ياصدفة ماجات على بال الأيام ياحظ من قلبه فيها

البارت السابع

في المستشفى تحديداً في غرفة سيف :-
بدأ سيف يفتح عيونه شوي شوي و قال : وش فيه ليش انا هنا
يزيد يفرحه و ابتسامه : الحمدلله على سلامتك يانظر عيني
سيف قال : الله يسلمك بس وش صار ولف على مشاري وقاله و انت وش فيه وجهك كذا وانا ليش هنا
فيصل : وش تتذكر بالضبط
سيف بتعب واضح : آخر مره كنت واقف مع البنات عشان شوق تروح معي وفجأه فز وهو يصارخ : وين شوق شوق وين هي كانت معي بالسياره تكفى وش فيها
فيصل وهو يمسكه عشان لا يقوم قال يزيد بخوف : تطمن هي بخير لا تتحرك مو زين لك الحمدلله هي بخير
سيف قال : ودني لها ابي أشوفها تفهم
مشاري قال : ودوه لها خلوه يتطمن تكفون
فيصل : ابشر بنوديك لها بس اهدئ
سيف : يلا هدية ودوني لها
مسكه فيصل من جهه و يزيد من الجهه الثانيه و مشاري فتح الباب لهم و صادفهم الدكتور وقال : الحمدلله ليش قمت مو زين لك
يزيد : بس يبي يتطمن على اختي بس شوي
الدكتور وهو يقول للممرضة تجيب كرسي متنقل قال : طيب بس اجلس على الكرسي عشان ما تتعب
سيف وهو يجلس على الكرسي ويقول : كيفها يادكتور
الدكتور : الحمدلله هي بخير شوي و تصحى اكيد
سيف : ابي أشوفها
الدكتور : ممنوع هي لسا في العنايه و بعد شوي يودونها غرفه
سيف : تكفى ابي أشوفها لو بس خمس دقايق تكفى
الدكتور: اسف والله ما اقدر
يزيد : بس شوي لو من بعيد
الدكتور : طيب بس لحد يشوفكم لانه ممنوع
انبسط سيف وقال : ابشر الله يعطيك العافية
الدكتور : الله يعافيك بس لازم واحد يدخل
يزيد : بس أنا و سيف تكفى بسرعه والله
الدكتور تنهد و قال : طيب يلا و راحو يشوفون شوق

عند فيصل اللي كان عند مشاري و يتطمن عليه دخلو
الكل قالت ام فيصل وهي تحضن مشاري : الحمدلله على سلامتك ياروح امك و الكل تطمن عليه
ودخلت ام يزيد بسرعه  : وين عيال كيفهم 
مشاري بإبتسامة قال : سيف و يزيد راحو يشوفون شوق و شوق لسا الدكتور قال شوي و تصحى
ام يزيد بفرحه : الحمدلله على سلامتك اسفه يوليدي ما انتبه
مشاري قال : الله يسلمك عادي
ابو يزيد : وينهم وين سيف ليش لسا ماجاء
مشاري : ما ادري بس عند شوق بالعنايه اتوقع قاعدين ينقلونها غرفه عاديه وهو عندها
جاء سيف وهو مبسوط و يحضن أمه
ام يزيد : الحمدلله على سلامتك ياعمري انت كيفك فيه شي يعورك
سيف وهو يضحك : لا الحمدلله البشاره
الجد : ابشر بالي تبي
سيف بإبتسامه وهو يسلم على جدته و جده قال : شوق بدأ تصحى و الدكاتره عندها
الجد : الله يبشرك بالخير و راحو كلهم عند شوق
الممرضه : ممنوع الدخول الدكتور لسا دخل
خافت ام يزيد و قالت : وش فيها بنت بها شي
الممرضة قالت : الحمدلله على سلامتها هي شوي و تصحصح مافيها شي بس الدكتور داخل يتطمن اكثر
الجده : الله يطمنك يابنتي
الممرضه قالت بإبتسامه : أنا استئذان و راحت بعد عشر دقائق طلع الدكتور و قال : الحمدلله على سلامتها و هي الحين صحت وتبي تشوفكم
ابو يزيد قال : الله يسلمك ماقصرت
الدكتور : يالله أنا استئذانكم وراح دخلت ام يزيد الغرفه وهي تحضن شوق بقوه بعدها دخلو الكل بإستثناء العيال
الجد : الحمدلله على سلامتك يالغاليه
الجده : يا بنتي الحمدلله على سلامتك
شوق بحب : الله يسلمكم
وبدأو البنات يتحمدون لشوق بالسلامه
يزيد بعد مادخل هو و سيف قال وهو يحضنها : الحمدلله على سلامتك ياروح اخوك
شوق بحنان : الله يسلمك ياعيون اختك
قرب سيف وقال وهو يحضنها : أنا اسف والله اسف ماكنت ادري بيصير كذا والله كنت ابي أخليك مبسوطه بس جعله فيني ولا فيك ياعمري
شوق بخوف : بسم الله عليك ياعيوني مسامحتك وانت مالك دخل بالي صار أصلاً
سيف : الحمدلله على سلامتك ياعمري وقلبي و روحي
شوق بإبتسامه قالت : الله يسلمك

