وقعت في حب لاعب.

p15

نمت بروح تعبانة..
كعدت مشفته يمي..
ضليت ادور مثل المخبلة على إبراهيم..
شفت تلفونه يمي..
ارتاحيت من عرفته بالبيت..

ضليت صافنة بالفراش واباوع للسقف افكر شحيصير من اجيب..

شعور غريب ويوجع..
اذكرت فجأة اني مكايله لأهلي،
اخذت تلفوني بسرعة واتصلت بأمي..

_الو ماما
امي: هلا بنيتي شلونچ؟
_الحمدلله انتِ شلونچ بابا شلونه الزعاطيط؟
امي: الحمدالله كلهم يسلمون عليچ..
_الله يسلمهم.. شدسوين شخباركم..
امي: والله كاعدة الف دولمة.. مطيبة بدونچ..
_يلا من اجي هم نسوي..
امي: اي شكو ماكو..
_والله ماكو شي بس اتصلت عليچ اكلچ خبر..
امي: خير يمه شصاير..!
(بلهفة)
_ممصاير شي بس اني حامل..

دسمع صوت صراخها وضحكها وتبشر اهلي..
ومبقى احد مكالتله..
مادري شلون فرحانين واني هيچ صغير بهالعمر..
دخل ابراهيم وهوَ ينشف شعره وشاف التلفون بيدي وداخابر..
هز براسه بمعنى شكو؟
همستله من بعيد داحجي معَ امي..
چان يمشط ويحضر روحه مادري لشنو واليوم حتى تمرين ماعنده..

_يلا ماما بعدين احاچيچ ابراهيم ديصيحني..
امي: تمام بنيتي عود حاچيني بعدين..
_تمام.. باي

طفيت الخط.. زتيت التلفون على التخت واتكتفت..

ابراهيم: شبيچ؟
_اكرهكم..
_وين رح تروح..
ابراهيم: لازم اكلچ كلشي وين طاب ووين طالع ست؟
_اني زوجتك استاذ ابراهيم اذا متمانع تكلي وين رايح!
ابراهيم: رايح اوصل مريم وامها لبيتهم..
_واخيراً رح افتك..
ابراهيم: شنو..
_تضل تخوزر بيه وكرهتني عيشتي تكول كاتلة ابوها..
ابراهيم: اخذتي حبيبها..
_مو اني جبرت اهلي يزوجوني الك موو؟؟؟!!!!!
(بغضب)
_ولك اني ليلي جان نهار ومجنت اكدر انام وخايفة من الزواج منك
انوب اخذك منها هاي السعلوة؟
ابراهيم: لتحچين عليها
_الله اعلم شتحچي علي يمك..
وبعدين انتَ مسلم  وتصلي وتصوم شلون تحضنها؟
ابراهيم: كولي اغار وفضيها عليمن هاللغوة الزايدة؟
_ابراهيم كافيي!!

طلعت من الغرفة ورحت غسلت وجهي واجيت حضرت روحي ولبست ملابسي الي جابهن ابراهيم هدية الي بجهازي وجانت هيه هم موجودة من اختارهن..
رتبت نفسي وابراهيم مجان يدري اريد اروح وياه..
جان طالع يلبس حذاءه..
ركضت اصيح اصبر اصبر..
لبست كعب وهوَ مصدوم..

ابراهيم: وين!!!
_وياك..
ابراهيم: وين وياي..؟؟؟
_مادري.. وين متروح اروح وياك.. رجلي على رجلك..
ابراهيم: مصيبة ووكعتي على راسي
_ننننن

طلع وطلعت وياه ركض..
صعدت بالسيارة قبله..

وصلنا وطلعت الهانم من الصبح متكشخة ومباقي عطر مراشته.. تكول مشايفة
ركبت ورا ابراهيم..

مريم: ابراهيم فدوة شغل البلوتوث اريد اشغل اغاني شو اليوم بيه طاقة..
ابراهيم: شغلي البلوتوث ميار..
مريم: لا لا اني اشغله عليمن اتعب نفسها..