الـــعقرب 111
الكاتبة: lorsin .
𝐈𝐧𝐬𝐭𝐚𝐠𝐫𝐚𝐦_ria_yu4
تصويت + تعليق بين الفقرات + متابعه الحساب + متابعه علا الانستا
『』『』『』『』『』『』『』
_ نفخت بعصبيه وكامت راحت ونامت علا السرير أما انا اتمددت بمكاني وغفيت شوي وكعدت رفعت عيوني اباوع وأتسائل بغباء انا وين هزيت راسي بفهم من اتذكرت كمت ولاحضت البلكونه الي بلغرفه مفتوحه شويه رحت عليها اريد اقفلها وانتبهت علا أحد برا منطيني ضهرا العريض فتحت الشباك وطلعت بشجاعه اشوف منو هذا التفت عليه الجكاره معلكه بحلكه عيونه حمر دم
إيليا :- ماتيو ؟
_ فر وجها سريع من شافني وحجه بخفوت
ماتيو :- شرايده ؟؟
- لا ماكو بس هيج يعني شفت البلكونه مفتوحه
_ اتنهد بضيق حسيت بلحزن عليه قربت وكعدت بصفه ساكته
ماتيو :- شسوي ساعديني راح اموت بعد ما اكدر
- اسم الله شبيك بابا , قصدك عن شهزنان
- اخخخخ اي ايي
- لمحت الحب بعيونك من اول مرا شفتك بيها , أنتَ جبير ليش ما تطلع وتاخذها وياك وعيش حياتك اشتغل عماله أو اي شي
- هوا هذا الي اكوله الها بس
- شنو ؟؟؟
- انا اشتغل اصلا هية تعرف شنو اشتغل وهذا السبب الي مخليها ترفض تجي وياي
- ليش شنو تشتغل
- مو لازم تعرفين
- اذا شغله مو زينه حقها ترفض
_ صفن ساكت حسيت بي شكد محتار سكتت وكمت اريد ادخل حجه بصوت هامس
- شلون اعوفه شلونن
- اذا تحبها عوفه
- لا لا مجاي تفتهمين انتِ .
_ هزيت راسي ودخلت جوا رجعت لفيت روحي بلحاف ونمت بعمق ، حسيت بأيد ناعمه علا خدي تضرب بخفه فتحت أعاين علا رنيم الي كاعده كبالي ومبتسمه بلطف
رنيم :- كومي كوميي اليوم جمعه ماكو شغل راح نفتر بالحديقه كوميي
_ كمت افرك بعيوني ما حجيت مجرد رحت غسلت واستخدمت الحمام وطلعت صافنه عليهم الساعه جانت الربعه العصر وهما امبدلين وكاعدين دخل ماتيو و ريان من بابا الغرفه عاينت علا ماتيو الي ما رفع عينه ابد علا اي شخص غير رنيم اجه لزم أيدها وصاح
ماتيو :- اتاني بالباب تتأخرون اعوفكم و اروح
_ طلع من الغرفه وهم كاموا انا هم لبست صايه و حجاب طلعت وياهم ولكيت كعب بابا الغرفه عجبني البسه طلع مال شهزنان وقبلت أخذه أخذته وطلعنه اخذنه كبل برا المنطقه ورحنه الحديقه صغيرا كلش حلوا ما بيها هواي ناس مجرد كم شخص هيج ينعدون علا الاصابع كعدنه وطلعن كم اكله مسوياتها فطائر و مدري شنو واكو حب و ببسي وهيج كعدنه ناكل و انسولف بشكل طبيعي كلش خلصت الكعده وكمنه نلم الغراض اجه ماتيو الي ما كعد ويانه اصلا طول الوقت كاعد وحده كمنه ورجعنه للمنطقه بعد أذان المغرب بشوي يعني ما طولنه كلش دخلنه للمنطقه بس هل مرا جانت خبيصه مو طبيعيه شرطه بكل مكان بيها استغربت طلعوا الشرطه وياهم ولد وبنات طن ركزت اكثر علا أشكالهم وفهمت ليش اخذوهم واضح من البس بنات مو زينات ويشتغلن بنوادي ليليه هزيت راسي ورجعت اركز من لمحت شخص اعرفه بس ما اتذكر وين شايفته ابد تقدمت اكثر ناسيه كلشي حوليه بس اريد اشوف شكله عدل , هذا جان ويه نانا البنيه الي جانت وياي بسجن هوا نفسه الي اخذها و وصلني هوا هذا ارسمت البسمه علا وجهي ليش ما اعرف بس اتذكرت نانا وتصرفاتها الطيفه جان كلش هيبه وصيح ويأشر بيده و اليد الثانيه بيها جكاره ضخم وطويل حيل مثل أي ضابط بس هوا جان أكثر منهم اجه واحد عليه دكله تحيه وحجه ما سمعت شنو كال بس الي فهمته انو ما بقى أحد جوا هز راسه وصعد السيارته اتحركن السيارات ابتعدت وطلعوا هما من المنطقه هزيت براسي ساكته ورجعنه تحركنه متجهين للبيت دخلنه جوا وجت سعديه تعاين عليه بنضرات غريبه هزيت راسي ساكته ودخلت للغرفه اجت ورانه وصاحت عليه تريدني اجي اجيت ساكته اخذتني وكعدت وياي
