الـــعقرب 111
الكاتبة: lorsin .
𝐈𝐧𝐬𝐭𝐚𝐠𝐫𝐚𝐦_ria_yu4
『』『』『』『』『』『』『』
زياد :- سكتي بابا هسة نلكاها لا تخافين
ملاك :- ويننننن وين تلكوهاااا
_ ما حجه مجرد حاضنها وساكت طلع رعد من يم قفص مال دجاج يصيح ...
رعد :- هاي هية تعالووووا
_ كامت عمه ملاك تركض وحنه وراها وكفت من شفتهم وكفوا صافنين رحت وصفنت وياهم , نايمه علا حصيرة يم القفص ويمها ماي ومغطيه وجهها بشفقه , باوعت علا عمه ملاك عيونها تجدح من العصبيه وعمو زياد يضحك اجت عليها تريد تسحبها من ملابسها وسحبها عمو زياد يهدي بيها
- هاا يابه كولي يا الله
- زياد وخغ عني هاي مو مال عيني و اغاتي
_ ضحك وسحبها ويه أشر المعه علا رفيف بمعنه جيبيها وطبب عمه ملاك جوا , اجت لمعه وسحبتها من ملابسها اردفت بصياح
- بت القن... طيحتي كلوبنه كم مرا فصمت وكتلج اكو فراش جوا ليش تنامين هنا
رفيف :- وخرييي اريد انام
_ سحبها رعد يصيح عليها اخذها ودخلها جوا وحنه ورا اترزلت من الجميع وخصوصه عمه ملاك الي شبعتها دموع كل اشوي ترزلها هنوب تحضنها وتبجي وعمو زياد حاطها بحضنه ويضحك , ورا شوي ودخلوا مجموعات من الناس هيج كلهم سوا كامت لمعه اتسلم وانا وراها ما اعرفهم عدل بس بعد كلت عيب ما أسلم لمحت جدي من بعيد ورحت طايره عليه حضنته وبست راسه و وخده وهوا يضحك
سلمان :- هلا هلا بروح سلمان
- هلا بيك جدو وينك شنو هل غيبه صار لي دهر ما شايفتك ولا متغير وحليان صاير تخبل
- هههه يبعد جدج أنتِ تعاي بويه تعاي
_ سحبني وكعدت يمه بنص المجلس وكلهم ولد الي علا صفحتنه انحرجت بس ضليت يمه وحاضنته
- شونجن بدراسه
لمعه :- انا زينه بس اكو فرد وحده سوت شي مو زين وعافت الكليه
- لاه لاه لاه إيليا ؟
إيليا :- جدو ضروف ولعباس ابو فاضل ضروف وشباك الكاضم ضروف
سلمان :- فهمنه ولج كافي حلفان راح يطيح البيت علا روسنه
_ سكتت وضليت العب بلخاتم مالته كامن كلهن للمطبخ يجهزن الغده وانا بقيت يم جدو اسولف اشوي ودخلت مرا تصيح
… ما تكوميننن اتساعدين ولجج
سلمان :- هششش لا يعله صوتج هي يمي أنتِ معليج
