وقعت في حب لاعب.

p16

صرت اكل ومحسيت على روحي...
حسيت كثرت فَ بطلت اكل..
صارت الدنيا ليل وابراهيم جاب الحليب وراح يكمل الاوراق مال المستشفى

مجنت اعرف شلون اسوي الحليب...
صحت للدكتورة تجي تعلمني..
اجت وكلتلي قياسه وشكم مرا اشربه باليوم..
واذا اكدر انطي مني..

اني رافضة ومستحيل انطي مني لان الي دافكر بي.. انو شكل صدري رح يخرب ومن رح افطمه رح اتعذب ووين ماروح رح يريد حليب...
واني كلش اكرهه هيج..
طلعت الدكتورة.. ورجع ابراهيم...
مادري من اشوفه ترتاح نفسيتي احس محد يكدر يأذيني وهوَ موجود...

ابراهيم: باجر رح نطلع..
_اي زين اتكسرت اريد امشي..
ضهري كلش ديوجعني...
ابراهيم: ايمن نايم؟
_اي.. وجودة زاعجني مادري مداتقبله..
ابراهيم: اي الدكتورة كالت كم يوم وتصيرين تحبي هسه لان اتعذبتي وياه وتحسين انو هوَ سبب كل هالوجع...
_اخخ يربي شلون شكوني...فتحوني نصين وصارو يدعسون على بطني..لو جنت ميتة ولا هالعذاب..
ابراهيم: صدك امي زينت البيت واشترت كم غرض الج وباجر بس نرجع بليل يجون كرايبي وكرايبج يباركون..
_ياهلا بيهم...
ابراهيم: نعسانة؟
_مادري بس اريد ارجع للبيت وانام على فراشي بحضنك
متحس بعدني صغيرة على البيبي..؟
احس صرت كلش جبيرة!
ابراهيم: اي البيبي رح يكبر معانا!
_هسه ايمن رح يبقى هنا؟
ابراهيم: اي
_نومه يمك اني ماكدر ماعرف ادير بالي على الطفل

اجا ياخذ ايمن بس من اخذه وابتعد عني صار يبجي...

ابراهيم: دخذي متشوفي ديبجي
_جيبه جيبه من هسه بدت رحمه الله
ابراهيم: اخذي ميحب بابا يحب ماما
_ابراهيم لتكلي ماما ترى والله ابجي

حط ايمن يمي وهوَ مبتسم احسه كلش فرحان وميعرف شيسوي حتى يعبر عن فرحه..

_وين رح تنام
ابراهيم: هنا على الكنبه...
_عزا هذا يكسرك..
ابراهيم: ميخالف اهم شي انتِ وايمن ترتاحون هيه هاي الليله ونطلع..
نامي مو تبقين كاعدة خاف ايمن يكعد وبعد ميخليج تنامين...
_تمام تصبح على خير
ابراهيم: وانتِ من اهله

كعدت الفجر واني احس رح اتخبل من الوجع...
لا اراديا دموعي تصب من الوجع...
افتريت اشوف وين ابراهيم.. شفته نايم على الكنبه وايمن بصفي
ماكدر اكوم من مكاني واريد اروح للحمام لان مثانتي كلش توجعني...
ضليت من بعيد انادي ابراهيم..
كعد بعد عدة محاولات..

ابراهيم: شبيج
(بعيون نعسانة)
_ابراهيم الحكلي رح اموت

كام من مكانه بسرعة واجالي...

ابراهيم: شبيج بس احجي... ايمن بي شي؟
_لا لا بس مثانتي رح اطك بس اريد اروح للحمام بعد ماتحمل..

وخر الجرجف مني وكومني...
مسك ايدي ولف ايده على خصري حتى اتوازن...
وصلني للحمام...

_خلص اني اكمل...
ابراهيم: شتكملين بوحدج خاف يصير بيج شي
_رح اسويها عليك بعد ماتحملل
ابراهيم: تمام تمام فوتي..