الـــعقرب 111
الكاتبة: lorsin .
𝐈𝐧𝐬𝐭𝐚𝐠𝐫𝐚𝐦_ria_yu4
تعليق لطيف بين الفقرات + تصويت + متابعه حلوا مثلكم 🔥❗
『』『』『』『』『』『』『』
جوري :- طلعت برا اجيب معجون لعمه زينب علمود الغده ، التفتت ادور على محل بعيوني اول واحد صار بوجهي محل صغير على جها دخلتله و سلمت ولحسن الحظ جانت حجيه كيوت
... هلا هلا بيج يمه تفضلي
- خاله معجون عندج ؟؟
... اي يمه هذاك ، اكلج انت منين ما شايفتج هنا انا
- من بغداد خاله اجيت ازور أقاربي
... يا يمه هيج بنات بغداد يخبل
- تسلمين عمري
... شگره انتِ
- اي نعم خاله ، بيش هذا
أشرت بيدي على بسكت بالككو أخذته وخلته بيدي
- بلاش الج يا بعد روحي
- لا خاله تسلمين
- لا والله الا تاخذينه
_ ابتسمت باحراج وهي كلش أصرت فـ خذيته هوا و المعجون و دفعت لفلوس و طلعت اتمشه بهدوء بالشارع شوارعهم حلوا كلها خضار و الـ جهال يلعبون برا ، لمحت ضرغام كاعد ويه واحد من ولد عمي وجاهل بحضنه يلعب وياه ابتسمت و صار فضول عندي شنو يحجي وياه عبرت من يمهم مغطيه وجهي ورحت يم الباب وگتف اسمع
ضرغام :- خوش زلمه هذا
- سعبالك لعد انا محد يگدر يحاجيني
- ارگد بوي ارگد
ضرغام :- عوفه شعليك بي انتَ
- والله عمو اريد اصير مثلك
ضرغام :- طيح الله حضك على هيج امنيه
- هاي ليش ولك مو جاي يتمنى يصير مثلك
ضرغام :- اي هي هاي المشكله , روح ادخل جوا روح
- نعم سيدي
_ گمز الولد يركض وراح على بيتهم يمشي بطريقه طفوليه تشل من لطافتها ابتسمت و التفتت ادخل جوا ، فز كلبي وكلشي بجسمي من سمعت صوتي صاح التفتت بسرعه وعيوني راحن على ضرغام عبالي بي شي لمحت وجها المليان خاف وهوا يعاين على الشارع التفتت عيوني بسرعه ولزمت الباب من هول المنظر وانا اشوف الطفل اگبالي على الأرض مسحوك وجها عباره عن دم
ما گدرت اتحرك من الخوف ركض الابو على ابنه بينما ضرغام ميت بمكانه ما يگدر يتحرك ركضت عليه اهز بي اريده يتحرك ماكو شفت عيونه الي حمرن و لمعن بيهن الدموع
