#حبك_نقش_بالروح💕💕
الحلقة#3
الاء على طول صكرت من خالتها وكلمت أحمد ..التليفون ايرن لكن مافيش رد ..ثاني مكالمة أحمد فصل عليها المكالمة 😣😣بعدها الاء اتكلم اخرى نقاله مقفل 😱💔💔
الاء اندمت على الساعة اللي فكرت اتبصر امعاه وتكذب عليه وكرهت روحها لانها حطت نفسها في موقف نفس هذا
بس هذا كله ساهل لانه الاء مازلت ماتعرفش شن يبي ايصير فيها من واراء الكذبة هذه😣💔💔
الاء ضاقت في وجهها الدنيا ..شن اللي خلاها تكذب عليه..وهي عارفة أحمد يكره الكذب موت...طول اليوم وهي في كل فرصة اترن عليه لكن نقاله مقفل 💔
الليل كان طويل على الاء ..وكمل كله ابكاء ....الصبح الاء طلعت بدري للمدرسة وفي كل خطوة تدعي أحمد ايسامحها ..طبعا الاء زعلانة وحطت اللوم على ملاك وصاحباتها ..بس بينها وبين نفسها هي عارفة ان اللوم عليها هي لانه تعرف أحمد أكثر من اي واحد أخر
الاء غمت على ملاك وما خطمتش عليها ..وصلت للمدرسة وكانت ادور في أحمد ..بس مش باين في اي مكان ..جتها ملاك وتعاركت امعها💔💔
بدات الحصة الاولى والاء مازال عندها امل ان أحمد ايجي ..لكن مرن الحصص وعدا اليوم وأحمد ماجاش..الاء امقمعزة وتبكي في درجها ..جتها ملاك
ملاك : والله ماقصدي انسبب مشكلة بينكم😔
الاء : كله مني أنا عارفة أحمد وعارفة طبعه ..مش عارفة شن خلاني اندير هك😭
ملاك قربت منها وضمتها😥😥
ملاك : خلاص والله ماتبكي ..أحمد ايحبك ويموت فيك..أكيد توا يفهم انها ابصارة ..بكرا لما ايجي نمشيله ونحكيله على كل شي ..اسكتي خلاص😥
ملاك : 😭😭
روحت الاء للحوش وكان عندها أمل ان احمد يتصل بيها والا على الاقل يفتح نقاله..لكن أحمد نقاله مقفل والاء الحزن ملاء قلبها وماقدرتش تعرف عليه شي💔
ثاني يوم الاء ادور في أحمد لكن أحمد ماجاش للمدرسة ..وهي مشت سألت عليه صاحبه لكن صاحبه قاللها مايعرفش عليه شي..والاء سمعت انه ممكن انتقل من المدرسة 💔💔
الاء حالتها النفسية تعبانة ولاعاد تقرأ ولاتاكل ولاترقد كيف الناس وطول الوقت دمعتها على خدها 😭
مر اسبوع وأحمد غايب ...وجاء الاسبوع لاخر والاء جت للمدرسة بالغصب حست روحها منكسرة ومهمومة...لكن اول ماخشت للفصل لاقت أحمد قاعد ..حست الروح ردتلها ..مش امصدقة اعيونها ان أحمد قاعد قدام اعيونها
بدأت الحصة والاء اعيونها عليه ..لكن أحمد مابحتش فيها بلكل..بس بالنسبة لها مجرد انه جاء واطمنت عليه كان خير من انه يبعد ومعاش اتشوفه
بعد انتهيت الحصة الثالثة الاء كانت تبي تحكي امعاه لكن هو طلع على طول وماخلالهاش فرصة 💔😭
أحمد حضر الحصتين الاخيرات وطلع على طول ..كان قصد ان مايعطيش الاء فرصة تحكي امعاه
ثاني يوم الاء قررت انها تحكي امعاه باي طريقة ..لازم يسمعها ..بعد الحصة الثالثة الاء صبت على طول وجاته وأحمد كان يحكي مع صاحبه
الاء : أحمد نبيك خمسة😥
أحمد بحت فيها ببرود : مافيش بينا كلام
الاء تبكي وصاحبه طلع وسيبهم والطلبة اطلعوا كلهم..أحمد صبا ويبي يطلع لكن الاء امسكت ايده
الاء : أحمد استنى ..اسمعني نحكيلك ..والله ماقصدي😭
