ياصدفة ماجات على بال الأيام ياحظ من قلبه فيها

البارت الثامن

يوم جديد تحديداً المغرب في مجلس الرجال :-

الجد : يا مشاري اجمع جدتك و البنات و كلهم يجون هنا
مشاري : ابشر و راح مشاري ينادي الكل
ابو ناصر : وش العلم يبه
الجد : الحين يجون و اقول لكم
بعد خمس دقائق دخلو الحريم
الجده : وش العلم يابو بندر
الجد : اسمعو يا عيال الواحد مايدري متى يموت
الكل : بعيد الشر عنك
الجد : اسمعوني أنا أبي اقول ان فيصل راح يتزوج بنت عمته شوق وانا طلبكم ماتردوني ياعيال وانا من خوفي عليكم سويت كذا
ابو فيصل : والله يايبه انت صدمتنا بهاذا القرار
عبير : يابوي أنا ماعندي مشكله بس الشور الاول و الاخير لشوق و فيصل
الجد : هاه وش قلتو
فيصل وهو للحين مصدوم من قرار جده هو ما ينكر انه معجب بها قال : ياجدي انت تعرف اني ما ارد لك طلب و اللي تأمر به ابشر
الجد بفرحه : كفو يالذيب وانتي يابنتي
شوق : ابي أستخير و طلعت برا المجلس
ابو يزيد : والله يافيصل ياوليد انك ونعم فيك و انت سمعتك واصله قبلك وانا موافق إذا وافقت شوق
الجد : الله يتمم على خير
مشاري بفرحه وهو مولع شيلات ويرقص هو سيف و الكل ضحك عليهم
الجد بينه وبين نفسه الله يتمم على خير

< تسريع الأحداث >
بعد مرور اسبوع يوم الاربعاء تحديداً الظهر في غرفة شوق طق الباب :-
شوق : ادخل
دخل أبوها وهو يقول : صباح الخير ياوجه الخير
شوق ببسمه : صباح النور
صالح : هاه يابنت وش صار ارتحتي
شوق بتوتر : ايه بس خايف
صالح بحنان : خايفه من ايش ياحبيتي مافيه شي يخوف
شوق : خايفه أترككم و أعيش بعيده عنكم
صالح يضحكه : اللي يهديك يابنتي اللي يسمعك يقول على طول بتروحين معه او بتسافرين بعيد عننا
كما كلامه وقال : فيصل و النعم فيه و الولد شاريك وش قلتي
شوق بخجل : اللي تشوفه
صالح بضحك : ياعيني على المستحين يعين موافق
شوق بابتسامه و توتر : ايه
صالح وهو فرحان حب رأسها وقال : الف مبروك والله يتمم على خير ياعيون ابوك
شوق : الله يبارك فيك و طلع صالح و راح يقول ل عبير

بعد صلاة العشاء في مجلس الرجال :-
الجد كان يسولف مع العيال ويهاوشهم قال : لاحول ولا قوة الا بالله رفعتو ضغطي انت وياه
ابو ناصر : استهدي بالله يايبه و انتم بعدين معاكم
مشاري : ماسوينا شي حنا مساكين
الجد : وش تقول انت وياه
مشاري قال بسرعه : لا ولا شي
ابو يزيد جاء وقال : السلام عليكم
الكل رد السلام
ابو يزيد قال للجد : يابو بندر متى تبون تجون تخطبون شوق رسمي
الجد لف وقال بفرحه : شوق وافقت
ابو يزيد : ايه
الجد وهو يقول لأبو فيصل و فيصل : هاه متى ودكم
ابو فيصل : والله بعد بكره مناسب
الجد : على خيرة الله
فيصل ابتسم و قال : أنا استئذانكم وراح لامه يقول لها

في قسم الحريم اللي كانت الجده تزغرت وتقول : الف مبروك الله يتمم على خير
شوق : يبارك فيك
الجده : متى الخطبه
ام فيصل : بعد بكره
شهد : يوه مايمدي نجهز
عبير : إذا نمتي الحين يمديكم تجهزون بكره الصبح
الجده قالت : يلا نامو الساعه 12 تأخر الوقت تصبحون على خير
الكل : تلقين الخير

