دخيلة الشيخ رائد

13

نور الدليمي
بقلمي(دخيلة الشيخ رائد) 💜🙈
تصويت فدوه

عاشر من يزيد حياتك حياة  ♡゙‏🫀📌🤍

نبلش
سلطان:  "تزوج سمر"
فتحت عيوني بصدمه ورائد يفرك بوجهه
سلطان: قررر براحتك بس باچر اذا مازوجته اخوك بتابوت تلگوو راح يحچي رائد وسده رائد شال الميز وشمر ويجيب ويسب بي
فهد: رائد اصبر خل نفكر بدون تهور
گعد وخلا اديي عل راسه حاير واني اتخايل يزوج سمر شاغت روحي صعدت اركض فوك سديت لباب ولزمت گلبي وابچي
نغم: ليش مالي حض ليششش ليش حقيرر الله ياخذك انشاء الله حسبي الله عليك سلطان
مسحت دموعي وگعدت عل قنفه اهزهز برجلي بتوتر شنو راح يصير شويه ودخل رائد باوعت بي وجهه تعبان ومهدود حيله نقهرت عليه منا اخوه مهدد يريد يطب للحمام گمت لزمت ايدها والدموع حاصرته
نغم: أزوجه
باوعلي وعيونه دم: نغم
نغم: اهم شي سند
لزم وجهي بديي وعيونه حمر: وداعتج وداعت عيونج بس عقد
هزيت براسي والخنگه لازمتني طب هو للحمام واني گعدت بالگاع لزمت گلبي احس روحي تريد تطلع واني اتخايل سمر ويا گمت مسحت دموعي وطلعت للحديقه شفت لمرجوحه گعدت عليها ودموعي تنزل: الله ياخذك سلطان حقير انشاء الله تموت
قاطعتني ندى: نغووم
نغم مسحت دموعي: ها ندى
ندى: ليش وحدج
نغم: احسن اني متعلمه عل وحده شفتي هسه فرحنه وطلعتنه شغله احسن شي مافرح لن من افرح يصير شي 
ندى: لاتحچين هيج الله يدبرها وين ايمانج بالله
نغم: ونعم بالله ندى گلبي يوجعني والله ماگدر اشوفه ويا احد صدك اني كتله روح ازوجه لن اخوك بين الحياه والموت بس بس گلبي يوجعني روحي تريد تطلع ندى
اجتي حضنتني حته هيه گامت تبجي مسحت دموعي وگمت: المهم سند هسه والله كريم
ندى: فدوه ليصير شي بيج لتبچين
هزيت براسي ومشيت
صعدت فوك ماكو
نغم: رائد
فتت للحمام ماكو تمدددت عل السرير ماحسيت للفجر فزيت شفته نايم يمي طبيت للحمام توضيت وطلعت فرشت سجادتي وصليت رفعت ايدي وتحسبت عل سلطان  كملت اخذت القرأن قريت شويه وسديته رحت يمه تمددت صفنت بوجهه ملامحه تعبانه خليت ايدي عل وجهه وباوع بي (حاليا هيج)

هو حس عليهَّ سحبني لحضنه وباس راسي
نغم بدموع: رائد
رائد: روح رائد
نغم: هم هيج تحضنها
رائد: ههههههههه
نغم: ليش تضحك احچي صدك
رائد: اي يوم الج ويوم اله
نغم: لو تموت بس عقد
ضربته بصدره وانطيته ضهريي
سحبني اله: لج شلون احضن غير نغم گلبي شلون
نغم بدموع: احلف
رائد: وعلي يله بابا نامي
نغم: مبين مستعجل تريد تزوج
رائد: هههه كافي بابا بطلي غيرة
ماجوبته ونمت ماحسيت للصبح
گمزت ماكو تذكرت وگمت بحزن طبيت سبحت وطلعت
شفت سمر بتسمه ومشغله اغاني بالموبايل وصبغ دخل رائد راحت عليهَّ تركض سمعهم تگله
سمر: باوع حبيبي حلوات
نتبهت عليهَّ شيگول: لا مو حلوات
بتسمت عل كلمته رن موبايله وطلع اشوف وجهه صار احمر من الفشله نتبهتلي رفعت اله حاجبي قاطعتنه ندى: ها نغومي
نغم: اكلج ندى ريم شنو صار بيها من عرفت
ندى: لا ياسر گال حيكوللهة راح ويا جدو للمزرعه وقافل موبايله
نغم: اي احسن
ـــــــــــــــــــــــــــــ
الكليه
ريم
طبيت للكليه ادور عليه بعيوني ماكو رحت للكافتريا شفت ياسر يخابر من شافني سد الخط
ريم: هلو ياسر
ياسر: هلوات
ريم: احم سند مامداوم
ياسر: اي راح ويا جدهم للمزرعه
ريم: اها تمام
ياسر: ولاتقلقين لن هو من يروح يغلق موبايله انشاء الله باچر يجي
ريم: تمام حروح للمحاضره
ياسر: اني هم
ــــــــــــــــــــــــــــ
حوراء
شفته يدك ماجوبت مره مرتين اخذته وقفلت الباب
حوراء: شكوو
عز الدين: شبيج ليش متردين
حوراء: ليش ارد عليك وانتِ تواعد جذب
عز الدين: والعباس مو جذب يومين بس واجي اخطبج
حوراء: ترا بزعت من الجذب مالك
عز الدين: وعلي بس يومين وذا ماجيت حضري رقمي وبعد ماتصل عليج
حوراء: لنشوف
ــــــــــــــــــــــــــــــــــ
نغم
امهم گاعده يم سمر ويحچن وطايرات من الفرح دخل رائد ورا فهد هلاهلت امه وراحت بوسته وجابت سمر اخذت ايد رائد وخلته بيد سمر هيه سوت هيج لو اني فرت واحس روحي دتطلع عل بطيئه دموعي نزلن واني اشوفهه ترگصهم باوعلي رائد وعيونه دم نزلن دموعي وعفتهم وطبيت للغرفة لزمه گلبي وشهگاتي عاليه گمت طبيت للحمام شفت موس حلاقه اخذته وطلعت باوعت عل روحي بالمرايه واحس شيطان دخل بيهَّ ويگلي اي نتحريي اخلصي من هل العذاب انتحري عيوني صارن دم خليت الموس على ايدي وجان ينفتح الباب ويدخل رائد من شاف الموس عل ايدي تخبل
رائد: نغم
نغم: مو احسن هيج انتو تخلصون من المشاكل واني هم اخلص
رائد: نغم بابا عوفي هذا شنو البيدج
نغم: اخلص روحي
رائد بخوف: بابا جيبي لتخبلين
ضغطت عل ايدي وجان
يركض ويسحب الموس من ايدي لزم ايدي
رائد: شبببببييج تخبلللتي مابقى عقل براسج
نغم: جييبه اخل اخلص اريد ارتاح
رائد: للججج ويييين صلاتج ويييين قرأنج الفجر وييينهن
من گال هيج احس وعيت عل نفسي ركضت للحمام توضيت وطلعت لبست سدال الصلاه تحت انظاره
نغم: ممكن تعوفني وحدي
رائد: نغم
نغم: ارجوك
ماحس بس الباب نطبگ حيل
فرشت سجادتي اصلي ودموعي ينزلن دعيت الله يسامحني ماحسيت غير شي تكسر سلمت وگمت طلعت وشوف رائد ايده كله دم غمضت عيوني ورجعت ليورا ركضت للغرفه خليت ايدي عل راسي