وقعت في حب لاعب.

p10

طفيت التلفون وكعدت افكر... غفيت بدون ماحس..

كعدت الفجر على صوت الباب.. خفت وابراهيم مموجود بالبيت!
فتحت الضوا والصوت بالبلكونة.. اول مفتحت الباب شفت بزونة تركض..
_يربي.. هسه وقتج وكعتي گلبي.!
فجأة اجا صوت الاذان.. رحت اتوضيت وصليت..
فجأة انفتح الباب..
_ليش اتأخرت..!
ابراهيم: واني شنو اخذ اذنج؟ حتى اطلع واطب
_لا مقصدي هيج.. بس جنت خايفة وعبالي صار بيك شي..
ابراهيم: فكري بروحج وعوفي الناس بحالها
مجاوبت ورحت اتغطيت ونمت..
كعدت.. الساعة 10 الصبح..
_اههه شجابني عالزواج وكعدة الصبح..!
رحت غسلت وجهي وفجرت اسناني وسبحت..
طلعت من الحمام ولفيت الروب على جسمي..
اجيت اشلح الروب والبس ملابسي.. ماشوف والا ابراهيم داخل علي..
_د دابدل..
ابراهيم: بدلي منو ماسكج..
_ا اي اطلع ححتى ابدل..!
ابراهيم: اني زوجج..!
_ابراهيم ايمتى تترك هاي عادتك ترى مليت اطلع اريد ابدل..!
اتقرب مني واني اتراجع خطوة خطوة.. لحد ما وكعت على التخت..
_اهه
ابراهيم: تحبين اسويها وياج كل صبح؟
_ااببرراهيمم..
ابراهيم: لهدرجة اني اخوف؟
_عزمت زهراء الليوم.. ورح تجي بعد ششوي..
شو تعزمين بدون اذن..!
يحجي وكل حرف يطلع من حلكه ارتعش مثل الطفل..
_ججنت ضايجة وكتلها تجي..وانتَ متكعد بالبيت واضوج بوحدي..
ابراهيم: دكومي لبسي شي مستور تروح تطلع حجي
عليج..!
_ت تمام بس دتوجعني..
وجهه عيونه على منطقتي الحساسة واستوعب انو حاط رجله عليه..
كام من مكانه بسرعة ورش عطر وطلع..
رحت وطلعت ملابسي..

اخذت مساكة شعر وردية ومشطت شعري وخليته..
اخذت تلفوني ورحت على اقرب مطعم..
_الو.. اريد كبة منزلية وورق عنب.. كون حامضة..
وببسي حجم عائلي.. مقبلات حط بكيفك.. وها اريد مندي مفحم..
_اريد دفع عند الاستلام..! تمام شكراً ♡

طفيت التلفون ورحت احضر المواعين حتى يبين اني مسويته.. هههه
اني من ايمتى اعرف اطبخ يمعودة هوَ اني البيض اگلب المطبخ اذا اسويه..!
رحت اتعطرت ولبست المريول عود جنت اطبخ..

