إتهام ترف

الفصل الثالث.

يووم هديني اخذ حيفي منها جايه بكل عين صلفه وتاهمه رجلي بلاويها.

الحجية لزمتها عني وهي تريد تهد عليه أني واكف يم باب الغرفة اباوع على حالتها وشلون
تبجي والوجه أحمر وتريد توصلي بس ماتكدر
أمل والمره الثانية كامن هدن عليه بدالها أمل لزمتني من شعري وكعتني بالكاع طخت ركبتي بالسيراميك صرخت من الوجع الحجية صاحت بيها بس ماعافتني تركت البنية واجت
سحبتني من ايد أمل وخلتني وراها وصارن تلاثتهن عليه يردن يكتلني الحجية ماتكدرلهن قويات وضخامات سحلتني أمل من وره الحجية وضربتني على ظهري واختها خرمشت وجهي وايدي باظافيرها صارت ايدي تجري دم
واصرخ بين ايدهن والحجية تحجي وياهن تريد تكفني منهن ماتكدر مددني بالكاع ويضربن بيه سمعت صوت نهلة تصرخ وتكوللهن..

عوفهن لا اخابر على رماح ويجي يشوف شغله وياجن..

بس ماكو ولا يهتمن نهلة خطية حامل ماتكدر تتلاوه وياهن اني كد ضرب صرت ماحس بشيء رجعت فقدت بين ايدهن مافقدت الوعي بس انتهت بعد مابيه اصرخ ولا احمي نفسي ماحسيت إلا على صوت رماح وهوا يصيح..

ديارررر كلبه شيلي ايدج عنها.

هنا من سمعن صوته ابتعدن عني هو تقرب من
ديار ولزمها من شعرها وتولاها راشديات وغلط
عليها وعلى ابوها وهي تبجي بصوت مسموع
امها واختها أبد مادخلن ولا دافعن عنها حتى الحجيه مادخلت بيهم هوا مستمر يكتل بيها لمن طاحت جوا رجليه رجع لامها..

أنتِ جايبتها من الصبح لمشاكل تردين طلاك بتج يصير على ايدج..

هي ماردت رجع باوع لأمل والغضب يطاير من عيونه وصرخ بيها.

يجي رجلج ويتصرف وياج أنتِ
اكول حرمت اخوي ماكدر امد يدي بس إذا مايردج يصير غير حجي..

واجه تقرب مني اني خفت كلت راح يجي يكمل عليه تراجعت لوره وجهي ينزف ويدي هوا يتقرب واني ازحف لوره..

بويه اوكفي بمكانج ماسويلج شيء..

ترف: لا تضربني والله ماسويت شيء..

كمت وكفت أريد انهزم لغرفة لزمني من خصري وحجه..

لا تخافين بويه تنكسر يده يمدها عليج..

شالني بيد وحده كدامهن ويمشي لدرج عاف ديار تبجي بحضن امها وصعد الدرج شايلني
فتح الباب الغرفة ودخل خلني على التخت ويباوع بوجهي عصبي وعاقد حواجبو..

بويه شمسويات بيج..

يحجي ولازم وجهي يتفحص بي كام مني دخل من الباب الثاني داخل غرفته شوي وطلع جايب كطن ومعقم جروح كعد كبالي يطلع كطن وخلي بي مقعم وقربه من وجهي صحت

ااخخ يحركني عمو والله... وبجيت ودموع من تنزل على جروح تحركني أكثر شافني هيج كال بويه كومي اغسلج مي دافي راد يشيلني..