#حبك_نقش_بالروح💕💕
الحلقة#6
أحمد الخبر نزل عليه كيف الصاعقة... امصبي ومصدوم ..يعني الاء مش متزوجة ..معناها فرح من اللي شافه ..واذكر أحمد أسماء..وعرف ان الفرح اللي شافه كان فرح اسماء..يعني السنين هذه كلها وهو يحساب الاء ازوجت وهي قاعدة في حوش هلها
💔💔💔💔💔💔
غمض أحمد اعيونه وحط ايديه في شعره وعدا وهو حاس بغصة كبيرة في قلبه وبالالم مايقدرش حد يوصفه ..ااااااه ياقلبي ااااه💔💔
💔💔💔💔💔💔
أحمد ماقدرش ايشوف الاء لعند الصبح ..الاء على اساس عندها صداع ما نزلتش من فوق ...وهو كان قاعد على نار كان يبي يحكي امعاها ..يبي يحكيلها شن صار أمعاه ..ويفهم منها ليش ماكلماته...وحكتله علي صار أمعاها
احمد حايس ومتوتر ..يبي ايشوفها باي طريقة ...لكن الاء قصدت انه ما ايشوفهاش 💔💔
في العشية كلهم عدوا للبحر الا الاء قاعدة راقدة فوق ..واحمد مشى دورها ولما ما لاقاهاش عرف أنها فوق..انسحب من غير ما ايشوف اي حد وعدا للفيلا ..أحمد رقى فوق وخش على الاء اللي انصدمت اول ما شافاته ..كانت راقدة وقمعزت في سريرها
الاء : شن تبي
أحمد قرب منها : نبي ندوي امعاك ..ليش حابسة روحك هنا
الاء برمت وجهها : مافيش كلام بينا😒
أحمد قرب منها وقعد على ركبيه جنب السرير ومسك ايدها
أحمد : ليش ما كلمتيني ليش
الاء اتبحت فيه ومش فاهمة
أحمد : كنت نحسابك تزوجتي ..ليش ماقلتيلي ..ليش خليتني بعيد عنك ليش يا الاء
الاء : أنتهى وقت الكلام هذا ..شن تبي تستفيد منه توا
أحمد مسك وجهها بين ايديه : كنك متغيرة ..مش أنتي الاء اللي حبيتها وين كلامك ليا وين اللمعة اللي في عيونك لما اتشوفيني ..وين حبيبي الاء
الاء صبت وتبي تطلع واحمد صبا وراها ومسك ايدها
أحمد : وين ماشية مازال ما كملت كلامي
الاء : مافيش كلام يا أحمد خلاص ..كل شي أنتهى
أحمد عصب منها ومن رفضها مسكها من اكتوفها ايهز فيها : شن صارلك وين حبك ليا ليش اتعاملي فيا هك
الاء ماتبيش تضعف قدامه : حبك انسيته من زمان ..وحبيت أخرى
أحمد الكلمة عصباته أكثر دفها على الساس : كذابة ماتقدريش اتحبي غيري
الاء : ليش تحساب الدنيا اموقفة عليك ..تمشي واتجي وقت ما اتبي والناس تستنى فيك
أحمد عض على فمه وقرب منها ومسك وجهها بيده
أحمد : انتي اتحبيني غصبا عنك 😡
الاء خافت منه لكن حاولت اتماسك احذاه : صاح كنت انحبك لكن توا خلاص ..انحب غيرك
أحمد رفع يده كأنه يبي يضربها ..لكن خبط ايده على الساس جنبها ..وبرم تباعد عنها اشوي وهو حايس ومعصب ..وبعدها رد مسك وجهها عشان اتبحت فيه
