ياصدفة ماجات على بال الأيام ياحظ من قلبه فيها

13

في يوم جديد في الصاله :-
ابو فيصل : فيصل و شوق تعالو شوي
شوق باستغراب : طيب وراحو
في الغرفه قفل ابو فيصل الباب وقال : اجلسو ابي أكلمكم بموضوع
هزت رأسها شوق بإستغراب
ابو فيصل : أسمعوني انا ابي أستشيركم بشي وانتو اللي تقررون انا اقول لو تقدمون العرس احسن عشان نفرح فيكم ماحد ضامن عمره وانا ابي افرح فيكم
شوق : بعيد الشر عنك
فيصل : الله يطول بعمرك يبه و ابشر إذا شوق وافقت أنا ماعندي مشكله
شوق : وانا بعد ماعندي مشكله
ابو فيصل بفرحه قال : ابي أروح أنادي جدكم و ابوك و اجي والله يتمم على خير
وراح ينادي الجد الجد بإستغراب: وش العلم
ابو فيصل بأبتسامة قال : يبه فيصل و شوق قررو يحددون موعد العرس
ابو يزيد بفرحة وهو يحضن شوق وفيصل : الف مبروك
الجد بفرحه قال : الف مبروك والله يتمم عليكم بخير
شوق وفيصل بنفس الوقت : يبارك فيكم
ابو يزيد : هاه ومتى قررتو العرس
فيصل : اللي يناسب جدي حنا موافقين
الجد : أنا اشوف بعد شهر بعد مايرجع مشعل بأسبوعين بس إذا اعجب شوق
شوق : عادي ياجدي اللي تأمر عليه
الجد برضا : الله يهنيكم
ابو فيصل : أنا ابي اروح للرجال و أقولهم و انت يبه رح للحريم

~ عند الحريم ~
دخل الجد هو و شوق وقال : البشاره يأم بندر
الجده : بشرني
الجد : حددنا زواج شوق و فيصل
الجده وهي تسلم على شوق : الف مبروك وبدأت تزغرت
دخلت ام فيصل و ام يزيد ام يزيد : وش العلم يبه
ابو بندر : حددنا زواج شوق وفيصل
ام فيصل حضنت شوق تبارك لها و ام يزيد تزغرت وراحت تبارك لبنتها
الجده : هاه متى العرس
الجد : بعد شهر
ام يزيد : مو كأنه بدري ما يمديها تجهز شي
الجده : لا يمديها وبعدينا خلينا نفرح بهم
ام يزيد : زين الف مبروك وينه فيصل نبارك له
دخلوا البنات على الأصوات حنين : وش فيه
ام فيصل : حددو موعد عرس شوق وفيصل وبدو البنات يغنون ويباركون لشوق
حنين : هاه متى العرس
الجده : بعد شهر ان شاءالله
ترف بصدمه : ما يمدي نجهز شي
قالت ام فيصل : يمدي يمدي نجهز ان شاءالله

~ عند الرجال بالمجلس ~
علمهم ابو فيصل بالعرس وبدو يباركون له
الجد : من بكره يافيصل تروح انت وشوق تشترون اثاث بيتكم و تسكنون بالشقه
فيصل بإستغراب: الشقه مي لعبدالرحمن و ناصر
الجد : عبد الرحمن يسكن بالي قدامك و ناصر لسا يا خطب فيه ثلاث شقق لسا ما خلصت يا خطب يمديها تخلص
ابو ناصر : وش الشقق هاذي يبه
الجد : الشقق لسا ما خلصت عشان كذا ماقل لكم عنها
ابو ناصر : اها إلا يابو يزيد كم ودكم مهر شوق
ابو يزيد : نفس مهر القبيله 100 الف ريال
فيصل : ابشر ياعم بكره الصبح و المهر عندكم
ابو يزيد : ما تقصر
الجد : يلا نوم الساعه بتدخل ١١ يلا يلا
مشاري : ياجد محنا بزران ننام بدري
الجد رمي عليه علبة المنديل وقال : وجع هاذا اللي ناقص يلا قم قدامي انت وياه يلا
سيف : أنا وش دخلني هو اللي تكلم
الجد : وجع بعد ترادد قم يلا تقلع انت وياه و الكل حبس ضحكته و اول ماطلع الجد انفجرو على وجع سيف و مشاري