#حبك_نقش_بالروح💕💕
الحلقة#5
بعد فترة أحمد جاء وسحب ملفه من الجامعة وسجل في جامعةاخرى ..عشان مش قادر ايتخيل انه يقرا مع الاء في نفس الجامعة وهي زوجة راجل اخر🔥
مرن اكثر من ثلاث سنوات من غير ما أحمد او الاء ايشوفوا بعضهم 😥😥
انردوا للوقت الحالي بعد ثلاث سنوات
#سنة_2019
الاء اتوتي في دبشها وخشت عليها أمها
سالمة : بسرعة باتك اشوي وايجي
الاء : هيا خلاص واتية
سالمة : عينك من خيتك ...وردي بالك من اعيالها
الاء : بنتك تدلع ههههه
سالمة : هههه لا والله وحمها واعر واعيالها يبو امعانة
الاء : عارفة انبصر امعاك
سالمة : في شكارة في الكوجينة حطيت فيها حاجات اتحبهم أختك اخذيهم امعاك
الاء : حاضر ..إن شالله
خش أب الاء لاقهم ايهدرزن
صالح : خير
سالمة : مرحبا .تغديت والا انحطلك اتغداء
صالح : لا تغديت من بدري...ها يالاء نمشوا
الاء : نمشوا واتية
سالمة تمشي وارهم وتوصي في الاء على اختها اسماء
💙💙💙💙
الاء ماشية مع بوها لاختها أسماء حامل ومريضة تبي تقعد عندها فترة لعند اتحسن حالتها..اتساعدها واترد بالها من اعيالها عندها بنت وولد
وصلوا الاء وبوها بعد ساعتين لحوش اسماء ..لانه بعيد في مدينة ثانية انزلوا واشربوا قهوة وهدرزوا اشوي وبعدها صالح اب الاء طلع وروح
أسماء : شن اخباركم واخبار ماما رايفت عليها
الاء : اخبارنا تمام ...وحتى ماما امرايفة عليك من امس وهي اتوصي فيا عليك
أسماء : نجك ليا يا ماما...ديما منشغلة علينا
الاء : وين محمود ((راجل اسماء))
أسماء : طالع ايجيب في حاجات عشان عشاء بكرا
الاء : شن قصته العشاء
أسماء : جمعية العائلة...كل شهر عند واحد
الاء : شن تبي اديري على العشاء
اسماء : اووووفه ..والله ماني عارفة شن رائك أنتي ..وصيت محمود على حاجات..من السوق
قعدن الاء وأسماء ايتناقشن على العشاء ..وجاء محمود وجاب حاجات ودبش وخضرة من السوق وقعدت الاء تساعد في اسماء عشان العشاء ثاني يوم
💚💚💚💚
ثاني يوم كان العشاء وجن خوات محمود وقعدن البنات ايوتن للعشاء ..ويهدرزن ويبصرن خوات محمود جوهن سمح وحدة منهن اسمها أميرة كانت اتحب الاء وصديقتها
بعد العشاء هل محمود روحوا وقعدت أميرة بس عشان اتساعد الاء في عقاب الحوسة
ثاني يوم محمود خذاهن ايغيرن جو ..عدن للمول والملاهي عشان للعيال ..وبعدها اقعدوا في مطعم ايتعشوا ومحمود جاءته مكالمة وصبا ..غاب محمود كم دقيقة وبعدها جاء
أسماء : من كلمك
محمود : أحميدة
الاء تشرب في ولد أسماء عصير من الشرابة ..ولما سمعت اسم أحميدة ارتبكت والكباية طاحت منها..انحرجت الاء ورفعت الكباية ..مازالت لما تسمع اسمه اتوتر وقلبها ايدق بسرعة
اسماء : اي احميدة !!!
محمود : أخ خواتي 😂😂
الاء اتبحت فيهم مستغربة مش فاهمة..أميرة قربت منها تشرحلها
أميرة : محمود عنده خوات من بوه واحميدة يبقى خوهن من امهن
الاء كشرت مش فاهمة : هذا شنو
أميرة تضحك : مش حتفهمي عائلتنا سلاطة بعيد عنك😂😂
الاء : بالرسمي😂😂
أسماء : شن يبي فيك
محمود : عازمنا
اسماء : على شنو
محمود : مش وقته خلينا انتعشوا ..توا نحكيلك في الحوش
بعد العشاء روحوا للحوش والاء رقدت اعيال اسماء واميرة طيبت قهوة وجابن فاكهة وكسدوا ايهدرزوا في الصالة
أسماء : باهي اللي طلعنا اليوم ..غيرت جوا ..مش متحملة بنتة حوشي
الاء بحتت في أميرة وضحكنا
أسماء : اتهزن عليا يا حقيرات ..خزيه
محمود : خليهن عنك ..ايش رائك نطلعوا انكسدوا كم يوم برا
أسماء : وين !!!!
محمود : مش قتلك كلمني احميدة بدري
أسماء : اها معاش قتلي عليش كلمك
محمود : أحميدة امحصل شاليه كبير على البحر ..وعازم امه والبنات خواتي عليه ..وقالي جيب هلك وتعال كسد امعانا
أسماء : مازال بدري على البحر توا
محمود : الشاليه موقعه سمح قريب من الغابة والبحر في نفس الوقت ..والجو غادي مش عادي
أسماء : شن قتله
محمود : قتله انشوف هلي وانرد عليك..شن رائك
أسماء : تحكي جد..والله
محمود : والله جد ..قال كان تبوا اتجوا نحن طالعين الخميس في الليل وانتوا الحقونا الجمعة
أسماء : ياريت والله ..انخنقت من جو الحوش ..وحتى لعيال ملوا من الحبس ..خليهم يجروا ويلعبوا
محمود : خلاص كان تبن تمشن وتن ارواحكن بعد بكرا نلحقوهم غادي
أسماء : نبوا انتعشوا غادي
محمود : انقولك يبوا يقعدوا كم يوم غادي ..يعني تاخذي دبش لك وللعيال ..وحتى الاء تاخذ دبشها