~ يوم جديد ~
في بيت ال هيثم تحديداً الصاله :-
الجد : صباح الخير
الجده : صباح النور
الجد : وين العيال
الجده : ابو فيصل و ابو ناصر راحو يجيبون خبز و ابو يزيد راح يسويله كم شغله و عبدالرحمن نايم مع العيال
الجد : أنا بروح اصحيهم للحين نايمين
الجده : الله يهديك الساعه عشره توه بدري
الجد وهو رايح قال : وش بدي الله يهديك

في غرفة فيصل دخل الجد وقال : انت لسا نايم قم
فيصل قال بتعب : وش فيك ياجدي
الجد يمثل العصبيه : انت لسا نايم الناس راحت ترزق ربي وانت جالس ياولد بكره خطبتك قم
فيصل قال وهو يفرك عيونه : الساعه كم
الجد : قم يلا الساعه عشره ونص قم
قام فيصل وقال : قمت قمت راح الجد للعيال وقعدهم كلهم بعد مده بالصاله الجده قالت : صباحكم ربي بالخير
الكل : صباح النور
ناصر اللي كان يلبس جزمته ( الله يكرمكم ) قال : يلا أنا ابي اروح للدوام
فيصل : لا تتأخر
ناصر : ان شاءالله
عبير : يابنات متى تبون تروحون السوق
شهد : ما ادري لسا
نزلت شوق اللي تو تصحى
الجده : يأهلا صباح الخير
شوق بإبتسامه : صباح النور
عبير : متى ودك تروحين السوق مافيه وقت
شوق : شوي بس على الظهر نطلع
حنين : ايه
جت ترف تركض وهي تقول : اخيراً اخوي و بنت عمتي اخخخ كم هرمنا إلا هالحظه
شوق بضحك : ماعليك بتشبعين مني
ترف بغمزه : هاذا إذا شفناك ماضنتي اخوي يخليك تجينا
شوق بخجل قالت : بنت خلص
ليان : البنت قلبت طماطه
ام فيصل : بس انتي و ياها على البنت يلا روحو البسو عباياتكم
الجده : ياحريم متى تروحون تشترون فساتين الخطبه
ام فيصل قالت : والله ما ادري
شهد : امشو معانا احسن
ام ناصر : ايه خلص نروح معاكم بس احنا بنروح سوق ثاني
الجده : روحو مع مشاري و سيف و البنات مع ناصر
و يزيد و احمد و فيصل
الكل : طيب

بعد صلاة الظهر الكل متوجهه إلا السوق :-
في المول : -
يزيد : خلونا نتقسم احسن
الكل : طيب
حنين : ناصر و فيصل مع ترف و اسيل و شهد و يزيد و احمد مع شوق و حنين و ليان
الكل : طيب
بعد مده عند شوق :
شوق : الله هاذا الفستان حلو
ليان : اخخ يموت
شوق : بس باقي الكعب و الأكسسوارات
جت حنين وهي تقول : وش رايكم هاذا لي
شوق : يجنن و اللون بعد يناسب مع بشرتك
نترك البنات يكملون و نروح للجهه الثانيه عند البنات :
شهد : هاذا دخل قلبي
أسيل : يجنن عليك خوذيه
ترف : ايه خوذيه وش رايكم بهاذا حلو
أسيل : يجنن

بعد فتره طويله خلصو الكل في الكوفي :
ليان : هاه خلصتو كل شي
ترف : ايه الحمدلله متحمسه
أسيل بضحك : أوف حتى العروس مو متحمسه زيك
حنين : حجزتي الميكب أرتست
شوق : ايه حجزت معاهم كلهم و بكره يجون الساعه ١ و نص الظهر
اسيل : اول بدري
شوق : وش اسوي زحمة عندها

< تسريع الأحداث >
في بيت ال هيثم تحديداً بغرفة شوق :
عبير : هاه خلصتي كل شي
شوق : ايه الحمدلله بس تعبانه ابي انام بكره بتجي بدري الميكب ارتست
عبير : تصبحين على خير
شوق : تلقين الخير
انتهى اليوم على أبطالنا

_________________________
اعتذر عن التأخير
قراءه ممتعه ولا تنسون النجمة 💕👍🏻