رقيه علي
بقلمي رواية : بين يدي الماضي
رُغم كُل الوضوح الذي تقتنيه
الا أنهـا ما زالت إمرأة غامضة ...
جـَوهـِراتي لا تنسون التفاعل بين الفقرات بتعليقاتكم الحلوه ومتابعة الحساب التصويت ولطفاً لا تعلقون بأيموجي أو نقاط.
اباوع دار كلام بينهم وخالد عيونه صارن بكصته ضربه بوكس والولد رده أله اجوا البقيه كلهم وكاموا يضربون بي رغم قوته وضخامته بس كانوا هواي ..
كمت ابجي بصوت عالي واصيح ردت افتح الباب وانزل بس قافله كمت ادك بالجام واصيح بأسمه
روحي راحت ، التفتت همزين تلفوني موجود اتصلت على رواد مرتين يله جاوب بصوت ما
عرفت افسره أبداً ! ما انطيته مجال يحجي وحجيت بسرعه بدون لا أخذ نفس .
-- رواد حباب ألحكني راح يكتلون خالد بسرعه تعال احنه بشارع*** استعجل فدوه لأن ما اكدر اسوي شي ومحد بالشارع .
ما سمعت بوضوح شنو كال كد ما كنت مركزه بخالد دموعي تيزاب اطيح على وجناتي شهكت بقهر ما بيدي شي غير الدعاء منتظره رحمة ربي ، ووصول رواد بسرعه .
شفته طاح بالكاع وراسه يسيل د/م وهمه عافوا وصعدوا سياراتهم كمت ابجي بصوت عالي واصيح ، استنجد اريد شخص يساعدني ضربت
الباب بقوة روحي راحت عشر دقائق وشفت سياره رواد من بعيد نزل بسرعه وراح الخالد كام يضرب بوجه ويشوف نبضه مسح وجه يرجف اشوفه مد
أيده بالجيب طلع السويج واجه فتح الباب نزلت اركض واتعثر ما خلاني اشوفه صعده بالسياره ورا صعدت يمه حاطه راسه على رجلي وراد صعد
يسوق ، كمت ابجي وادعي بصوت خافت اباوع رواد طلع تلفونه وبدا يخابر ما ركزت بكلامه كمت امسح بوجه خالد من الدم وابجي كانوا بيهم 6
ومبينين لاعبين كمال اجسام ، هو هم ضخم ولاعب كمال اجسام بس همه 6 هواي صح ضربهم بس بعدين نزل ايدا من همس بأذنه شي واستسلم ..
ــــــــــــــــــــــــــــــــــــــــــــــــــــــــــــــــ
قرينه قصه ونمت ما حسيت بشي بعدها بين النايم والكاعد بين الحقيقه والوهم حسيت بإمرأة عجوز تكعد كبالي وكامت تضحك بصوت مرعب وبعدها اتقربت مني وتحجي بصوت خشن مثل صوت الرجال
ــ هههههه دوم تاك دوم تاك .
أنت تقرأ
بين يدي الماضي
Romance"الكاتبه :- رقيه علي" ثلاثة صديقات، لكل منهنّ رواية ترويها الأيام . عاشن في كنف السعادة والدلال ، حتى جاء اليوم الذي تبدلت فيه حياتهن رأسًا على عقب . واجهن قسوة الحياة بكل أشكالها ؛ من قمع وظلم إلى اختطاف واحتلال ، وحتى التعذيب الذي ترك ندوبًا لا ت...
