أنا وأنتِ و مامعنا أحد ولا غابت البسمة من ليالينا أبد

البارت الثالث 🌷

طلع خالد من المستشفى ركب سيارته وجاء اتصال من رقم غريب عقد حواجبه بستغراب وهو يرد ؛ الو مين معي ؟ ، مديره المدرسه ؛ معي ولي امر جوليا و العنود ال حرب ؟ ، خالد بستغراب ويعقد حواجبه ؛ اي نعم مين معي ، مديره المدرسه ؛ معك مديره المدرسه ساره الجدعاني ، جوليا والعنود تهاوشو معا مجموعه بنات و مهربين جولاتهم وحده من البنات تعرضت كسر بالأنف ، خالد وهو مصدوم من اخته وبنت عمه ؛ نعم! كيف كذا يلا جاي. << عند العنود وجوليا >>
جوليا بعصبيه ؛ أنا ماسويت شي هي جت تدفني بكتفها عن قصد وش اسوي لها يعني اقول معليش وامشي وين قاعدين ! ، العنود بغصه؛ ماسوينا شي بس رفستها برجلي ع بطنها بخفيف ماله داعي تعهد من اول يوم تكفين ، المديره ؛ ايشش بس رفسه خفيفها منجدك انتي وايش اللي ماله داعي انتي مالك داعي تتهـ ماكملت كلامها الا وخالد دخل واضح انه معصب ؛ السلام عليكم ، جوليا والعنود بصدمه ؛ خالد ؟ ، العنود ؛ اسمع والله هم بدو والله مو حنا تكفى بتفصلنا ثلاث ايام ظلم ، جوليا بهمس ل العنود ؛ عادي اجازه بدون مجهود ،خالد وهو مروق ونسى كل شي لان العنود كلمته؛ ماله داعي تعهد ولا فصل خليهم يروحون اول يوم مشيها لهم ، المديره بخوف من هيئه خالد و هيبته ؛ لو سمحت ذي مو اول مره يتهاوشون فيها و يهربون جولاتهم كم مره بنعديها لهم ، جوليا ؛ ياشيخه عادي ترى الحياه مره وحده وش فيها ، العنود ؛ بعدين حتى هما ضربونا شوفي يدي شوفي كيف صارت حمراء و رقبتي فيها آثار جروح منهم ، ؟ ، المديره ؛ اص انتي وهي وقعو وجولاتكم ماراح تأخذونها إلا نهايه الأسبوع مفهوم!، العنود بعصبيه وعروقها رقبتها بانت ؛ لييه مآخذ جوالي لا باخذ و تعهد ماني كاتبه وش بتسوي ؟ جوليا ؛ ايي وش بتسوي هيا ! خالد بصدمه من العنود وعصبيتها ؛ تمام هدي انتي وهي خلاص وقعو الحين وخذو جولاتكم و الحقوني السياره ، المديره ؛ ماتقدر تاخذهم هم ولا جولاتهم ،خالد وهي قفلت معاه وعصب ؛ باخذ جولاتهم غصب عليك و ع الادراه ذا اول شي ثاني شي ليه ما اقدر اطلعهم معي هاذي اختي و ذي زوجتي حرام ؟ ، العنود وهي حمر وجها وانحرجت وحست بحراره من خالد لما قال "زوجتي" خالد وهو لاحظ احمرار وجهها وجوليا وهي مصدومه من جرات خالد والمديره بستغراب وهي تكلم العنود ؛انتي متزوجه! و ذ ذا زوجك ! ، خالد ؛ اي زوجها في شي يعني ؟؟ العنود وهي مو قادره تتكلم ابد ؛ ا ا ايي ذا ز زوجي ، جوليا وهي تحاول تكتم ضحكتها ؛ اي زوجها عادي ترى في ناس تتزوج بذا العمر ؟ ، المديره وهي تمد لهم الورق حق التعهد وقعو و اخذو جولاتهم و طلعو برا مكتب المديره جوليا وهي تضحك ؛ قال ايش قال زوجتي هههههههههه العنود بإحراج ؛ بس خلاص عشان يطلعنا اشبك انهبلتي ؟ دخلو الفصل اخذو شنطهم و عبايتهم وطلعو للسيارة ، خالد بعصبيه وهو يلف ع جوليا ؛ ساعه ؟ جوليا ؛ زوجتك اخرتني تعدل طرحتها بالحمام ساعه هاوشها هي مو أنا ! ، خالد وهو استوعب لما قال للمديرة "هاذي اختي وذي زوجتي" العنود بهمس سمعه خالد ؛ اعنبوك متى تصير زوجي صدق ؟ ، خالد بضحك هستيري وهو يهمس ل العنود اللي اللي وراء مقعده ؛ تم متى ودك وانا حاضر ، العنود بإحراج تام لما استوعبت ان خالد سمعها وجوليا وهي سمعتهم وجت تصرف الموضوع ؛ خلودي شغل لنا شي طفش ، خالد وهو يحس قلبه فراشات ؛ من عيوني كم جوليا عندي ، جوليا بهمس ؛ يبدو ان اخوي واقع بالحب بقوه .
<< بالمستشفى عند نايف >>
نايف وهو مصدوم ؛ ك كيف كذا ! اخذ نفس وهو يتصل ع خالد ، خالد وهو توه نزل العنود بيتها ويرد ع اتصال نايف ؛ هلا نايف
جوليا وهي انبسطت من طاري نايف وسرعان ما كشرت من صدمه خالد وهو يقول ؛ ايشش منجدك انت وش تقول وش حادثه كيف كذا اصبر مسافه الطريق بس وقفل الجوال ، جوليا بخوف على نايف ؛ احم خالد من صار له حادث ؟ ، خالد وهو مستغرب من سوال جوليا ؛ ليش تسالين ! جوليا ؛ مجرد فضول بس ، خالد ؛ مشعل ، جوليا بصدمه ؛ ولد عمي محمد !! خالد ؛ اي هو ، وصل نزلت جوليا البيت وراح خالد وه مسرع لمستشفى .
