*******************
لا احد يفهم معنى ان تقابل
الصدمات بصمت تاام
*******************
تذكره من البارت الاول
رحت فتحت الباب ........
اجو كولهم خوالي وعمي
عمو محسن : هذا ابنج الي ماقبلتي انربي من مات اخويه كلنالج الولد يراد زلم اتربي بس عاندتي
هاي تربيتج اله طلع مجرم وقاتل وهسه جايه
واتصيحين لحكولي لج هذا قاتك صديقه شتردين انسويله يعني هذا الحيوان يرادله يطيح حضه
كوا** اتريد انساعده
خالو كريم : خويه انتي السبب ماربيتي عدل هسه شنو نكدر انسويله من تجين اتخابرين لحكولي ابني قتل
خالو فواز : محسن شوف ابن اخوك ولتحجي على اختي
انته ليش ما ربيته جاي اتعلي صوتك عليها انته وين جنت
محسن : شنو هاي جاي اتعلمني خوش حجي والله
هههه شجاي يحجي اكله ابن اختك قتل صديقه يكلي ربييي انته
كريم : كولي يا الله شنو السالفه وقت عركات هسه
خلي انحل المصيبه الي عدنه خلينه انشوف حل لفارس
رغده : اني بالمطبخ واسمع كلامهم وابجي اتذكرت بابا لو جان عايش مجان خله اليسوه والمايسوه يحجي علينه سويت الجاي وديته الهم وكعدت بصف امي الي عيونها ورمت من كثر البجي
يمه كافي لتبجين حبيبتي ان شاء الله تنحل
هاله : يمه اخوج راح من ايدي وترديني ما ابجي يايمه ياوليدددي
فواز : كولي يا الله خيتي هسه ناخذ شيوخ وانروح لبيت الولد انشوف شلون انحلها
هاله : خويه فدوه اروحلك اريد وليدي
محسن : ان شاء الله خير هسه اخابر عمامي وشيخ عشيرتنه ونشوف شلون نحلها
كريم : واني هم رح اخابر عمامنه وشيخنه ونروح لاهل الولد وانشوف شلون تصفه
رغده : راحو وبقينه اني وامي الي تبجي من قهرهه
طلعت للحديقه كاعده افكر بأخويه هسه وين شصار بي شنو السبب الي خلاه يقتل صديق عمره كل هذي الافكار اتراودني تعببت اريد اصرخ بأعلى صوتي
صارت الدنيا مغرب وصوت. الاذان قريب كولش
طبيت للبيت لكيت امي كاعده اتصلي وتبجي وتدعي اتوضيت ووكفت اصلي هنا بعد ما كَدرت الزم ادموعي
خلصت صلاه سجدت على التربه وصرت ابجي بحركه وادعي اني ادري بأخويه ميسويها مستحييل فارس نمله ميأذي يجي يقتل صديق طفولته الي معتبره اخو مستحييييل يارب دخيلك فارس بأمانتك لتكسر ضهرنه بي مثل ما انكسر بأبويه يارب ماعدنه غيره يارب انت ارحم الراحمين ارحم حالنا يا الله
خلصت ولميت سجادتي رحت للمطبخ قليت طماطه وبيض وحميت الخبز اجيت لكيت امي نايمه على السجاده ما انطاني قلبي اكعدها
عفتها ورحت ضميت الاكل بالثلاجه لأن مالي نفس اكل
دخلت لغرفه فارس كعدت على سريره شفت سواره الي يحبه ودائماً يلبسه اخذته لبسته بيدي ونزلن ادموعي
واني اشوف غرفته فارغه وريحته تارسه الغرفه وهو ماموجود فارس عوضني مكان ابويه هو كولشي بالنسبه اليه يااااربي ساعدني مدا اتحمممل يارب ماعندي غير امي واخويه بالدنيا لتختبر صبري بيهم
ما اعرف شلون نمت فزيت على صوت امي تحجي واتصيح رحت اركض الها واني ما مفتهمه شكو
هاله : انتو شتحجون ولكم هاي بنتي بعدهي طفله والله
ولكم شلون اضيعهم اثنينهم من ايدي شلووون
ابني هسه ما ادري بي وين وهسه تردون تاخذون بنتي مني
محسن : شترديين انسويي لج اذا ما انطيناها مو بس ابنج رح ينكتل لاا كولنه من ورى ابنج السكط
هاله : ابني مو مجرم ولا قاتل وبنتي ما انطيه لو على قص رقبتي
كريم : خويه انطيناها للبنيه بعد ما بيدنه شي خلي انحل. هل سالفه وننهي بحر الدم الي رح يصير
رغده : اني واكفه باب الصاله ةمامفتهمه شي وامي كعدت تبجي وادك وتلطم رحت اركض حتى امنعها اتأذي نفسها لزمتني حضنتني حييل وتبجي بصوت عالي مافهمت شكو اسئلها متجاوب بس تبجي
الى ان عمي نطق كلمات خلاني متصنمه ما انططق ولا كلمه بهذا الوقت بالذات ادركت انو حياتي انتهت
محسن : رغده بنتي احنه انطيناج فصليه لاهل عادل وباجر يجي اخو ياخذج وياه ويعقد عليج ......... يتبع ❤️
ولهنا ينتهي البارت اتمنه ينال اعجابكم دمتم في رعايه الله كيكاتي الحلوين احبكم هواي واتمنه تدعموني بتصويت حلو مثلكم
