تركيني أمل داتأذيني.
حجيت بهمس وهي وراي تكرص بجلدي حيل؛ رماح شاف ملامحي تتألم واعض على شفتي بألم
عقد حواجبه باستغراب ووكف يتقرب مني رجعت حجيت بهمس وياها لان هي وراي وهوس كرايبهم
ونسوانهم مغطين جسمها كتلها رماح جاي يتقرب مني شالت يدها مني تنفست الصعداء حسيت للحظة راح تشلع لحمي؛ رماح انتهت خطواته يم اخته شايله بتها سوا نفسه يشاقيها ويحجي وياي.
رماح: شبيج بويه إذا تعبانة فوتي نامي.
جاوبته واني ابتسم طبيعي واشاقي بنت مها وكرص بخدودها.
ترف: مابيه شيء مو تعبانة.
هز راسه وراح شوي بقوا محتفلين وطلعوا الزلم والنسوان كرايبهم هم فرغ البيت بخمسة العصر
ديار أخذتها أمل لغرفتها ترتاح واحنا تكربس البيت برؤؤسنا غسل والجهال تأكل جكليت وتشمر بالكاع
عمتي كالت نرتب لان خطارنا مايوكف لشهر وصدك كلنا وكفنا نظف صارت ب8 بليل يلا خلصنا
البنات صعدنا يرتاحن بغرفة نهده ولمى واني وحلا
سوينا العشاء و أمل فهي عروس وياه أختها مانزلت ولا حطت ايدها بالشغل كملنا العشاء هما راحو يتعشون بالاستقبال واني كعدت بالمطبخ اكل بوحدي حتى ديار نزلت من غرفتها تكول مليت كاعده بوحدي ورماح هم ملتهي بالخطار بالمضيف ماشفنا دخل البيت أبد؛ اسمع سوالف وضحكهم
واني بالمطبخ دخل رماح باوعلي وحجه.
رماح: ها بويه ليش كاعده وحدج.
مدنكه راسي على الاكل وحجيت وياه بملل.
ترف: مابيه بس ماريد اشوف جهرت ديار وأمل تنسد نفسي.
تقرب يكعد يمي ويفرك بسبحة بيده ويباوعلي
رفعت عيني بعينه حجه هوا.
رماح: احجي بويه شنو يوجعج.
ترف: رجعني لامي تنحل كل اموري.
من حجيت هيج ضرب بيده على الطاولة اهتزت المواعين واني جفلت من الصوت رفعت عيني الا خزرني بغضب وحجه.
رماح: كملي عشاج ودخلي انطمري حسج ماريد اسمعه ولا تكربين من ديار. وأمل لا تخليني اطلع بيجن التوبة.
من كمل حجي طلع من المطبخ باوعتله لظهره وهزيت يدي بالله هذا شنو تحجي وياه فوكها يدافع لمرته عفت الاكل غسلت ورحت لغرفة الحجية أخذت فراشي ورجعت لمخزن نزعت الصاية والحجاب اخذت ملابس نظيفة ورحت سبحت متت من الصبح طلعت من الحمام لكيت البنات بالمطبخ عفتهن ودخلت لمخزن وكعدت ساعة انتظر شعري ينشف من أيست منه عفته مبلل ونمت غفيت بسرعة من التعب مادري شنو صار بعد ماحسيت على نفسي من درت على جهة ثانية حسيت احد نايم يمي وحاضني حيل
فتحت عيني منعسه لكيت رماح ياا نصدمت هذا شلون عايف مرته وجاي يمي اباوعله نايم وملامحه مرتخية حجيت بصوت همس ويدي تمسح على كصته.
ترف: رماح شسوي نايم يمي.
حجه بهمهم هوا غافي رجعت مررت اصبعي على طول وجهه وحجيت.
أنت تقرأ
إتهام ترف
Romanceضائعة بين الخوف والغربة أحساس لا يوصف بكلمات عميقة لأنه اعمق بكثير لذلك نلتزم الصمت وذرف الدموع وحده هو يكفي عن الكلام.. قصتنا اليوم مختلفة ورسالة إلى كل طالبة وإلى كل فتاة تجد نفسها في دوامة لا تعرف كيف تتخلص منها ضعوا سماعاتكم وقموا بتشغيل موسيق...
