أنا وأنتِ و مامعنا أحد ولا غابت البسمة من ليالينا أبد

البارت الثاني 🌷

<<جناح ابو العنود<<
نبدأ روايتنا بصباح جميل ونشيط لأول يوم مدرسه بالترم الثالث بيوم الاحد عند بطلتنا العنود قامت من النوم ع صوت زوجه ابوها تقومها وهي معصبه فزت ليال من نومها بستغراب وهي ناسيه تماماً ان ذا اول يوم مدرسه لها ؛ وش صار !
شيخه بوقاحه؛ ابد استاذه العنود بس قومي سوي الفطور الشغاله تعبانه وبعدين تجهزي للمدرسه وطلعت برا الغرفه ،فزت العنود من مكانها وهي تاخذ شور وتتجهز وناسيه تماماً موضوع الفطور ، محمد بعصبيه ؛ العنود ووجع ان شاء الله !! عند العنود نزلت من الدرج ركض من صراخ ابوها فيها ؛ هلا ابوي محمد بعصبيه ؛ وين الفطور هاه ، العنود بتوتر ؛ ا ا الشغاله ماسوته ؟ محمد ؛ الشغاله تعبنها قومي سويي الفطور اعجلي العنود؛ ط طيب .
<< جناح ابو خالد >>
فزت من نومها بسرعه وهي تاخذ شور سريع و تسوي شعرها ويفي و تحط ميك اب و تلبس المريول وتاخذ جوالها تدق ع العنود استغربت من العنود انها ماترد وما اهتمت كثير ونزلت وهي تسلم ع أيد امها وأبوها وتجلس ع طاوله الطعام و تاكل ، ابو خالد ؛ متى تطلعين اليوم ؟ جوليا ؛ الساعه ١٢:١٥ تقريباً ابو خالد ؛ اجل كلمي خالد يرجعك لان مسافر اليوم عندي مشروع عمل بالبحرين ، ام خالد و جوليا بنفس ألحظه ؛ شلون !! ضحك ابو خالد وقال ؛ بس أسبوعين ونص كذا ماني مطول ام خالد؛ الله يرجعك بالسلامة يارب
جوليا؛ ول ول تأخرت يلا بابا نمشي ، خالد وهو نازل سمع أبوه يقول ل جوليا تكلم العنود عشان يوديهم سوا نط من الدرجه الاخيره بروقان وهو يدندن ؛ شرايك أنا اوديهم عشان ماتتعب قبل السفر ، جوليا ؛ عشان أبوي مايتعب ولا عشان وغمزت له خالد وهو يرد لها الغمزه ابو خالد ؛ بس لا اشوف تغمزون كذا قدامي عيب ! خالد وجوليا ؛ ابشر ام خالد وهي تشيل الفطور ؛ يلا تاخرتي.

قامت من طاوله الاكل و هي ترد ع اتصال جوليا ؛ ايوا هلا جوليا ، جوليا؛ أنا وخالد ننتظرك برا ، العنود ؛ والسواق شصار عليه ، جوليا ؛ اخذ اجازه ولا ماتبين خلودي يودينا ؟ خالد بعصبيه؛ لاتقولين خلودي !!
العنود بهمس سمعه خالد ؛ الله وأكبر والله لو انك وش ، جوليا؛ اخلصي علينا من اول يوم تأخرنا وش يقول علينا ، العنود ؛ يلا يلا جيت ركبت السياره ورا باب خالد جوليا وهي تلف عليها ؛ تبين ابو نوره ؟ العنود بحماس ؛ تم ، خالد ؛ واذا قلت لك انتِ وهي لا ، جوليا برجاء ؛ خلودي تكفى ، خالد بنرفزه ؛ عشان خلودي ذي لا يعني لا مابي نقاش !! ، بعد ثلاث دقايق تقريباً وصلو المدرسة ، دخلو المدرسه جوليا و العنود يدورن صحباتهم ، جات غاده من وراهم وهي تنط ع ظهر العنود ؛ اشتقت لككم ، العنود وهي تبعد غاده من ظهرها ؛ وجع ظهري كسرتيه ترا !، جوليا؛ غدو وحششتيني وحضنتها ، جت العنود كمان تحضنها بعدين افترقو يشوفون فصولهم.

