#حبك_نقش_بالروح💞💞
الحلقة#1
الاء مواليد 98 بنت دمها خفيف وحانطة مواصفات الاء بيضاء جسمها حلو شعرها ناعم اعيونها لونهم بني نفس لون شعرها ..احلى حاجة فيها خدودها البارزات والغمزات اللي فيهم💓💓
الاء عندها اختين وحدة اكبر منها متزوجة اسمها اسماء و وحدة اصغر منها اسمها أية و اخ واحد اصغر منها اسمه اكرم وامها سالمة وبوها صالح 💙💙
الاء كانت عايشة حياة عادية نفس اي بنت في عمرها الحاجة الوحيدة اللي مختلفة أن بوها طبعه واعر ومعقد اشوي وكانت اتخاف منه موت ..بس كان ديما يشتغل مايقعدش في الحوش واجد
❣❣❣❣❣
القصة في زمنيين ......انردو بالاحداث لاوراء اشوي..ايام الاء تقرأ في الثانوي
#سنة_2014
الاء طالعة من الحوش وماشية للمدرسة وفي طريقها خطمت على حوش صحبتها ملاك..ملاك خذت شنطتها واطلعت امعها ولما قريب يوصلن للمدرسة الاء حست سبيدروها انفتح
الاء : حي على أمي هذا كنه
ملاك اتبحت فيها مستغربة : شن في كنك
الاء قربت من سور المدرسة وتمت تمشي وتسحب في رجلها خايفة السبيدرو ينفك منها : تي هذا شن خطر عليه على الصبح
ملاك حطت ايدها على فمها تضحك : حي عليك 😂😂
الاء : تضحكي ياباردة ..حي عليا شن اندير
ملاك : رني على اسماء ادزلك اي حاجة تلبسيها 😂
الاء : اسماء في الجامعة توا😣...عليك بخت من اول اسبوع هك شن شكلها عقاب السنة
ملاك : مازال جديد ..كيف انشرط
الاء : أكيد من أية الحيوانة ..أمس شفتها تلبس فيه😡
ملاك : منظرك يقتل 😂😂
الاء : تف 💦على وجهك ياحمارة ..تعالي ساعديني بدل ما تضحكي عليا 😑
ملاك قربت منها تضحك وامسكت ايدها لعند اوصلن باب المدرسة ..الشارع كان فاضي مفيش الا سيارة واقفة بعيد عنهن اشوي
ملاك : شن تبي اديري ..
الاء : والله ماني خاشة للمدرسة هك ..نبي انروح
ملاك : حي عليك يقتلك عمي صالح
الاء : خليه يقتلني ولا ايشفوني الشباب هك😣
ملاك : 😂😂
الاء : خزي عليك ..💦💦
ملاك : باهي خلينا انخشوا جوا بالشوية لعند نلقوا حل
الاء : لا وحق الله توا ننفضح ..فكيني
ملاك : غير تعالي توا انساعدك ..خير ما ايجي واحد من المدرسين والا المدير ايشوفنا هنا
ملاك امسكت ايدها اتساعد فيها عشان ايخشنا للمدرسة والاء تسحب في رجلها وخايفة السبيدرو ينفك ..مشنا كم خطوة لكن سبيدرو الاء طار بلكل 😱
الاء : حي عليا حي عليا ...كله منك قتلك خليني هنا😡
ملاك تباعدت عنها تضحك :😂😂😂😂
الاء طبست وخذت سبيدروها وتبي تضرب ملاك ..وملاك تضحك وتباعدت عنها اخرى 🤣🤣🤣
الاء اتلفت خايفة واحد ايشوفها : وووك عليا ..شن اندير😥
وقمعزت في مدخل المدرسة برا ..
ملاك : تي كنك قمعزتي هنا 😨صبي قبل ما ايشوفك اي حد
الاء : خليني هو صبح زفت من الاول 😑
ملاك : حي عليك والله في واحد نزل من السيارة اللي برا صبي
الاء : مانيش امصبية ..اكيد ولي امر طالبة ..خليه ايشوفني😑
ملاك اتبحت في الشاب اللي نزل من السيارة وجاء شورهن ملاك : حي على أمك ..والله شاب طرف صبي بسرعة 😨
الاء : فكيني من الكذب امتاعك...خلي اللي يبي ايشوفني ايشوفني اصلا أنا مستقبلي ضاع خلاص 😂😂
الاء تضحك وماسكة السبيدرو المنقطع في ايدها ..ومش امعدلة على كلام ملاك ..الا بعد شافت الشاب خش من باب المدرسة ...شاب ابيض طويل اعيونه عسلية...الاء اول ما شافته انحرجت وصبت والشاب جاء شورهن
الشاب : صباح الخير
الاء وملاك : صباح النور
الشاب ايبحت في الاء : في اي مشكلة نقدر انساعدكن
ملاك : ياريت والله
الاء انغزتها : اسكتي
ملاك : خليه ايساعدك ..هذه فرصة
الشاب مسك السبيدرو اللي في يد الاء وخذاه منها والاء انصدمت من جرأته 😳
الشاب ابتسم : عطيني خمس دقائق توا انرد عليك
الاء تبي اتقوله لا ..لكن الشاب برم وعدى ..والاء امصبية اتبحت فيه 😳..وملاك تضحك 😂😂
الاء : تي هذا من ..وين عدا
ملاك : اقسم بالله...شكلها سنة مش عادية 😁
الاء : هذا من تعرفيه انتي
ملاك : اول مرة انشوفه ...لكن طرف 😍
الاء اتبحت برا شافت المدير جاء 😱..امسكت ايد ملاك واسحبتها وراء دار الغفير امتاع المدرسة
الاء : استاذ جمال جاء ..حي علينا
ملاك : ليش انطمرن عليه ..كنتي قعدتي عادي شن فيها
الاء : اسكتي الله ايربحك ..وكان قعدنا راه قاللنا خشن جوا وقعدت فضيحة قدام الطلبة
ملاك : 😂😂
قعدن الاء وملاك في مكانهن ويسمعن في الطلبة والطالبات ايخشوا وكل مرة ملاك اتبحت الشاب اللي خذا سبيدرو الاء جاء والا لا
ملاك : الساعة 8 الا عشرة تأخرنا ..حي علينا
الاء : عدي خشي انتي ..أنا والله ماني خاشة لعند ايجي البلاء اللي خذاء السبيدرو
ملاك : شكله خذاه يسحرك بيه 😂😂
الاء : ماهو منك أنتي ..خليه ايساعدنا ...خليه ايساعدنا😑
ملاك اتبحت شافت الشاب جاء وايدور عليهن ..اطلعت شيرتله وردت
الاء : من جاء
ملاك : فارس احلامك😂😂
الاء : من 😳
لكن ملاك اسكتت عشان الشاب جاء وصبا امعاهن ..ومد السبيدرو لالاء..
الاء وهي منحرجة : شكرا تعبتك امعاي
الشاب : مافيش مشكلة
الاء طبست البست اسبيدروها اللي خرزه الشاب وجابه الها ..وارفعت رأسها ..لكن الشاب مشى
الاء : بسم الله ..هذا وين عدا
ملاك : مش عارفة...هيا خلينا انخشوا بسرعة..وفكينا من الحركات مرة اخرى😂
الاء : اي حركات😳
ملاك : حركات سندريلا 👠😂😂
الاء : 😂😂😂
