دخيلة الشيخ رائد

بارت اضافي!!

# رواية دخيلة الشيخ رائد .

بقلمي: زهراء الحسن

        
صفنِٺ شَوي بعيونَك وأتآ ۿالعيُون بݪاد 🖤.
             
تصويتكم والمتابعة لطفاً+تعليقاتكم بين الفقرات

~~~~~~~~~

     «نغم»

   العصر

گاعده البس بالشهم مثل العاده رائـد ننتضره على نار وهو صارله شهر بدوام...

نزلنا جوه شفت علي وعباس يلعبون ويا سيلين وميلانا بتسمت لشكلهم..

-نغم: ماما روح العب وياهم

چان لازم ايدي وگال .

-الشهم: معب لعب (ماحب العب)

عفته يباوعلهم رحت للمطبخ باوعت من لشباك عيوني على الباب أمل يجي بس ماكو .

طلعت اشوف عباس يجر بشعر سيلين راح عليه الشهم .

-الشهم: وعرررر ثبييك(وخر شبيك)

رحت عليهم افاككهم .

اجني البنات من السوگ يلهثن وندى چانت شايله لميس گعدن على القنفه .

-نغم: شنوو هاي شچبتن

-ريم: نغم راح اصير المغرب سند مأجه

-جنة: كل عقلچ مطول هو وياسر سوه ميجون

بقت ساكته وگمنه نشوف بالغراض فزيت على صوت الشهم.

-الشهم: لك وعررررررر (وخر الكاتبه: شكلي هواي راح اترجم ههههههه)

-علي: اعني اكبل منك لثيح(اني اكبر منك لصيح)

-نغم: ماما شبيك بس تتعارك امشيي يله

-حوراء: علييي عوفه هذا اخوك الصغير ميخالف يصيح ماما

دنگو راسهم وسكتو نص ساعة وچان نسمع شخطت السياره احس گلبي صار طبول هاي شخطت رائـد متأكده .

-ندى: اجوييي واخيراً

-سيلين: اه بابي بابييي

بتسمت افرك بيدي باوع لباب وچان يدخل وهو فهد يضحكون ركزت بي وهو يحچي متلهفة لشوفته كلش ركضو عليه الشهم وسيلين ولميس راحت لبوها باوعت شالهم يبوس بيهم ويشم بيهم .

-رائـد: ياروح ابوكم اويلي عليكم بوياي شنو هذا العطر

-سيلين: بابي هذ ماما هلتلي(بابا هذا ماما خلتلي)

بتسم الها عضها من خدها مثل مچان يسويلي .

-فهد: ندى بابا يله

-رائـد: متروح اليوم باچر روحو

-فهد: لا ضلعي ماگدر تعبان

-رائـد: جدي يجي من المزرعه اليوم شنو متگدر