*********************************
ياكلبي اصبر .ولك شصبر
جسر والناس عبرتني بس انه حرام اعبر
ادري احجي حجي المجروح بس حجايتي تعور
*********************************
تذكره من البارت القديم
سما : جنت ارتب ملابسي واندكت الباب فتحتها شفت
*************************************
شفت عادل دخل باوعلي وضحك
عادل : ها عيني شنو كاعد اتسوين بس لا لميتي غراضج ورح تشردين
سمااا : اي رح اشرد لتركيا واعوفكم
عادل : شنو ولج صايره متستحين عابت دكولي اروح لامريكا اروح لكوريا الا تركيا
سما : لا هاهيه بطلت 🤣
عادل : شوف هاي صدكت روحها كومي لا اطيح حظج كومي صبي غده اريد اروح ويه اصدقائي بر انصيد ويه فارس ومحمد ورسول
سما : اخذوني وياكم حبابين
عادل : ولج شنو اخذوني هذوله كله ولد شعندج جايه بنت الحلوه انجبي وكومي صبي غده انتي والطماطه الفوك راسج
سما : ههههه انت اتغار مني ومن جمالي وهاي التسريحه الماعاجبتك اني ساعه واكفه كدام المرايه اسويها وبالاخير خربتها وكعدت شسويلها متقبل اتصير عدله 🙄
عادل : امشي امشي اغار من جمالج شايفتني احط حمره لو اسوي مثل تسريحتج الي جنها عش عصفور
نجي للواقع
سما : اتذكرت كل سوالفه وشقانه وعركاتنه وحنيته عليه وميقبل بشر يحاجيني هواي جان قريب مني عمت عيني عليك ياخويه كسرت ضهري بفركاك مسحت دموعي وكمت خلي اروح اشوف هذي المسكينه شصار بيها اوف يا رغده انتي هم ضيم ثاني
دكيت الباب ودخلت شفتها بالكاع وتبجي وجهه كله اثر ضرب شعرهة ملخته امي وهيه قهرتني صافنه وتشهك مثل الطفل رحت يمها حضنتها لتبجين يروحي
اني اسفه بس امي من عادل للان هيه هيج اتغيرت الا والله هيه قلبها طيب وحنينه بس حالتها النفسيه تعبت من بعد فقد ابنها وانتي تدرين الام صعب تتقبل فكره انو ابنها مات يله يروحي مسحي دموعج وغسلي وخلي نطلع انضف البيت هسه يحجون علينه
رغده : كمت غسلت وجهي ولبست حجابي وطلعت وياها رحنه للديوان انظفه اني كعدت امسح الاثاث وهيه تكنس اني ودا امسح ما احس الا انسحبت من ايدي وكعت المزهريه على رجلي وتعورت حيل
التفتت باوعته جبل دارني عليه وضربني راشدي من القوه مالته حسيت وجهي ورم
جبل : جنت نايم اجتني امي تبجي كالت انو رغده رافعه صوتها عليها ومراددتها اني اتخبلت وانوب اشوف امي تبجي طلعت ادور عليها بعد ما اشوف شي من ورى العصبيه لكيتهة بالديوان دتنضف سحبتها وضربتها وربي بنفس الدقيقه اتندمت لأن ضربتهة من شفت عيونها
رغده : ضربني وصاح بصوت جلجل البيت لج حيوانه انتي شمسويه لامي انتي جايه هنا فصليه وخدامه النه ما مسموحلج ترفعين صوتج او اتناقشين احد هنا افتهمتيييي
اني مو خدامه هنا وفصلي انت فصلته وخليتني اكون فصليه لحضرتكم وحضرتك عمرك متكون رجال لأنو بمره رضوك ما احس غير سحلني من شعري للغرفه وجاب صونده وصار يضربني بكل قوته واني ارفس جوه ايده حسيت روحي رح تطلع وصرت ابجي على حالي واني اسمع سما ادك بالباب وتتوسل بي يعوفني