ابو ناصر : وشلون صار الحادث ياعيال
سيف وهو يتذكر كل شي قال : كنا بالسياره ناخذ القهوه و بعدها طلعنا وحنا بالطريق تجي سياره وهي تدفنا بقوه و ماقدرت أتحكم بالسياره و صار اللي صار
الجد : اها يانذل
شهد : منهو
سيف : كان متغطي كله بالأسود
الجده الحمدلله على سلامتكم اهم شي أنكم بخير
شوق : جدي
الجد : سمي
شوق : ابي ارجع البيت تعبت من المستشفى
الجده : مايصير انتي لسا تعبانه
شوق وهي تمثل الحزن : أنا تعبت هنا ابي اروح بيتنا احسن
الجد بضحك : طول عمرك تتعبين من المستشفى و تبين تصيرين دكتوره ما يصير
شوق : إذا توظفت يصير خير بس الحين طلعوني أنا تعبانه يناس
الجد : ابشري الحين اروح للدكتور و فعلاً راح الجد للدكتور

< تسريع الأحداث >
على وقت المغرب كانو يزيد يرتب اغراض شوق يالشنطه و شوق تلبس عبايتها قالت : يلا أنا خلصت
يزيد وهو يشيل الشنطه قال : يلا و راحو السياره
بالسياره يزيد قال: توقعي يجدي وش مسوي
شوق بإستغراب: وش مسوي
يزيد بضحك : فكري يابنت الحلال
شوق بتفكير : يمكن عشاء
يزيد : لا اكبر
شوق بصدمه : ياويلي وش اكبر من كذا
يزيد وهو يضحك على تعابير وجهها قال : جدي طال عمرك مسوي عشاء كبير بكره و بعد بكره بنروح الشاليه لمدة اسبوع كامل كلنا و قال اللي يعترض مو احسن له و بعد قال انه يجي يخطب ل عبدالرحمن بعد مانرجع من الشاليه وحده من قرايب جدتي
شوق بصدمه : خذ ذا صار بغيابي وشلون لو اني غايبه شهر وش بيصير
يزيد اللي وقف عند الكوفي قال: ماعلينا منهم وش تبين تشربين
شوق : ابي V60 بارد ( قهوه مقطره )
يزيد قال : طيب لوسمحت واحد V60 و واحد ايس امريكانو

بعد مده وصلو البيت وطلعو الكل يستقبلونها و الجد يرفع عصاه و شوق تركض و تحضنه قالت : ياحبيبي ياجدي
الجد : الحمدلله على سلامتك
شوق : الله يسلمك
الجده قالت للجد : ابعد شوي خلني اسلم على حفيدتي الغاليه
نطت أسيل وقالت بضحك : اخ يابنات شوفو جدتكم و انا لو أجيها ضربتني بالعصايه اخ بس
الجده : لا إله إلا الله بتحسدين البنت
أسيل : افا انا احسد شواقه
شوق : ياعمري
ام يزيد اللي طلعت وهي كانت نايمه بالغصب قالت بحنان  : الحمدلله على سلامتك ياروح امك
شوق : الله يسلمك
الجد : يلا خلو البنت ترتاح و نامو بكره وراكم يوم طويل
راحو الكل ينامون

_______________________________
انتهى البارت و اعتذر عن التأخير
قرائه ممتعه و اعتذر عن الاخطأ الاملائية 💕👍🏻