<< بالمستشفى عند خالد و نايف >>
خالد وهو معصب ؛ ابن ** هرب كيف راح الله واعلم بس أشوفه والله اهد فكه وانا ولد فارس
نايف ببروده تستفز خالد؛ يابن الحلال هدي قول وش سالفه ؟ ، خالد بعصبيه من أسلوب نايف؛ اول شي تكلم زين لا اهد فكك بداله ، نايف؛ وش السالفه !
~نرجع لقبل ساعات لما خالد وصل البنات المدرسه~
بعد مانزلو البنات جاه اتصال من الفريق الاول سلمان وهو يقول ؛ الو خالد ، خالد ؛ اي هلا بغيـ قاطعه وهو يقول ؛ مشعل ابن ** طلع مهرب مخدرات و اسلحه ع حدود اليمن الان تجي الان جاء بيتكلم إلا قفل بوجهه ، خالد بعصبيه ومتنرفز من مشعل والفريق الاول لان قفل بوجهه ؛ تمام نشوف اخرتها معك يامشعل نشوف ، وصل خالد دخل القسم و دقو له التحيه ، خالد وهو يدخل عند الفريق الاول ؛ حددت موقعه ولا لسى ؟ الفريق الاول سلمان ؛ لسى ماجاء خبـ ماكمل كلامه إلا ودخل الملازم الاول وهو يحدد موقعه ويعطي خالد ملف كبير معلومات عن مشعل وطريقه تهريبه للمخدرات والاسلحه طلع الملازم الاول بأمر من الفريق الاول ، سلمان ؛ من حسن حظنا اني جهزت فريق عشان نهاجم الاخ ، خالد باستغراب ؛ ليه كنت شاك فيه ؟ سلمان؛ مين مايشك من هدوء الاخ مشعل اكيد كان ناوي ع شي وهاه شوف وش طلع ويفكر بعد يرسل دفعه ثانيه لأمريكا لازم ناخذ الحذر وننتبه بذات انت لان تعرف قد ايش يكرهك ، خالد بوناسه لان يستنى ألحظه اللي يمسك مشعل فيها ؛ تمام بكلم الفريق و نداهمه الان و رجاًء مابي اعتراض ! سلمان باستفسار ؛ غريب الفريق خالد مستأنس لذي الدرجه تكرهه ؟ خالد بروقان تام ؛ حييل ولا لك ان تتخيل ، اوف يلا تحمست
عند الفريق كان مكون من سته ؛ سلمان و خالد و سعود ذولا يداهمون المكان ، عزام و ذيب و سالم يراقبون المكان ، جاء وقت المداهمة داهمو المكان و اخذو مشعل و اخوياه للمركز ، دخلو أخوياء مشعل للتحقيق ولا قدرو يمسكون شي عليهم و اطلقو سراحهم ماعدا مشعل دخلوه السجن وجلس الفريق السته كلهم يراجعون الملف و فجاءه دخل عليهم الملازم وقال لهم ان مشعل هرب و كيف هرب مايدري ، خالد بعصبيه و عروق يده و عنقه بانت ؛ كيفف هرب ها كيف كل مكان فيهه حراس و عساكررر كيف ! قام خالد يمسك الملازم من فكه ؛ أتلكم أنا كيفف! فزو كل الفريق يحاولون يهدون خالد ويبعدون الملازم عنه وبالغصب هدا خالد و طلع بسرعه وهو شياطين الأرض كلها براسه ،
~نرجع لوقتنا الحاضر~
نايف بستغراب ؛ صدق كيف قدر يهرب كيف اكيد احد من الأمن او العساكر ساعده ! ، خالد بعصبيه ؛ مدري ذا اللي أكلني منن التفكير كيف ؟
جاء احد من الدكاتره وهو يقول ل نايف ان فيه مريض فز نايف وهو يودع خالد و يروح طلع خالد من المستشفى ركب سيارته وجاء اتصال من رقم غريب عقد حواجبه بستغراب وهو يرد ؛ الو مين معي ؟