<< بالمستشفى تحديداً عند مكتب نايف >>
نايف وهو متوتر وخايف من خالد لان يعرف قد ايش هو عصبي ومايتحمل اي شخص يستحقره و خليه غبي زي ماسوا مشعل فيه وهرب من السجن
كيف و متى و مين ساعده قاعد يحاول يبحث مين انقطع حبل أفكار نايف من وصل خالد وهو يفتح باب مكتبه بقوه بسرعه واضح قد ايش معصب ومتنرفز ؛ وينه ابن ** وينه والله ماخليه هو وذا ال** والله ان خليت فيهم عظم صاحي ماطلع خالد ! نايف وهو يحاول يهدي خالد ؛ أتعوذ من أبليس واقعد اول شي بفهمك كيف صار الحادث وبعدين روح شوفه ، خالد بعصبيه ؛ مانيي قاعد وينه فيه اخلص لاحظ خالد توتر نايف الغريب وقال؛ دقيقه لايكون سلمته للشرطه ! سكت نايف وهو مستعد من التهزيء اللي بيجه من خالد وبالفعل قرب خالد من نايف ومسك ياقه بلوزته ؛ نايف لليه يانايف قلت مسافه طرريق وججاااييي تعرف صار لي شهور وانا احاول أصيده نايف وهو يبعد يد خالد ؛ خالد استهدي بالله واقعد وبقول لك والله بقول بس اقـ دخل ابو العنود بعصبيه وعيونه تطلع منها شرار ؛ تف عليك في احد يسلم اخووه الشرطه هاه بالله فيه احد ! خالد بستغراب وهو مو فاهم اي
نايف وهو خلاص قفلت معاه من أبوه ؛وش سويت هاه انا م وديته إلا وخايف عليك ادري انك بتكفر فيه قلت أسوي الصح واوديه وانت قلت ايش دقيقه اييه اخوي هههه ضحكتي اي اخ ذا ماقد شفت اخ زيه ياليت بس تحبني وتعاملني زي معاملتك معه انت تفكر بنفسك وزوجتك وعيالها والحين جاي تحاسبني روح حاسب نفسك وراجع نفسك طول عمرك همك نفسك وحياتك وسفراتك بس ! وحنا ولاشي عندك يكفي انك محمل العنود ذنب وفاة امي!خالد بصدمه من نايف وأنه ماقدر يكتم اكثر وطلع يلي بقلبه ولد عمه وصديقه و كل شي بحياته توه يلاحظ انه كاتم كل ذا بقلبه ولا فكر يجي يوم يشكي له ويقول يلي بقلبه ويرتاح اختار الشي الصعب اللي هو "الكتمان" لأول مره ابو العنود يفكر بكل شي سواه غلط بحياته وأول شي تذكره هو ضربه للعنود لأجل خاطر "شيخه" عيش بنته الصغيره اسوأ عيشه ماخلاها تعيش طفولتها مر قدامه كل شي سيئ سواه في بنته وولده وكيف تركهم وكيف كان يعشق العنود ويناديها "عنقود محمد" لأنها اصغر عياله حرفياً ندم اشد الندم لكن الوقت تاخر جداً على الندم و انه يستوعب ع نفسه و ع اللي سواه انسحب من مكتب نايف بهدوء والندم والحزم من كلام ولده له شاق وجهه طلع وراه خالد بسرعه منها يكلم عمه محمد و يخلي نايف يهدأ شوي خالد وهو وقف قدام عمه؛ منجدك انت منجدك تعذب بنتك وتحملها ذنب وفاه امها منجدك هي مجرد طفلة تطلب منك حنان الاب وانت وش سويت بدلت حنان الأب إلى قسوه وضربتها و حرمتها من أشياء هي ك أنثى من حقها تأخذها بس كانت تبي تعوضها عن فقد امها بسس ماكان له داعي انك تضربها و تخليها خدامه عندك و عند زوجتك انت متخيل انك تغيرت جداً بعد وفاه جميله حرفياً تغيرت صرت ترمي العنود ع الخدم هم يهتمون فيها وانت وش تسوي لاهي معا زوجتك وعيالك انت فعلاً اب قاسي روح الله لا يردك كلمه "لايردك" ذي جلست تتكرر ع اذن محمد حرفياً ندمم واستوعب قد ايش هو مقصر و اب فعلاً قاسي انسحب خالد وهو يرجع لعند نايف دخل عنده وشافه منهار نفسياً معروف ان خالد مايهزه شي بس هزه دموع كل حياته تقدم نايف وهو يحضن خالد بكل قوته ويبكي خالد وهو مايعرف يتصرف بموقف زي كذا؛ معليه كل شي يهون وانا اخوك الدنيا ماتوقف ع احد الدنيا تدعس عليك وتكمل طريقها خلك قاسي ولا تفكر إلا بالي يحبك و يفكر فيك ويطلب رضاك ، نايف وهو يبعد و يمسح دموعه بعنف ويفتح الباب ؛ ابي اقعد لوحدي شوي ،خالد ؛ تمام خذ راحتك أنا بروح البيت ارتاح شوي اخذت اجازه ثلاث ايام ودي نطلع بها طلع خالد وقلبه يتقطع على نايف .