باچَر مِن تَرد ماتَلگه شَي مَوجَود
تَلگه الوَرد ذابَل والأَرضَ صَحره
تلگاني مَدينه مسَدده البيَبان
بَيها الگمَر مَيت والشَمس حَمره .
.
.
.
.
.
.
.
.
.
.
.
.
.
.
جَسد مُلقى وسط الضلام تعرُق من كل أنش فيه هلوسات واصوات مُتردده في رأسها ايادي تُمسك في جسدها وتُمزق ثيابُها تُنازع للتخلص من اياديهم القَذره التي تريد ان تلوث طُهر جسدها
ضُحى: لااااا عوفني عوفنييييي ياعلي ادركني ياعلي
چانت تحاول تخلص نفسها من هم وتتحرك بعشوائيه وجسدها يتقلب على الفراش دقائق عُجاف واستيقظت من هذا الحُلم "الكابوس" فتحت عيونها الذارفه للدموع وصوت شهگاتها يتردد بصدى الغرفه وجسدها يرجف وايديناتها تشد على الغطاء نزلت انظارها لجسدها وشافت
ثيابها الچانت عباره عن رداء عسكري يمتد لركباتها ناظرت الغرفه الچانت عباره عن غرفه صغيره بيها سرير ويتوسط الغرفه مكتب
سمعت صوت فتح الباب وادارت انظارها للباب الچان داخل الغرفه الماانتبهتله بالبدايه ناظرت ذات الرجُل الانقذها من الد1عشي
طلع جياد من الحمام وهو لابس تيشيرت عسكري نص ردان وبجامه تشارك التيشيرت بالشكل وحامل بايده منشفه صغيره ينشف بيها شعره رفع انظاره وشاف ضُحى تتأمله بنظرات خوف ولاحظ شلون دتعصر الغطاء بأيدها
ابتسم واتقدم منها
جياد:واخيرًا گعدتي صارلچ يومين صالبتني بالمقر ومعطل الواجب لان حضرة الاميره ضُحى نايمه
چان جياد يحچي وباين الانزعاج على ملامحه بسبب انُ هـ اليومين مگدر يطلع للواجب لان مچان يگدر يتركها وحدها او يأمن عليها بالنهايه هو مضامن سلامتها بوسط مقر مليان زلم هو يعرفهم كلش زين ويعرف اخلاقهم بس الشيطان موجود ومچان مرتاح لبقائها بالمقر
اعتبر جياد تصرفه وي ضُحى واجب انساني وشفقه لا اكثر
ضُحى:آني وين؟
جياد: بالمقر
تأملها جياد وشاف آثار الدموع على وجناتها واحمرار اجفانها وعرف بيها چانت تبچي ما اعار الامر اي اهميه
جياد:بعد شوي تجي طياره الدعم اللوجستي راح تروحين وياهم وهمَ يوصلونچ لكربلاء
ضُحى:مـ..ما اريد ار..روح
عقد جياد سيفاهُ "حاجباه" بتسائل ردف
جياد:چا شنهي خاله ناويه تبقين بالمقر؟!
رفعت انظارها وردت عليه بنبره بان عليها الحُزن والغصه
ضُحى: ماعندي احد اروحله عائلتي انقتلت گدامي وين اروح
جياد:عمامچ خوالچ
ضُحى:ابويه وحيد اهله وامي ماعندها غير بس اخو واحد وعايش بـ أيران
ناظرها جياد بحيره وردف
جياد:شلون ورطه هاي ، هسه خليني اجيبلچ اكل بالاول وبعدين نفكر بحل لهاي المشكله
ضُحى: مـ..مااريد
سمع اصوات بطنها دلاله على جوعها،احمرت وجناتها وخجلت من هذا الموقف بس بالنهايه هي صارلها يومين نايمه ومماكله شي ومن وقت الاسروها هي وعائلتها مچانوا ينطوهم غير خبز يابس وماء
أنت تقرأ
أهَيمْ الكاسِر
Mystery / Thrillerقد يَهوى فؤادكَ شخصًا وتهيم بهِ عشقًا رغم ما بكما من عيوب ، لكن! عِندما تَذكر ماهيتك وهدفك الاساسي للاطاحة بهِ لكسر غرورهِ يعتري اضلُعكَ الألم ، مالذي سوف يحصل لبطلنا كاسِر الهائم بـ أهْيَم إن خيروه بين قلبه و"الطائفه المُنتمي لها"
