" بـقـلـم أسـراء "
ضائعة بين الخوف والغرابة أحساس لا يوصف بكلمات عميقة لأنه اعمق بكثير لذلك نلتزم الصمت وذرف الدموع وحده هو يكفي عن الكلام..
____________
قصتنا اليوم مختلفة ورسالة إلى كل طالبة
وإلى كل فتاة تجد نفسها في دوامة لا تعرف
كيف تتخلص منها ضعوا سماعاتكم وقموا بتشغيل موسيقى هادئة وأقروا معي كلمات القصة التي سوف تضحككم وتبكيكم سوف تتعاطفون مع البطلة وتارة تلومها عن مافعلت من خطأ فادح جعلها في ورطة أدت بها إلى قاع الحجيم..
(نبدأ)
ترف ولج ترف اوكفي عزا بعينج كون.
التفت على صوت جيهان بالساحة مال المدرسة
جان الصف مالتي عنده شاغل لان مدرسة الكيمياء مجازه عندها ولادة اقصد عندها ظروف رحت اقترب منها اشوف شبيها تصيح هاي ام كرش جيهان سمينة وطويلة مرات بنص الطريق توكف بعد مابيها حيل تمشي
و أني والبنات نبقى نضحك عليها
وصلت يمها لازمه كتابي جنت أرجع اسلامية عنده استماع سورة ومالحكت احفظها كلت احفظها هسه.
ها شبيج راح تموتين.
ولج تعالي خرب يومج أم الكيمياء اجت لصف وتكول منو كالجن أني مجازه وبقت تحجي علينا.
ياا صدك.
كلت هيج وركضت وياها لصف هسه شخلصني منها تبقى بس ترزل وتلعب نفسي
دخلنا لقاعة بيها الصفوف خاصة بالمرحلة الخامس علمي شعبتي جانت الباء دكينا الباب أنا وجيهان وفتن لكيتها واكفه تكتب على الصبورة معادلات وعناصر ومليوصه علينا.
باوعتلي تنزل نظاراتها يكول جعب مال استكاين مو نظارة نظارة ابو فهد وحجت.
وين جنتي ترف.
جاوبتها حاضنه كتابي على صدري.
ست مادري كالوا شاغل وطلعت لساحة.
جيهان رجعت كعدت برحلتها أني هم رحت كعدت برحلتي بعد ماسمحلتي المدرسة الحمدلله بدون رزاله واستلمتنا شرح كيمياء لمدة 45 دقيقة احس راسي نسطر فرد سطرة يربي أني والعلمي وين اني أدبي زين أحفظه كل من وره أمي دخلي علمي بي مستقبل ورطتني بهل معادلات والعناصر ورياضيات الشيب الرأس
دك الجرس بعد ماطلعت روحي من ام الكيمياء انطتنا واجب لأسبوع الجاي
جان هذا درس الأخير لميت كتبي وسديت جنطتي باللون الأسود ولبست حجابي وعبايتي أللبس عباية لان احنا مو بالمركز عايشين بالمناطق الريفية بمدينة الديوانية
يلا فضيها تأخرنا كلها طلعت.
حجت جيهان الدب واكفه بباب الصف منتظرتني اطلع خليت جنطة على كتفي وطلعت فعلاً لكين الطالبات كلهم طالعين بس
بنات قليلات منهن منتظرات ابو الخط ومنهن منتظرات عوائلهم يجون يأخذوهن.
اني وجيهان بنفس الشارع ف نروح سوه ونرجع سوه من جنا بالابتدائية احنا صديقات
عبرنا الشارع لجهة الثانية ودخلنا الفراع مالتنا
لكيت ابوي واكف بالباب وي رجال جيرانه ودعت جيهان وفتت بسرعة دخلت المطبخ
جان بالمقدمة مال البيت لكيت أمي واكفة
تخوط بالكدر مشيت عكيفي وصحت
أنت تقرأ
إتهام ترف
Romanceضائعة بين الخوف والغربة أحساس لا يوصف بكلمات عميقة لأنه اعمق بكثير لذلك نلتزم الصمت وذرف الدموع وحده هو يكفي عن الكلام.. قصتنا اليوم مختلفة ورسالة إلى كل طالبة وإلى كل فتاة تجد نفسها في دوامة لا تعرف كيف تتخلص منها ضعوا سماعاتكم وقموا بتشغيل موسيق...
