*************************
حين يأخذني الحنين الى الوراء
لا اعلم هل ابتسم لأن الذكريات جميله
ام ابكي لأن الماضي لن يعود
**************************
سما : باوعت على البنيه زغيره تجي بعمري وكلش حلوه عيونها اخضر على زراق يجنن وبيضه وخشمها زغير وحلكها مليان وردي والبرائه بعيونها اتقربت عليها وسئلتها شنو اسمج .
رغده : اسمي رغده
سما : واوو اسمج حلو مثلج يروحي
رغده : تسلمين حبيبتي وانتي هم كلش حلوه
اجتي وحده يجي عمرها بال ٢٥ سنه اتباوع عليه بحقد كالت
حنين : انتي هيوو كولي نضفي البيت وسوي جاي عمي يريد جاي والله والج عين هم فصليه وهم اخوج قاتل وكاعده اتسولف كومي ولي يله
انقهرت حيل وحيل صعبه عليه واحد يتأمر عليه بس سكتت
سما : يله حبيبتي كومي ويايه
رغده : كمت وياها وصلنه المطبخ حضنتني وكلتلي لتزعلين يروحي اني اعرف ما الج ذنب بالصار بس مابيدي شي عليج يعمري واني ما رح اعوفج كوله وياج واساعدج كلتلها بعد قلبي شكراً لأنج طيبه وحبابه وياي
اخذت القوري هيه سوت الشاي واني جنت اغسل بالاستكاين حسيت اكو شخص واكف ورايه التفتت شفته جبل ..
نجي نتعرف على البطل مالتنه ❤️
جبل : اني اسمي جبل عمري ٣٠ سنه شغلي ضابط برتبة نقيب ابويه الشيخ معتمد عليه بهواي اشياء وياخذ شوري بكل زغيره وكبيره احب اختي سما هواي قريبه عليه واحب اخوي الزغير عدولي .. مواصفاتي اني بشرتي حنطيه عيوني عسلي وكبار جسمي معضل وضخم طولي ١٨٥ شعري اسود مو عالي كلش ❤️
جبل : اجه يوم من الايام كال عادل اخوي انو طالع ويه اصدقائه للصيد هو دائماً يروح وياهم وعنده صديقه القريب عليه فارس طلع عادل بعد ما اجه سلم عليه وراح ورى ٥ ساعات اتصلو عليه كالو عادل مات شنو وشلون ما اعرف اني هنا اتخبلت هذا عزيزي
رحت للمستشفى واشوف اخويه ونور عيوني غركان بدمه مقتول والي صدمني اكثر انو الي قتله هو صديقه المقرب فارس هنا اتخبلت ردت بس اشوف فارس حتى اشرب من دمه بلغت جماعتي يخلقو اليه من جوه الكاع كملت اجرائات الدفت ولسه دمي فاير من فارس وحلفت لا انام ولا ارتاح الا الكاه ٣ ايام ادور وما لكيته دزيت دوريه لبيتهم هم ماكو اجونه عمه وخواله يردون يسدون السالفه حجو ويه ابويه وجابو شيخ عشيرتهم وانحلت السالفه طلبنه فصليه و٢٠ مليون اني الي ردت فصليه اريد احرك قلب اخوها مثل ما هو حرك كلبي على اخويه اتفقنه ورى يومين يجيبوها واني الي اعقد عليه ورى يومين اجه عمه والبنيه اني ما شفتها جانت كله منزله راسلها واني بس اريد اشرب من دمها ما باوعت بخلقتها عقد السيد وخلص وطلعو اجيت اتقربت يمها كتلها كومي يم البنات رفعت راسها باوعتني اوووف ريتها ما رفعته شنو من جمال عليها وبرائه صفنت بجمالها خطفت قلبي من اول نضره بنيه مثل الملاك هيه ضلت صافنه بوجهي رجعت لعقلي كلت لا جبل انت اتريد تنتقم من اخوها لتحبها انسه هل شي كتلها رح اضلين صافنه بوجهي كامت تمشي ورايه واني قلبي متلهف عليها احسها اتريد تحتمي بيه صحت لسما كتلها تاخذها تشتغل وتنضف والله قلبي مينطيني بس هذا اخويه مو قليل ومن اجتي بت عمي حنين الحقيره تحجي عليها وتتأمر ردت ادفنها بمكانها كامت راحت للمطبخ اخذت قلبي وياها اتحججت انو اروح للمطبخ علساس انو عطشان وكفت يم الثلاجه اشرب مي وعيوني ما شلتها عنها من تندار عليه اباوعلها بحقد ومن ادير وجها اوووف منين طلعتيلي يارغده منين فزيت من صفنتي على صوت سما .
