: شوفي ريا انطتج عمرها.
حجيت هيج وبجيت بكل قوتي ضلت مصدومه هي كامت تضحك قوي كمت عليها اهدي بيها حجيت.
رَي: رذاذذذ شبيججج كافييي اصحييي.
رذاذ: ههههههههههههه يمهه ضحكتيني لتنكتين بعد ماحب هيج شقه لان يجيب الفال المو زين.
ضربتها راشجدي علمود تصحى حضنتها كامت تشهك وتبجي كمت اهدي بيها واحجي.
رَي: قوي روحج وياي بقينه بس احنا ولازم تأخذ ثارهم ثلاثتهم ذوله روحنه والله ثم والله وحق خالع باب خيبر الا اموتهم بيدي بس ماخليهم يموتون اخليهم يتمنون الموت ومايلكو بس ساعديني وقوي روحج آني هم تعبت هوايه والله احس فقدت بنتي مو اختي..
كامت تبجي وياي...

دنكت لكيتها نايمه وعيونها مورمه غطيتها وطلعت للطرمه اشتم هوى طلعت قصيدتها التحبها ﴿ام الوجود﴾ وكمت ابجي بالزايد وياها....

حسيت احد يندهني رفعت راسي لكيتها رذاذ عيونها مورمه وخشمها احمر ولابسه اسود كمت حضنتها وطبينه للبيت طبيت للغرفه لبست اسود وطلعت للمكتبه علمود الجادر سويته الفاتحه ثلاث ايام وبدوا يجون الناس.
رَي: رذاذ لتسمعين الحجيهم تمام لان اعرفهم رح يكولون خطيه ابن عمهم غدر بيهم ومن هل سوالف فلتسمعين.
هزت راسها وراحت اجت الظابطه رهف سلمت عليه وكالت...
رهف: رَي اريد احجي وياج على انفارد.
رَي: تمام تعاي.
طبيت للغرفه وسديت الباب.
حجت.
رهف: رَي أنتو مو عدكم كامرات بالطرمه وقريب على الباب؟
رَي: اي.
رهف: شوفي التصوير علمود تاخذين دلائل الابن عمج.
رَي: طبعا هذا أول شئ تسجيلان الجيران اشوفها هم.
رهف: اي تمام ردت اذكرج بس.
رَي:شكرا.
طلعت وطلعت وياها اجوا فريد وواثق وحُر سلموا عليه ومبين عليهم الكسره عبالك اختهم وخاصه فريد.
فريد: البقاء بحياتج.
رَي: وحياتك الباقيه.
عزوني وبقوا وياي كلشي سوو وياي ماعافوني وحدي طلعتلهم تشكرت منهم وراحوا رجعت طبيت احس البيت خنكه وضلمه طبيت للغرفه لكيت رذاذ تبجي رحت حضنتها وكعدنه نواسي بعض دك الجرس كمت فتحت الباب لكيت الشخص الي كتل اختي بدم بارد.
ريان: شني ماتدخليني؟
رَي: شلون مادخلك بعد انت قاتل اختي بدم بارد لازم اجيبلك مي بارد.
ريان: انجبي مو اني القتلتها.
رَي: تؤ تؤ ياييي ختيه مو انت لعد منو حظي الفكر الجابني عليك؟
ريان: يجوز سألي..وكك انت ليش فكر يا ابن الفكر.
رَي: انجب وادخل جوه.
دخل كعد عالقنفه واني أبالي خطه رحت الرذاذ كتلها.
رَي: رذاذ اريدج تلهي بالحجي وتتعاركين شوي يعني انفعلي وابجي وهيج شى بين ماجيبله الماي.
رذاذ: اي بس ليش؟
رَي: مو شغلج العليج بس تلهي.
رذاذ: تمام.
طلعت رحت للغرفه فتحت المجر طلعت علبه بيها دوه مال مخدر ننطيها للمجرمين الا اخلي يشوف نجوم الظهر
طلعت طبيت للمطبخ حطيت حبايه وحده وصبيت جاي علمود متبين وحطيت قلاص ماي رحت للصاله حطيت الصينيه وباوعتله بطرف عيني كعدت وحجيت.
رَي: شجابك يا قاتل اختي؟
ريان: اولاً اني مو قاتل اختج ثانيا لتحجين هيج وياي احسن ماطلعلج وجهي الثاني.
رَي: هههههههههههه يمه خرب لا لتكلي هم عندك وجه ثاني ولك انت هذا واجلح اذا طلع وجهك الثاني لعبان روح.
ريان: رح اكوملج.
رَي: رذاذذذ.
رذاذ: هاا ها شبيج؟
رَي: جيبيلي بطانيه خفت ههههههههه.
رذاذ: وكعتي كَلبي بنت الخوش اوادم.
رَي: هو اني اريد محد يأمن بيه.
واحنا دنحجي شفته شرب الجاي وبده يهلوس.
رَي: ريان بيك شئ؟
ريان: اي راسي يوجعني.
رَي: اي هيج اكلك سؤال.
ريان: كولي.
رَي: منو القتل اختي؟
ريان: ان..ي وا..بو.ي ال.ي هو ع..مج.
احس اذني تطلع نار من ورى العصبيه
حجيت.
رَي: ليش؟
ريان: ن.ري.د نع.ذب.كم لان اهلكم مقبلوا ين.ط.ونه ب.يت ج.دي.
رَي: امم زين وعذبتونه؟
ريان: لا ق.تل اخ.تج شى ب.سيط بالنس.به النا نريد نق.تل.ج أنتِ هم.
رَي:امم.
غفه عفته وكمت اجت رذاذ الي جانت تبجي وتسمعه حجت.
رذاذ: رَي شراح تسوين هذا لازم ينعدم شنقاً.
طلعت التلفون من جيبي ورفعته كتلها.
رَي: اني مو غبيه علمود ماخذ احتياطاتي.
فتحت عينها وحضنتني.
رذاذ: وج أنتِ شنوو من بشر مو عقل طرقاعه.
رَي: اييي وخري يله اخذج الواهس..جيبي تلفونج.
رذاذ: ليش؟
رَي: دجيبي وانتِ ساكته.
راحت جابته واجت كملت وانطيتهيا سألتني.
رذاذ: شسويتي؟
رَي: رذاذ رحمه الربج شكد تسألين.
رذاذ: سكتت سكتت تمام.
دكيت الأمين كتله يجي يودي هذا البيته اجه آخذه وراح.

هسه بده شغلي وياكم يا بيت الـ﴿زعبي﴾ القادم افضل الي.
________∆∆∆
يتبع...
-تتوقعون شتسوي بيهم؟
اشتركوا وياي⁦☆⁩