اجا صوت الباب بعد نص ساعة.. جاية جاية..
فتحت الباب واخذت الطلب.. رحت ورتبت الاكل..
فجأة دخلت زهراء..
_زهراءء..!
زهراء: اي زهراء بعد روحي تعاي ابوسنج..
_شلون دخلتي..!
زهراء: عزا جان الباب مفتوح خيه انتبهي المرا الجاية..
_ديلا روحي كعدي اجيب الاكل واجي..
اخذت الاكل ورحت كعدت..
_والله فد مشتاقتلج.. تصدكين احبج اكثر من خواتج.!
زهراء: بعد روحي والله اني هم احبنج اكثر من هذني الحياية..
_منو!
زهراء: زوجات حماويج..
_هسه اكلي بعد روحي ورا الغدا نحجي..
زهراء: عاشت ايدج الاكل يخبل
_بالعافية بعد روحي..
اكلنا واول مخلصنا اخذت الاكل عالمطبخ..
_زهراء حبيبتي تشربين جاي؟
زهراء: لا گلبي ماحبه..
اخذت الببسي ورحتلها للصالة..
_ايي.. احجيلي شعندج..
زهراء: شتردين احجي عمري..
_اكلج زهراء عمري.. اريد اسألج بس كون تجاوبيني بصراحة..
زهراء: كولي حبيبتي اجاوبج..!
_شكو بين مريم وابراهيم..؟
زهراء:  هاا
_سمعيني بعد گلبي.. اني اعرف اكو شي بيناتهم..
ف لا تخبين لان اذا منج ماعرف اعرف من غير احد وانتِ عزيزة عليه.. ف احجيلي ماكول لابراهيم..
زهراء: باعي ماريدج تنجرحين.. شوفي ابراهيم من جان عمره 16 جان يحب مريم وهيه عمرها 14
واعترفلها من جان عمره18 وارتطبو.. لي وكتج هذا
وبيناتهم حب كلش جبير.. بحيث جان يخاف عليها من نسمه الهوا..! من صار عرس اخوي الي يكون اخو ابراهيم.. اخوي قاسم عزم ابوج واجيتو..
بعد يوم من العرس امي شافتنا كلنا متجمعين وصارت عزيمة.. وجانت مريم هم موجودة.. اجا ابراهيم كعد وامي كالت اجا العريس.. الكل باوعلها بصدمة.. مريم هنا ابتسمت وخجلت.. امي كالت لكيتلك خوش عروس..
ابراهيم: مني!
امي: تذكر عرس قاسم من جانت اكو بنية لابسة ابيض وشعرها بني غامق.. راسلتهم ووافقو نروح
نخطب..
زهراء: وماحجيلج مريم شلون طلعت من المضيف..
تكول عصرو عليها ليمون..
طلعت وراحت للحديقة وابراهيم ركض وراها..
رحت وراهم دسمع شديحجون..
مريم: ابراهيم هيج تسوي بيه!؟ هاي اني الي انتظرك سنين وشهور وايام.. ولك انتظرك بالدقايق حتى اشوفك وهيج تسوي..!
ابراهيم: وداعة عيونج هسه ادري حالي من حالج..
مريم: ولك عوفني وبعد لتحط عينك بعيني..!
وهيه تبجي وتشهد
دخلت للغرفة وقفلت الباب وابراهيم ركض لامي وراحو مكان وحدهم وكعد يحجي ويكول انتِ شلون تخابريهم ومتاخذين رأيي واني هنا سطل وماعندي قرار بكلشي! وشلون تتحكمون بحياتي واني احب غير وحدة..
وحسيتهم حسو علي ورحت للغرفة وبعد مادري شصار.. وبعد يومين اجو يخطبوج..
_يعني هاي هيه السالفة..!
زهراء: اي والله خيه.. بس بيني وبينج؟ مريم حيه!
_خيه واضح من وجهه شكد حاقدة..
اخذتنا السوالف وسالفة تجر سالفة دخل ابراهيم..
زهراء: هلا بالمنور بغداد هلا بحليو المنطقة..
سلم عليها وراح للغرفة..
اجاها اتصال وكالت هسه دقيقتين واطلع..
_ها وين
زهراء: بعد گلبي حلوة السوالف وياج لو بودي اضل يمج بس زوجي جاي والله..
_والله بعد وقت..
زهراء: ان شاء الله غير وقت ابات يمج..
سلمت علي واجت تطلع حطيت خمسة وعشرين بيدها
زهراء: عزا هاي شنو
_تستاهلين بعد روحي..
زهراء: تعاي ابوسج عمري
سلمت وطلعت..
دخلت للغرفة شفت ابراهيم نايم.. جنت مشتاقتله..
_الغرفة شكد حاره..
ابراهيم نايم بالجاكيت.. رحت وشلحته الجاكيت والتيشيرت جان شوي وصخ نزعته وبقى بلا ملابس.
فجأة حضني واني ارتعشت من الخوف..

      حبايبي حاولت يكون البارت اطول من كل مرا
              بس عيوني توجعني وماكدر اكتب
                              اكثر من هيج
            ان شاء الله بين يوم ويوم انزل بارت
                          لتنسون تصوتون
          ♥♥♥♥♥♥♥♥♥♥♥