𓍲 رقيه علي 𓍲
بقلمي رواية : بين يدي الماضي
شيءٌ من الشّوق مرسومٌ أُخبِّئهُ
سطْرٌ بعيني وفي قلبي دواوينُ.
لطفاً لاتنسون التصويت ، متابعة الحساب
التفاعل بين الفقرات .
<.ودق >
خلص دوامي ورجعت للبيت كبل نمت ولـ يكول
صارلي سنه ما نايمه ماكعدت إلا ثاني يوم كان
يصادف جمعه .
نزلت جوا كلهم ملتمين صبحت عليهم
ايهم :- صباح العصر ولج شني هاذا النوم والله
دخيل الله يكول ماشايفه النوم بحياتج .
_ هههههههههه حتى بالنوم حاسدني خليني ارتاح
الاسبوع كله بس دوام وامتحانات .
كرم :- الله يساعدج مالومج روحي اكلي
ورتاحي .
_ هزيت راسي بمعني اي ورحت اكل على سريع
كملت رحت اصلي واقره قرأن شويه ،
نزلت جوا اساعد امي بالتنضيف متكدر وحده شوي
وندزت رساله على تلفوني شفته من عمر خلصت بسرعه بسرعه وصعدت لغرفتي دار سلام بيناتنه عادي، وبديت كل عاده مثل كل يوم احجي عن يومي الملل وشنو مضايقني
وهوه يستمع بدون تضجر أو ملل وهاذا اكثر شي
يعجبني بي عمر صار جزء من يومي
اعتبره أكثر من صديق تعلقت بي وبأهتمامه وكل
شي بي انسان محترم الأبعد حدود مايوم
سمعت كلمه منه مو حلوه او طلب مسيئ بالعكس
انسان طيب ومحترم نصائحه تجنن اهتمامه
بكل تفاصيلي مايوم حثني ع الغلط بالعكس هوه
ينبهني ع اغلاطي الي اكون غافله عنهم
ماكدر اوصفه واوصف حنيته اهتمامه كل شي
بي بكم كلمه مستحيل هوه اكبر من هيج
مر تقريباً ست اشهر ع صداقتنه .. خلصت من
الكروب بعد ما احتاجه وقررت احذف الأنستا .
بس ماردت اترك عمر وخاصاً تعلقت بي شلون
اكدر اكمل يومي بدونه بدون مجاكرته
واهتمامه ومنو يسمعني غيره !
قررت انطي اسم بالتركماني يحطه على حسابه
علمود من ارجع الأنستا اميزه بين الحسابات
شلت تلفوني راسلته وانطيته خبر
راح احذف الأنستا ماتأخر هواي ورد .
عمر :- ودق ليش تحذفين الانستا صاير شي ؟.
_ ماصاير بس لازم احذفه واني احاول
فتره وارجع حسابي .
ضلينه نتجادل فتره طويله وهوه مامقتنع انو احذف الأنستا لمن كتله فتره وارجع
وحطيته أمام الأمر الواقع .
_عمر عندي طلب اخير ممكن .
عمر : عيوني الج كولي .
أنت تقرأ
بين يدي الماضي
Romance"الكاتبه :- رقيه علي" ثلاثة صديقات، لكل منهنّ رواية ترويها الأيام . عاشن في كنف السعادة والدلال ، حتى جاء اليوم الذي تبدلت فيه حياتهن رأسًا على عقب . واجهن قسوة الحياة بكل أشكالها ؛ من قمع وظلم إلى اختطاف واحتلال ، وحتى التعذيب الذي ترك ندوبًا لا ت...
