أهَيمْ الكاسِر

بدايَه

قد يَهوى فؤادكَ شخصًا وتهيم بهِ عشقًا رغم ما بكما من عيوب ، لكن! عِندما تَذكر ماهيتك وهدفك الاساسي للاطاحة بهِ لكسر غرورهِ يعتري اضلُعكَ الألم ، مالذي سوف يحصل لبطلنا كاسِر الهائم بـ  أهْيَم  إن خيروه بين قلبه و"الطائفه المُنتمي لها" 
...........................................................
مشهد 1:
كاسِر:هاي آني هيچ حلو وصافنه بوجهي؟نيال اميي
عكرت ملامح وجها وبان عليها الانزعاج وردفت بسخريه وهيَ مثبته عيونها بكواكب محاجره التي تشع باللون القاتم الاسود الشبيه بما اخفاه
اهيَمْ :انتَ ليش متبطل تمسلت؟لاومصدگ روحه الاچلح، عُقاب وينك فك اديه ومااريد اشوف خلقته
........................................................
مشهد2:

عَليّ:لااا أهْيَم  لتموتين لتعوفيني محروگ بناري لتموتين يعيون علي اتحملي يحيلي
چان علي يصرخ ويحچي بهستيريه وعيونه دموعها تجري، من شافته بهالحاله ردت عليه بصوت يكاد يُسمع وبانت البحه بصوتها: عليي عينك على ثأر الله
ما ان اتمت جملتها انسدلت ستائر محاجر اعينها ،فهل ياتُرى ستكون على قيد الحياة ام سترحل وتغادر روحها جسدها لترقد روحها عِند ربها لتنعم برحمتهِ من ظُلم عبادهُ المُدعين الدين ولتكون شهيدة من أجل عقيدتها وحُب زوج البتول وابن عم الرسول؟
.......................................................
مشهد3:

چانت ضحكاتها وضحكات الملاك المستوطن احضانها ماليه الحديقه ، سمعت صوت خطوات اقدام وما ان دارت وجها لجانبها وشافته يمشي بأتجاهم ولا اراديًا توسعت ابتسامتها وصارت تنده بأسمه:  حُر حُر
ما ان وصل الهم قبل جبينها و ردف ببسمه خفيفه نتيجه لمنظرهم : عيونه وگلبه لحُر
غيم:شوفها قبل شوي چانت د تردد بأسمك ودگول أليد ابا حُل 
اتوسعت ابتسامة وتأمل فرحة غيم بنطق بنتها لاسم والدها ، رد عليها حُر وهو يگرص بخدودها: طفله ودتربي طفله،احبچن فصعوناتي
..................................................مشهد4:
چانت دتتأمل اخوها وسمعته وهي ديحچي بالجهاز وما تفاجئت بكلامه لكونها تعرف وعلى حق المعرفه ماهية شغلهم لكن آخر كلماته فاجئتها!
:ترا دتهلك بروحك انتَ تحبها وباين هالشي من عيونك فـ لا تخسرها ولا تخذلها من بعد هالمعاناة المريتوا بيها
ردف بنبرهَ بان عليها التعب:بس هي شيعيه تعرفين شنو يعني شيعيه!اضافه لمكانتها وشغلها الخطر علينه، حتى لو چان هالكلب ابن الكلب يحبها ما راح امشي ورى
اشار بنهاية كلامه للجهة اليسرى من صدره
تقربت منه اخته واحاطة وجهَ بأديها وردفت بحنيه : خويه لتحطم نفسك وتحطمها آني بنيه واعرف شنو حيكون شعورها من راح تنخذل من الشخص الوحيد السلمته گلبها، واذا على المذهب وكونها شيعيه واذا كانت تنتمي لشيعة علي قابل هي يهوديه شو كلنا من ملة محمد دينا واحد وربنا واحد فـ يا عمري انتَ اترك هالسالفه وابدي بداية جديده وياها وعيشوا بسلام بعيدًا عن الطائفية وسوالف الجهل
................................................
.
.
.
.
.
.
.
.
.
.
.
بدايه جديده وروايه جديده اول مره اكتب روايه واتمنى اتوفق بسرد الاحداث واوصل فكرة الشخصيات 🤎،انوه على نقطه مركزيه ومهمه وهي انُ اغلبية الكوبلات من وحي خيالي لكن احداث القصه حقيقيه ، حبايب گلبي ألكم مُطلق الحريه بالانتقاد وهذا الشي ميزعجني بالعكس آخذ بكلامكم واصحح اخطائي وبالنهايه اتمنى تدعمون القصه والسلام خِتام🩷.