إتهام ترف

الفصل السادس

كل عام وأنتم بخير يارب عيد مبارك عليكم
وأن شاء الله كلكم على جبل عرفات.

ملاحظة: صايمة وكتبت البارت ادعولي.

_____________________

بقيت بمكاني واكفه اباوع لظهره هوا يصعد الدرج وره ثواني صحيت على نفسي واخذت زنوبه لغرفة امها فتحت نهلة الغطه التخت مالتها خليتها بستها وطلعت نزعت الحذاء موتتني فتحت الشال هم شعري ضايقني رغم الدنيا شتا بس شعري يضايقني بالحجاب لان طويل وثخين
لزمه الكعب بيدي والحجاب على ركبتي ومشيت لغرفته فتحت الباب لكيت ديخابر ويحجي ويا واحد رفع عينه عليه ويحجي بالتليفون أشر بيده الي تقربت منه شوي خليت بينه مسافة زغيره بس مد يده وسحبني إلا وكعدني على رجله انتظرت يخلص مكالمته اباوع على اظافيري بقى دقائق يحجي بالتليفون بعدين سده باوعتله
حجه هوا يرفع يده على شعري.

رماح: شلونج؛ عمليتج زينة.

رديت عليه ببرود لان صراحة بعدني ضايجة من تصرفاته وياي.

ترف: زينة الحمدلله

رماح: شبيج

ترف: خابرت امي شوكت تجي تأخذني.

من حجيت هيج تعصب خزرني واني بعدني كاعده على رجليه خفت يضربني كمت وكفت كباله هوا عاقد حواجبه حجه.

رماح: سالفة رجعه لاهلج انسيها.

دمعت عيوني هوا ليش مو راضي يفهمني اني ماريد ابقى هنا اريد امي هوا ليش متمسك بيه مو مزوج شنو يريده مني بعد ماحجيت شيء ولا جاوبته التفتت أريد اطلع من الغرفة وانزل لجوه حجه وراي.

رماح: جهزي نفسج باجر نروح لمحكمة صبح حتى نقعد.

عقد محكمة يعني مستحيل ارجع لأمي وابقى مربوطة بهل زواجة خليت وطلعت رحت لمخزن كعدت على فراشي أفكر شنو اسوي حتى ارجع لأمي انهزم منه لا يكتلوني اخواني
بقيت صافنه وافكر بس ماطلع وياي شيء أني جبانه ماكدر انهزم ولا اكدر اوصل بوحدي للبيت اهلي كمت غيرت ملابسي نص ساعة وسمعت صوت الحجية وحلا يمكن رجعوا
انتظرت يرحون حتى اطلع اغسل وجهي من مكياج حسيت صار جو هدوء طلعت للحمام
نظفت وجهي مسحت الكحل ورحت لمطبخ شربت مي ورجعت لمخزن بقيت اتكلب بفرشي لصبح مانمت ماعرف نوم طار من عيني غفيت وجه الصبح فزيت على صوت الحجية وهي تكعد بيه وتحجي وياي.

كعدي يمه رجلج ينتظرج يلا استعجلي.

كعدت بمكاني وحجت بصوت ناعس.

ترف: ماريد اروح خبري.

رجعت حجت الحجية هي واكفه يم فراشي.

شنو ماتريدين تروحين يمه كومي واستهدي بالرحمن.

ترف: كتلج ماريد اروح كولي إلا ماترضى تروح.

حجت بصوت ناصي هاي مرة.