رقيه علي
بقلمي رواية :- بين يدي الماضي
هُنَّ القَواريرُ، رِفقاً بالقَواريرِ
وهُنَّ لو كُنتَ تَدري كالأزاهيرِ
هُنَّ الفَراشاتُ أَلواناً وهَفهَفةً
فهل يُطِقنَ احتمَالاً للأَعاصيرِ؟
فإنْ نَظرنَ مَنحنَ القَلبَ راحتَه
وإن نَطَقنَ فإيقاعُ المزاميرِ
يَغرسنَ في البيتِ أَزهارَ الحنانِ فما
جَزاؤهنَّ سُوى حُبٍّ وتَقديرِ
جـَوهـِراتي لا تنسون التفاعل بين الفقرات
ومتابعة الحساب التصويت ولطفاً لا تعلقون بأيموجي أو نقاط .
الخبصه الي صارت بهل يوم ما تنسي
احتاريت اضحك لو احير بيهم
ايهم مخبوص وبس يصيح ومتوتر .
-- ويــن عُطــري صدك تحجون بعد ما الحك ؟!
صاح بي أيسـر متنرفز .
-- شبيـــك مدكلي مو خبصتنه خبص ول يكول رايح مدري وين بس ترجف وجهك احمر مدري
من الخجل لو العصبيه .
جاوبه كرم مأيد كلامــــه
-- وعلي صحيح شبيك خبصتنه مو حتى
راسي شيب وطريقي ما اندله وين عُطري !
وين ساعتي ! وين وين وين ! وساعه اتصيح علينه ول يكول احنه الي مخربين تسريحتك كمت امشي واعثر استهدي بالرحمٰن شبيك راح تنفجر رايح للأعدام لو تخطب فهمني ؟
ماكو شي هيه شغلت نص ساعه نخلص
ونرد بس لا ترجف علينه
باوعلهم رافع حاجبه ما قابل ودار وجه ومشه وهوه الزعلان هز أيده ادم ما عاجبه الوضع
وكمل ترتيبه .
خلصوا اباوعلهم ابوي وأيسر وأيهم وكرم وادم
كل واحد يكول الثاني اني أحلى منك صليت
على محمد لا احسدهم ، طلعنه اني وامي مو
اقل منهم بشي ..
توجهنه بسيارتنه بعد ما رتبوا الوضعيــه
والسيارات اباوع مشيه تسد عين الشمس ،
وشيوخ والكباريه كله موجوده توجهنه
البيتهم واستقبلونه راحوا الزلم بجهه واحنه
بجهه كعدنه وام البنيه عسل وكلامه ينكرط
بس تهلي بينه ، اكتفيت بأبتسامه وامي تردله .
دخلت بنيه تجنن فلكة كمر تضوي حقه اخوي ،
قدمت القهوه وكعدت بصف امه .
مبينه حبابه البنيه دار نقاش بين امي وامه
وكامت تسأل شنو يشتغل واتستفسر أكثر
أنت تقرأ
بين يدي الماضي
Romance"الكاتبه :- رقيه علي" ثلاثة صديقات، لكل منهنّ رواية ترويها الأيام . عاشن في كنف السعادة والدلال ، حتى جاء اليوم الذي تبدلت فيه حياتهن رأسًا على عقب . واجهن قسوة الحياة بكل أشكالها ؛ من قمع وظلم إلى اختطاف واحتلال ، وحتى التعذيب الذي ترك ندوبًا لا ت...
