**************************** ما ادري اجرحك لو اداويك حنيني وثاري كامن الك سويه ***************************** جبل : شربت مي ورجعت نامت متباوعلي اني طلعت اجيب اكل .
نرجع بالاحداث شويه ( في مكان اخر فارس )
فارس : طلعت من البيت لكيت رسول ومحمد بالباب ينتضروني رسول : هلا والله وينك اتأخرت ساعه ننتضر حضرت جنابك محمد : ها اخذت اذن الماما قبل لا تطلع هههههه فارس : لك انجب حيوان رسول : يا الله سلام عليكم شنو السالفه بديتو من هسه تتعاركون فارس : عليكم السلام هلو رسول شلونك شخبارك محمد : احم احم اني موجود ترى ليش متسلم عليه رسول : ههههه حييل تستاهل فارس : يله عادل وين رسول : ينتظرنه براس الشارع محمد : يله امشونه فارس : صعدنه بسياره رسول مشينه شفت عادل واكف يم سيارته وسلاحه بأيده طلعت راسي من الجامه وكتله هلا والله بالشيخ عادل ضحك وكال هلا بالشباب نزلنه رحت حضنته شلونك عدولي عادل : الحمد لله انتو شلونكم محمد : ولكم اني مو يمكم ليش محد معبرني فارس : شكول عليك رسول الا اتجيبه وياك محمد : هذا عنده اسم فارس : كون يارسول اتصير عندك ولاده مبكره واتموت
عادل : هههههههههه اخ بويه متتتت رسول : مشكور خويه ههههه محمد : كولنه رسول ماسويت سونار حتى نعرف بيك ولد بنيه ههههههه رسول : تضحك عليه ولك وجه الجوب اني اعلمك فارس : اي حيل برد نار قلبي بي محمد : اي كدرتكم بس عليه حسبي الله ونعم الوكيل على الضالم عادل : ولكم كافي اتأخرنه فارس : اي والله يله امشو صعدنه بالسيارات ورحنه لصحراء الانبار مشينه بيه وكفنه بمكان مابي احد تقريباً غربت الدنيا طلعنه الغراض من السياره عادل جان يفرش الفراش ورسول جاب حطب علكنه نار ومحمد نزل الاكل والمي واني نزلت الاسلحه ودا اعبيهن طلق واحد من الاسلحه حشرة بي طلقه كمت اسحب اقسام واضرب علمود تطلع ضربت مره مرتين ماكو ضربت مره ثالثه طلعت الطلقه وسمعت صوت صيحه التفتت اشوف عادل غركان بدمه محمد ورسول ركضو عليه يشيلون بي ويحجون وياه اني بقيت واكف بمكاني من الصدمه ما اعرف شسوي ومصدوم على منظر صديق عمري واخويه صاح رسول
محمد : بقيت بس صافن ودموعي يجرن رسول فقد وشك دشداشته ويصيح فارس كاعد بالكاع وصافن كام فارس يركض واجه نام على عادل
فارس : من سمعت صياح رسول استوعبت الي صار كمت ركضت عثرت وكعت بحضن عادل وصحت بصوت مخنوك ولك عااادل كوووم ولك خويه اني كتلتك ياخويه لا الله عليك لتموت اخذني وياااااااك لتعوفني عادل كوووم ما اكدر بدونك ياعضيدي يااااااارب دخيلك لتكسرني بعااااادل كووووم اشوف الدم تارسه ترس ايدي انترست كمت امسح بدمه واكوله كوم حبيبي التراب مو الك كوم يروحي ارجع لبيتك ولك ميلوكلك الكبر والله يبعد اخوك اتخبلت ساعه احجي وياه ميقبل يكوووووم عاااافني وراح ولكم اني كتلته سحبني رسول وكومني هو ومحمد
رسول : يله محمد اخذ فارس بسرعه ودي لبيت مهجور ب **** منطقه خلي هناك وارجعلي بسرعه فارس : ما اعوف عادل هسه يكعد ونرجع سوه للبيت رسول : عادل مات الله يرحمه هذا قدره مابيدنه شي انسوي بس هسه لازم انت تختفي عن الانضار لأن لو شافوك الشرطه تروح بيها واذا لزموك اهل عادل وهمه شيوخ بسرعه طلقه براسك وياخذون ثارهم منك روح هسه خلي تهدأ الامور وبعدين ارجع هسه اني رح ابقه يم عادل ورح اخابر اهله وانت محمد ودي فارس والحكني محمد : وشنو رح اتكول لاهله اذا سئلوك وين فارس رسول : رح اكوللهم
فارس : ولللك كتلك ما اروح واعوف عادل محمد : كافي ولك فارس والله يقتلوك لو يعدموك امشي وياي وبعدين نحجي فارس : لا ما اروح شبيكم متفتهمون سحبني محمد للسياره دفعني وشغل ومشه سريع تقريب ساعه ونص هو يمشي سريع وصلنه لمنطقه بيها بيوت قليله وبيوت متفارقه بيوتها قديمه ومثل المهجوره وصلنه يم بيت وكف السياره ونزل واجه من يمي فتح السياره ونزلني دخلت للبيت بي غرفه وصاله ومطبخ وصحيات بس البيت تعبانه كلش كله رطوبه وتراب وكهرباء ماكو راح للمطبخ جاب شمعه شغلها وخلاها بالكاع باوعلي وكال محمد : خليك هنا ولتطلع ابد مهمى يصير اني اروح لرسول اشوفه شسوه وبعدين ارجعلك عافني وطلع بقيت وحدي كعدت اتذكر ايامنه اني وعادل وابجي اتذكرت موقف خلاني افقد................ يتبع ❤️
هلو كيكاتي شلونكم طبعاً هواي اسفه على التأخير بس صادفت ١٠ محرم وتعرفون بهذي الشهرين الواحد يدور خدمه الامام وبعدها اتمرضت افلاونزا بعز الصيف شلون صايره ما ادري 🤭 المهم هذا البارت ان شاء الله يعجبكم واكيد الف رحمه على روح عادل ورح انزل الكم صوره لقبر عادي الصوره حقيقيه احبكم هواي ولتنسون اريد تفاعلكم حتى انزل التكمله بأقرب وقت ❤️
كتبت القصه بقلم ( ايه محمد )
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
