𝘾𝙖𝙣𝙤𝙣 𝙊𝙣𝙚-𝙨𝙝𝙤𝙩𝙨 ✮⋆ 🎀 𝒢𝓎𝓊𝑅𝒾 🎀 ⋆✮

[Loving you is a losing game - II] 𝗚𝗬𝗨𝗩𝗜𝗡 x 𝓡𝓲𝓬𝓴𝔂

This story is Fiction.
Tags ◆ Canon compliant, Boy x Boy

■

◆

"ဘာလုပ်​နေတာလဲ အဲ့ဒါ"

Gyuvin ရဲ့ ထ​အော်သံသည် အိမ်နီးနားချင်း ​ခွေးတချို့ကိုပင် လန့်ပြီး ထ​ဟောင်​စေသည်။ Ricky သည် ခြံထဲမှာ ရှိနေရာက​နေ သူ့ကို လှမ်းကြည့်မိသည်။ --- သိပ်ကို တရားကျဖို့ ​ကောင်းသည့် ​ကောင် ။ သူက Ricky ကို လာ​တောင်းပန်တာ မဟုတ်ဘဲ ရန်ထပ်ဖြစ်ဖို့ ​​​ရောက်လာသည် ထင်ပါ၏။

သူ့အတွက် ငဲ့​ပေးမည်လို့ ​တွေးမိသည့် Ricky သာ အရူးဖြစ်ရသည်။ ဒါ​ကြောင့်လည်း သူက Ricky ကို အရူး လို့ ​ခေါ်တတ်တာ ထင်သည်။

ဟား ~
မရယ်ရလိုက်တာ ။

"Yujin သီချင်း ပိတ်လိုက်​ပါတော့"

တိုးတိုးဖွင့်ထားခဲ့သည့် သီချင်းကို ပိတ်ဖို့ ​နောက်လှည့်​​ပြောလိုက်သည့်အခါ Han Yujin သည် Ricky ရဲ့ ခါး​ပေါ်က လက်ကို ချက်ချင်းရုတ်ပြီး ထွက်သွားသည်။ ဒန်း​ပေါ် တင်ထားခဲ့သည့် ဖုန်းကို သွားယူသည်။ ပြီး​တော့ ပဲ​လှော်ကြား ဆားညပ်မှာ စိုးရသဖြင့် အမြန်လစ်​ဖို့ ပြင်သည်။

သို့​သော်..

"Yujin jje ခဏ​နေပါဦး"

Kim Gyuvin စကားကို မနာခံဖူးသည့် Han Yujin က အခုမှ ထူးပြီး ငြိမ်​သွားသည်။ Yujin သည် Ricky နှင့်ဆို သူကပဲ အကြီးတစ်​ယောက်လို ​ပြောင်းပြန်​တွေ ​ဇောက်ထိုး​တွေဖြစ်ပြီး အလိုလိုက် • ​ကာကွယ်​ပေးတတ်သည်။ တဖက်မှာလည်း Gyuvin က သူ့ကိုဆို ၃၂၀% ခွင့်ပြုသည် • ခွင့်လွှတ်သည် • ​စေလိုရာ​စေ။ ဒီ​တော့ ခမျာမှာ ပဋိပက္ခ ​ဖြေရှင်း​ရေး ပရဟိတ ဝင်လုပ်ရမလား ဒွိဟပွားရပြီတည့်။ Ricky သည် အားနာမိသည်။ က​လေးက ဘာအတွက် ကြားထဲက​နေ စိတ်အ​နှောင့်အယှက် ဖြစ်စရာ လို_

"Gyuvin hyung ကျွန်​တော် ​ပြောမယ်​နော် ဒီကိစ္စက ကျွန်​တော်နဲ့ ဘာမှ မဆိုင်ဘူး ကျွန်​တော်က အက ကူ​လေ့ကျင့်​ပေးရုံပဲ"

"ကိုယ် ဘာ​များ ပြောရ​သေးလို့လဲကွာ"

​ဟော ။
Tone က မတူ။ သူ Ricky ကိုဆို ဘယ်​တော့မှ ဒီလို နူးနူးညံ့ညံ့ မ​ပြောခဲ့ဖူးသည်ပဲ။ ​​အမိန့်​တွေ ​ပေးသည်။ (Ricky က နာခံတာ​တော့ မဟုတ်​ပေမယ့်) ​လေသံက မာသည်။ (Ricky ကလည်း ချိုသာမ​နေ​ပေမယ့်) ညင်သာမှုလည်း မရှိ။ ဒီလိုလူကို ဘာလို့ ကြိုက်မိသလဲ ကိုယ်ကိုယ်တိုင်လည်း နားမလည်ချင်။