ياصدفة ماجات على بال الأيام ياحظ من قلبه فيها

البارت الأول

في بيت الناصر تحديداً في المجلس:
الجد : ياعيال قومو رتبو مجلس الرجال نبي نسوي عشاء بكره
بندر ( ابو ناصر ) : وش المناسبه يا يبه
الجد : جارنا ابو صالح ربي رزقه بمولود
مشاري : دايم كذا جدي إذا شافنا جالسين يجيه الشغل وش دخلنا يجيه عيال ولا لا
الجد وهو يرمي علبة المويه على مشاري و الثانيه على سيف
سيف : طيب ياجد هو السبب انا وش دخلني
الجد : كيفي
مشاري وهو يضحك : ياحمار الكرف مو علينا على البنات
راشد ( ابو فيصل ) : يبه حريم و رجال ولا بس رجال
الجد : حريم و رجال ان شاء الله
عبدالرحمن بضحك : ابي اروح اقول للبنات الله يعينهم

عند البنات :
دخل عبدالرحمن : ياولد طريق
شهد : ادخل يا عبدالرحمن مافيه احد
عبدالرحمن : يمه ابوي بكره يبي يسوي عشاء 
الجده : وش المناسبه
عبدالرحمن: ابو صالح جارنا ربي رزقه بولد
الجده : الله يهديه و يجعله من البارين ان شاءالله
الكل : امين

شهد راحت للبنات تقول لهم :
ترف : اف يع مو وقته
شهد : من زمان ماسوينا عزيمه
شوق : اخ و الاسبوع اللي فات وش سوينا
ليان : سوينا للرجال بس
شهد: وش تبون تلبسون
شوق : انا ابي اروح المول اشتري فستان لعرس صديقتي و للعزيمه
اسيل : لسا صامله تبين تروحين العرس
شوق : وش اسوي إذا مارحت تزعل مو ناقصه
اسيل : الله يعين
شوق : بنات تروحون معي العرس ما ابي اروح لحالي و امي ماتبي تروح
ترف : أشوف إذا لقيت فستان رحت
شوق : كل الفساتين اللي ب الدولاب و تبين تشترين
ترف : ياشيخه بعد شوي اروح لفيصل و يعطيني فلوس
شهد : الله يعين فيصل طفرتي فيه
أسيل بضحك: فيصل الشوقر دادي
شوق : يعني بس ترف تروح
ليان : أنا يمكن اروح بعدين عرس صديقتك بعد يومين خلينا نفكر ب عزيمة بكره جدي غير يعزم الناس كلها تعرفونه
شوق : يوه عاد مالي خلق سوالف ام خالد بس تبي تزوج اللي بوجهها
أسيل : ما سموها ام خالد الخطابه عبث هاذا مزوجه نص الديره

في الصاله :
شوق : ياجده ابي واحد من اخواني يوصلونا السوق بنشتري فساتين أنا و البنات لبكره
الجده : اخوانك مو فاضيين روحو شوفو فيصل توه جا
ترف : جده فيصل توه جا من دوامه مراح يودينا
الجده : مافيه غيره العيال مشغولين بالحيل
ترف : ابي اروح اشوفه

عند فيصل :
ترف : الو
فيصل : هلا
ترف : فاضي ؟؟
فيصل : امري بغيتي شي
ترف : إذا مو تعبان عادي تودينا انا و البنات المول
فيصل : العيال وين
ترف : يشتغلون مع جدي ولا واحد فيهم فاضي
فيصل اللي كان تعبان بس مايبي يردها : ابشري
ترف بفرحه انه رضا يوديهم : يلا خمس دقايق و ننزل
فيصل : طيب
راح فيصل ا السياره

عند البنات :
ترف : يابنات يلا فيصل وافق
أسيل : يسعد دينه يبي له حبت راس
ترف وهي تلبس عبايتها : يلا بسرعه البسو
اما البنات اللي تحط مسكره واللي تحط روج وللي تلبس شوزها ( الله يكرمكم )