وقعت في حب لاعب.

b3

ميار: ماما متعرفين احد هنا؟؟؟

ماما: لا والله بنتي بس اعرف اصدقاء خوالج ويعرفون ابوج.

ندى: جوعانة!!

ميار: حتى انيي

صار وقت الاكل...

اكلنا ورجعو يركصون مرا ثانية واني ماعرف اي احد هنا.....
مادري حسيت بطني كلش توجعني وردت استفرغ

ميار: ماما حروح للحمام

ماما: تمام لا تتأخرين

طلعت واني داسأل المنظمات وين الحمام وكلولي وين وطلع بين قاعة النسوان والزلم

رحت بسرعة وامشي سريع لان رح استفرغ..

وصلت وجان اكو مثل فاصل على الارض بين الباب واني دامشي بسرعة ولابسة كعب واتعثرت..

كلت هاي نهايتي وفستاني ابيض رح اتلطخ
فجأة اشوف ايد خشنه على خصري وكأنو خصري دينشد لورا وايد رجال...

خفتت
افتريت وشفت وشم على هالايد...
واني ميتة خوف صدري صار على صدر الرجال الي ماعرفه
فتحت عيوني واشوف عيونه بعيوني وشفايفي متقربة من شفايفه

دفعته واني ارجف..
ركضت واستفرغت بالحمام
غسلت وطلعت..
شفته واكف يم الباب..

لحضة..
هذا ابراهيم بايش.
استوعبت واخيراً..

ميار: اسفة جنت رح استفرغ وما شكرتك
شكراً.....

ابراهيم: فستانج حلو

ميار: شكراً

ركضت بسرعة واني ماسكة فستاني ودقات گلبي بسرعة تنبض
رح اموت شنو هالموقف
شيخلص هاليوم...
ماجذب عليكم جنت فرحانة

رجعت وشفت امي منتظرتني..

ماما: ميار وين جنتي!!!

ميار: شبيج ماما مو كتلج بطني توجعني جنت رح اموتت

ماما: ديلا ابوج خابرني يكول وصلت رح نروح

ميار: تمام امشي اني هم تعبت

صعدت واني ميتة فرح وبعدين ارجف..

بابا: شلون جانت الحفلة؟

ماما: مرتبين ما شاء الله والعروس حلوة

ندى: اني احلى منها..

طنشتهم واني اتخيل تخيلاتي الي متخلص..
وصلنا للفندق واني كل الي فكرت بي النوم
بدلت ملابسي وغسلت وجهي ومشطت شعري ونمت..

صباح اليوم الثاني....

ندى: مياررر كومي رح نرجع

ميار: اهووو نعسانة

ندى: كومي يلاا

كعدت وغسلت وجهي ولبست ملابسي ورجعنا للكاظمية ورجعنا للبيت واني ميتة تعب
ركضت للغرفة ونمت...
بعد تعب يوم كامل!!

صباح اليوم الاحد...

ماما: ميارر

ميار: هااا

ماما: تعاي عندي سالفة وياج

ميار: شكووو

ماما: تعاي كعدي دحاجيج

ميار: اسمعج

ماما: ام ابراهيم خابرتني اليوم

ميار بصدمة: ايي شكالتت؟؟

ماما: يسألون عليج يريدون يخطبوج

ميار:  لمنووووو!!!

ماما: لابنها ابراهيم

ميار: هااا!!!

ماما: كلت اشوف شتكولين انتِ وابوج وعمامج

ركضت للغرفة واني نبضات گلبي تتسارع وارجف...
صارت الدنيا ليل
رحت اغسل اسناني حتى انام..
لحضة.....
سمعت بابا يكول لامي بعدها صغيرة..

ماما: بس مارح نلكي احسن منهم...
ما شاء الله اخلاق ووفلوس وشيعة!!

ماما مو من نوع الي كل همها الفلوس..
بس حتى تضمن عيشتي وانو ميقصر معاي!

بابا: مادري اسأليها شوفي شتكول
الي تريده يصير..

صباح يوم الاثنين...

كعدت من وقت مادري ليش!
شفت ماما بالمطبخ

ماما: احمم

ميار: شكو احجي

ماما: تعاي كعدي

ميار: احجي..

ماما: موافقة؟؟

ميار: على شنوو!

ماما: لتسوين روحج فطيرة
تعرفين شقصدي..

ميار: مادري احس بعدني صغيرة

ماما: عمامج عرفو بالسالفة ويكولون مصلحتنه يمهم فَ غصباً عليج لازم تقبلين والشغلة مو بيدي من هسه اكلج

ميار: ماما شنو الشغلة مو بيدج ترى بعدني صغيرة!!!

ماما: اني معليهه عمامج هيج يكولون..
وهسه رح اخابرهم واكللهم يجون!

ركضت للغرفة واني ابجي!
سمعت امي تكول تمام ياهلا بيكم...
لحضة!!!
رح يجوننن
ركضت على امي كالت يوم الخميس رح يجون..

ميار: وين يجون!!

لبيت عمج..
بيت عمي الي هوَ بيت جدي القديم..
الورث!

ميار: ماما صدك تحجين!!

ماما: اي وهسه رح اخابر بيت عمج حتى يوم الاربعاء نروحلهم ونحضر..

يتبع...