اخذت بطانية ومخدة ونمت بالصالة...
حرفيا احلى نومة نمتها بحياتي.. ♡
كعدت الظهر واحس متكسرة وايدي كلش توجعني لان جنت نايمة عليها..
هيه صح النومه حلوة وطويلة بس جنت تعبانة من طلعة البارحة..
كعدت اشوف ابراهيم موجود لو لا..
كالعادة ياطالع معَ اصدقائه او بالنادي او يم اهله..
مستحيل يكعد بالبيت بس يجي للنوم..
تكول اكو بعبع بالبيت...
رحت للحمام حتى اسبح لان جنت شوي عركانة..
جنت جوعانة..
رحت اطلب قبل ما اسبح حتى توصل الطلبية بسرعة..
طلبت ودخلت للحمام سبحت واتعطرت وسمعت صوت الجرس..
اخذت الاكل وصرت اكل مثل المخبلة وكأنما مماكله صارلي شهر.. هههههه
من صدك اتخبلت..
طلعت للحديقة ودالهي نفسي بأيشي..
ماكو شي غير النوم والتلفون..
زين اني ليش هيج راخيه وبوحدي دائماً..؟
رحت جبت التلفون وخابرت ابراهيم..
_الوو
ابراهيم: شتردين
_كلشي بس ضايجة ايمتى ترجع..؟
ابراهيم: مارجع هسه بالتمرين اني..
طفى الخط بوجهي..
_اني اعلمك ابراهيم..
رحت اتابع مسلسلي
اخذت حلويات ومشروبات ومبقيت شي مابلعته..
صار الدنيا مغرب..
رحت اتوضى حتى اصلي..
رحت للصالة وكعدت اكمل المسلسل..
فجأة سمعت صوت الباب ينفتح..
جان ابراهيم.. كالعادة يعني منو رح يجيني..
مانطتيته وجهه..
ابراهيم: بعد لتخابريني ترى مو اخوج الصغير اني!
_شكد عقليتك..
ابراهيم: عقليتي شنو!
_ولاشي بس لتحجي معاي بهالاسلوب السخيف اني مو اختك الصغيرة!
ابراهيم: تأمرين عيني برنسيسا
راح يسبح..
احس اكو شي لان هوَ مطايقني..
رحت اخذت تليفونه..
بس علي رمز..!
دقيقة...
شنو هالصورة!
مخلي صورة عيونها خلفية لجهازه!
طلع من الحمام ..
ابراهيم: كومي جيبي عشة.. جايب جاهز خليته بالمطبخ..
رحت جبت الاكل وكعدنه ناكل..
داكل واني اشتم ريحة عطره..
يابوية بس لو اكدر احضنه ويكون بس الي!
قطع تفكيري صوت جهاز ابراهيم..
باوعت قبل لياخذ التلفون ويرد..
جان مكتوب على الخط(روحي🫀)
زين اذا هيه روحه اني شنو؟
راح برا وصار يحجي وياها..
_شكد رخيصة تحجي معَ مزوج!
رحت للشباك اشوفه شديسوي...
جان من يحجي يبتسم ويضحك.. واني وياي تكول كاتلة اهله..!
انتبهه علي واني اراقبه..
نزلت بسرعة ورحت اكمل اكلي..
دخل للبيت.. وراح للحمام..
ركضت وراه..
_الى متى رح تبقى هيج!
ابراهيم: شنو
_هاي ايمتى تحس على روحها ترى علاقتكم محرمة!
ابراهيم: اسمها مريم!
_ادري
ابراهيم: تدخلين معاي للحمام نسويها سوا؟
_يع
(بغضب)
رحت شلت الاكل ونظفت المطبخ..
راح يصلي.. كمل
ابراهيم: صليتي؟
_اي!
دخل للغرفة وهوَ ماسك التلفون ومبتسم
اتمدد على التخت وهوَ بعده ماسك التلفون..
خليت مرطب ومشطت شعري..
فجأة ركضت عليه وقفزت بكل قوتي.. وسحبت التلفون..
ابراهيم: هاي شبيج اتخبلتي! جيبي التلفون لتخليني اكفر بيج!..
صرت اشوف الرسايل والقلوب...
زتيت التفلون علي واخذت مخدتي والبطانية ورحت للصالة..
كلعادة لازم يصير فدشي..!
رحت للمطبخ اخذ حلويات لان مشتهيته بكثرة!
ضليت اكل ومحسيت على نفسي وغفيت..
كعدت الفجر...
عطشانة ومعركة السبلت مطفي وملفوفة بالبطانية لف..
رحت للمطبخ اشرب مي سمعت صوت الاذان..
رحت لميت الاكل والجيس مال الجبس بكل مكان واخذت الحلويات وعزلت مكاني ورحت اتوضيت وصليت..
شربت مي ومشطت شعري..
اجيت ارجع لمكاني وانام بس كلت خلي امر للغرفة اشوف العينتين شديسوي..
دخلت للغرفة شفته نايم ولا كأنو هوَ الديأذيني ويتعبني ويقهرني بتصرفاته الطفولية..
چنه طفل نايم وبريئ وشكله كلش لطيف هوَ ونايم..
رحت اتقربتله وجههَ بارد ونظيف..
بستهه على خده..
مادري شصارلي.. دخت ودارت الدنيا بيهه..
كأنما دالمس شي مو الي..!
شي ميخصني..
شي ميصير الزمهه لأن يخص غير شخص..
شخص تعب علموده ويحبه بصدق..
اني مو مناسبه الهه!
اني مو الشخص الصح..!
دمعت ومكدرت ابقى يمهه اكثر..
رجعت على مكاني واني گلبي يدگ سريع تكول راجعة من الموت!!
رجعت على مكاني وكعدت افكر بي وشسوي حتى يحبني..
ليش هيج ديعاملني..
اني شنو ذنبي..
اني معليه اني هم جنت مجبورة..
ليش كل هالكرهه!؟
نمت نومة عميقة اتمنيت ماكعد منها..
اتمنيت اخلص من هالعذاب الديعيشني بي!
كعدت الظهر كالعادة ماكو شي جديد دائما الحظ مصخم الي..
رحت غسلت وجهي وغسلت اسناني..
جنت جوعانة بس كلت اصلي قبل مايروح وقت الصلاة..
رحت صليت ودعيت..
خلصت ورحت للمطبخ اشوف شاكو ماكو..
اي شي اشوفه تلعب نفسي منه..
اريد حلويات بس كلهن خلصن..!
مشتهيه شي حلو..
احس روحي دطلع!
كعدت وضليت ابجي...
_ليش هيج يربي حتى الحلويات متريدني..!
اخذت التلفون واتصلت على إبراهيم..
_الو.. ابراهيم جيبلي كوما حلويات لا والله انتحر..!
ابراهيم: شبيج!!
_معليك.. اريد حلويات..!
ابراهيم: تمام تمام هسه جاي!
عباله اتخبلت.. يمكن بعد ميندل دربه! ههههههه
أنت تقرأ
وقعت في حب لاعب.
Romanceصح ميار اتزوجت غصباً عنها بس تحب زوجها. القصة ممتعة لاصحاب الواتباد ♡ الي ميعجبها لتنتقد 💋 (القصة خيالية)
