للكاتبه روز الفياض
.
.
.
اللهم سندا لايميل ولايمل 🖤
.
.
.
اندكت الباب الخارجية حيل ..
مره ..
مرتين ..
تلاثة ...
مافتحته خليته مقفول بالقفل والمفتاح ..
ادري بي هذا سعد واحتمال يكون سكران ..
بقيت كاعده بالهول بحدي واباوع بسكوت من وره البرده ..
فجأة شفته طفر من السياج لداخل الحوش ..
كمزت من مكاني رحت وكفت يم باب المطبخ بالظلمة اباوعله بسكوت خفت خاف يكسر الجام ويفتح الباب ..
كلما يقترب من باب المطبخ يزداد الخوف بكلبي وابقى ارجف ..
سعد :
قندر..ه ..
فتحي الباااب ..
ادري بيج جوه ...
فتحيييه ..
بت النعااا..ل..
انه الج ..
ردت ارد عليه بس اتذكرت انه لازم ابقى ساكته حتى يروح عباله محد بالبيت المن طفيت الاضوية اذا اجاوبه .
سعد :
جلب... ه ..
فتحي الباب لا انعل والديج ..
اشوفج انه اشوفج لاعبالج ظلمة مااشوفج ..
والله وبالله اذا ماتفتحين الباب الا احركج انت والبيت واشوف شلون تطلعين منه ..
يسويها ماعنده مانع ادري بي ..
جاوبته :
شتريد سعد انت مو طلكتني ؟
سعد :
هااا .. هههه خفتي احرك البيت بيج ؟
تعلميني بسوالفج ههههه .. حافظهن ..
دفتحي الباب لا تخليني الم الجوارين عليج مثل كل يوم خليني فد يوم احترمج لو متعلمة على النعل تصعد وتنزل عليج ؟
عذراء :
سعد روح اليوم لبيت اهلك نام لو روح لواحد من جماعتك انه هسه مره غريبة عنك مااحلك ومايصير تبات يمي ..
سعد :
بت الخ..ه بيتي هذا .. اذا مايعجبج انت طلعي ..
عذراء :
وين اروح ؟
سعد :
لجنهم ..
انه شعليه وين تولين ..
عذراء :
دروح بات عد اهلك عفيه بس اليوم عالاقل ..
ماجاوبني ..
رأساً كسر الجام ومد ايده يفتح السركي ..
صرخت ..
وين اروح هسه ؟
وين انهزم منه ؟
هسه بس يدخل يكطعني ..
دخلت للغرفة ركض وقفلت الباب علي ..
سمعته دخل للبيت وهو يغني مبين سكران ..
كعدت وره الباب وادعي ياربي خليه ينام بهدوء ياربي خليه ينساني لاتذكره بيه ..
سمعت خطواته يم الباب كشيت كال بصوت عالي :
وين تروحين مني جا مااكضج ..
ههههه نسوان الله مطيح حظجن .
كتله بكلبي :
الله يطيح حظك اكثر واكثر ..
فجأة دك الباب وكمزني ..
فز كلبي من الخوف ظل يدك يدك يدك ..
سعد :
خاف صدكتي طلكتج ومااكدر ارجعج لذمتي ههههه كلها يومين ويرجع ويطلكج وترجعيلي .
لوما تردين ارجعج ؟
تردين تديحين ادري بيج ..
بقيت ساكتة كوه اتنفس ..
شيطلع الصبح ..
باوعت للساعة الساعة ب(٣ ) الفجر ..
شلون ياربي ورطه ..
شسوي هسه ؟؟
هذا ماعنده مانع يعتدي علي حتى لو طلكني ..
لادين ولاديانه ..
لاعنده شرف ولا عنده غيره ..
الله يسامحك ياخوية على هاي العمله ..
مالكيت غير هذا تزوجنياه ؟؟
وانه بس هالاخت عدك وماصنتني ..
بس هو المجرم شلون ممكن يكونون اصدقائه وجماعته اكيد مثله مجرمين ..
انت لو ماشي بطريق عدل جا مااعرفت على واحد مثل سعد ..
بس انت مشيت بطريق اعوج ..
مخدرات وشرب وملاهي ..
بس هم مو صوجك امي وابوي يتحملون ذنبي وذنبك ..
ابوي يبيع حبوب كبسلة وامي بلغت عليه الشرطة حتى تخلص منه وتتزوج صاحبه ..
انت شطلع بعد ؟؟
انه شطلع ؟؟
عشت عمري كله بالغلط والاهانة والكتل والسحل ..
جنت اتمنى انام واكعد الاكي اهل غيركم اهل نظيفين حترمين سمعتهم طيبة ..
اهل بيهم محنة ..
بيت ينسمع بي صوت الاذان والقران .. بدل صوت الاغاني والدك والركص ..
