أنا وأنتِ و مامعنا أحد ولا غابت البسمة من ليالينا أبد

البارت السابع 🌷

بعد مرور سته اشهر ~
مرت هذه الأشهر حزينه جداً للجميع ومن أولهم العنود حزينه وبنفس الوقت مبسوطه لأسباب راح نكتشفها الان .

قبل سته اشهر ~

^ الساعه الثامنه صباحاً ^
<<ببيت احد من أقارب شيخه " زوجه محمد " >>

عند ابو العنود واقف بصدمه كبيره جدداً من الكلام و الاشياء الفظيعه اللي سمعها وعرفها عن شيخه

< قبل ساعات قليله >
عند اسمهان " بنت عمت شيخه " ، قالت ؛ شيخه جتني قبل كم سنه قبل وفات جميله ، قالت لي بسوي سحر لزوجي " محمد " ابي اسحره سحر قوي يخليه يكره عيال جميله ويحب عيالي و يفضلني أنا وعيالي بس ، قلت لها استهدي بالله وش ذا الكلام وحرام السحر ومن ذا الكلام ، قالت شيخه لي معليك يبنت الحلال م بيصير شي واصلاً م جيتك وعلمتك إلا وانا محصله الحرمه اللي بتسحر زوجي وتقلبه ع عيال جميله وانا م جيت اخذ شورك جيت اعلمك تبين تجين معي حياك م تبين ب طقاق و حسك تعلمين احد بذا الشي والله ماتشوفين خير وانا نبهتك ، و ما امداني اتكلم إلا وتعطيني ظهرها وتمشي وتركتني مصدومه منها ومن كلامها وتهديها لي و ، قاطع كلامها وقوف محمد ونطق بسخريه و استنكار لكامل كلامها ؛ ذا الكلام قوليه لشخص غبي يصدقك و ما أمداه يمشي إلا وقف من سمع تسجيل صوتي لكامل كلام شيخه وهي تتكلم مع جميله قبل تولد بيومين ، شيخه ؛ صدقيني حياتك انتِ ولدك واللي ببطنك بتنقلب فوق وتحت وحبيبي زوجي محمد بيصير لي أنا وعيالي فقط ! و انتِ بتطلعين الشارع مع عيالك! سمعتي؟ طلعت وقفلت باب الغرفة بقوه ، رجع محمد وجلس وناظر ب اسمهان ينتظرها تكمل ، فهمت اسمهان قصده وكملت وهي تقول ؛ ومن حسن الحظ اول م طلعت شيخه دقيت ع جميله وقلت لها كل شي قالته شيخه و نبهتها اول م تجي شيخه تسجل صوتها ك دليل واثبات انها ساحرتك ، قاعد محمد بصدمه كبيررره جداً وشعور ثقيل عليه انه هو حالياً مسحور ومن زوجته اللي فضلها ع جميله وتغلب ع عياله عشانها قاطع حبل تفكيره من تذكر شي ؛ دقيقه الحين وين مكان السحر وين حاطته ؟ وكيف أتخلص منه ! ، نطقت اسمهان ؛ قلت لك ماعرف غير انها ساحرتك واعرف الحرمه اللي سوت السحر اما وين حطته صدقني ماعرف ، نطق محمد باستعجال ؛ وش اسم الحرمه وين ساكنه سريع ، اسمهان باستذكار ؛ هي ام مديره المدرسه حقت بنتك العنود اتوقع هيله الغامدي وهي نقلت من الرياض وراحت ديرتها الباحه ، محمد ؛ دقيقه ام مديره المدرسه ! ، اسمهان؛ اي إذا تبي وين بالظبط ب الباحه اسال بنتها لان بنتها تعرف كل شي ، محمد باستغراب كيف تعرف وساكته طول ذا الوقت ؟ ، اسمهان ؛ قبل تقريباً ثلاث ايام قلت لها كل شي قلته لك ، وقف محمد وهو بالغصب يقدر يمشي وطلع برا البيت وهو متجه للمدرسه .

<< بالمركز عند خالد و سعود >>
قاعد خالد بمكتبه يراجع قضيه مشعل ومعه سعود ، فز سعود من سمع صراخ خالد القوي واللي يدل ع غضبه ؛ بسم الله الرحمن الرحيم صل ع النبي علامك تصارخ ، خالد بغضب ؛ ابن الكلب سافر برا السعوديه للإمارات عند ولد عم جدي فيصل ، سعود بستغراب؛ كيف سافر مو هو ممنوع من السفر خارج السعودية لمده سنتين ونص؟ ، خالد ؛ ذا اللي مستغرب منه أنا بس واضحه اكيد مزور هويته ابن الكلب بس وين بروح مني ! ، سعود ؛ طيب امش نعلم الفريق الاول ، خالد وهو تذكر شي ؛ انت رح قله شوي واجيك أنا ، سعود وهو حاس بخالد بيسوي شي ؛ طيب بس وش بتسوي انت ؟ ، خالد بضحكه؛ رح حالياً ماني مسوي شي بكلم احد واجيك ، سعود وهو يطلع من مكتب خالد ويتجه لمكتب الفريق الاول
عند خالد وهو اخذ رقم العنود من جوال جوليا بدون ماتدري ومتردد يدق عليها ويعتذر ع اللي سواه ولا يسكت بعد تفكير قرر يرسل لها رساله بحكم انها الان بالمدرسه وماتقدر ترد عليه إذا دق .